Corvus (konstelazioa)

Wikipedia, Entziklopedia askea
Hona jauzi: nabigazioa, Bilatu
Corvus
Corvus constellation map.svg
Datuak
Laburdura Crv
Genitiboa Corvi
Sinbologia Belea
Igoera zuzena 12 h
Deklinazioa 20°
Eremua 184 gradu karratu

70. maila

Izar kantitatea

(magnitudea < 3)

2
Izarrik distiratsuena γ Corvi

(itxurazko magnitudea 2,59)

Meteoro euria

korbidak (ekainaren 26an)

Konstelazio

mugakideak

+60° eta −90° latitude bitartean ikusgai.

Ikuspen onena 21:00etan (9 p.m.) Maiatzan

Corvus (Belea) Hego hemisferioko konstelazio txiki bat da, begi hutsez ikus daitezkeen 11 izar besterik ez duena. Ptolomeok II. mendean deskribatutako 48 konstelazioetako bat da, eta 88 konstelazio modernoetako bat ere bai. γ Corvi eta δ Corvi izarrak adierazletzat erabiltzen dira Espiga izarra aurkitzeko (α Virginis).

γ Corvi konstelazioko izarrik distiratsuenak konposizio kimiko ezohikoa du, merkurio- eta manganeso-eduki handia baitu; aluminio- eta nikel-edukia, berriz, oso txikia da.

Izar nagusiak[aldatu | aldatu iturburu kodea]

  • α Corvi, 4,02ko itxurazko magnitudekoa. Konstelazioko bosgarren distiratsuena baino ez da, nahiz eta "Alfa" izan Bayer izendapenean.
  • β Corvi, 2,65eko magnitudekoa, konstelazioko bigarren distiratsuena. Izar erraldoi horia da.
  • γ Corvi, 2,58ko magnitudekoa, konstelazioko izarrik distiratsuena. Izar zuri-urdina da, eta Lurretik 165 argi-urtera dago.
  • δ Corvi, 2,94ko magnitudekoa. Izar bitarra da. Osagairik txikiena oso izar gaztea da, 110 milioi urte besterik ez duena.
  • ε Corvi, 3,02ko magnitudeko izar erraldoi laranja.
Antenen galaxiak, Hubble espazio-teleskopioak egindako argazkia.

Zeru sakoneko bi objektu aipagarri ditu konstelazioak: NGC 4038 eta NGC 4039 galaxiak (Antenen galaxiak), konstelazioaren mendebaldean; interakzioan daude.

Kanpo-loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Corvus (konstelazioa)