Donetskeko oblasta

Wikipedia, Entziklopedia askea
Hona jauzi: nabigazioa, Bilatu


Donetskeko oblasta
Донецька область
Ukraina Ukrainako oblasta
bandera armarria
Administrazioa
Herrialdea  Ukraina
Hiriburua Donetsk
Geografia
Map of Ukraine political simple Oblast Donezk.png
Azalera 26.517 km²
Demografia
Biztanleria 4.542.280 biztanle (2008)
Dentsitatea 171,3 bizt/km²
Bestelako informazioa
Hizkuntza ofiziala(k) Ukrainera
www.donoda.gov.ua

Donetskeko oblasta (ukraineraz: Донецька область, translit. Donets’ka oblast’), Ukrainako hego-ekialdeko oblasta da. Hego-mendebaldean Zaporijiako eta Dnipropetrovskeko oblastekin du muga, ipar-ekialdean Luhanskekoarekin, ekialdean Errusiako Rostov oblastarekin eta hegoaldean Azov itsasoarekin. 26.517 km²ko azalera du eta 2008an 4.542.280 biztanle zituen[1] (Ukrainako populazio osoaren %9,7). Hiriburua Donetsk da.

2014ko maiatzak 11n egindako erreferendumaren ondorioz, estatu independente bilakatu zen, eta maiatzaren 18an beste erreferendum bat egitekoa zen, Errusiar Federakundearen parte bihurtuko zen erabakitzeko, baina proiektu hori bertan behera utzi zuten. Gaur egun de facto zatirik handiena Errusia Berriko Estatu Federalaren zati da eta, aldi berean, "estatu" honek harreman estu eta sakonak ditu Errusiarekin. Donbasseko gerra zibilaren ondorioz, eskualdeak aldaketa demografiko eta ekonomiko sakonak jasan ditu.

Banaketa administratiboa[aldatu | aldatu iturburu kodea]

Donetskeko oblastaren mapa

Oblasta hamazortzi raion edo barrutitan banaturik dago. 28 hiri, 23 barruti buru, 134 herri eta 1.124 herrixka daude[2].

Hiri nagusiak[aldatu | aldatu iturburu kodea]

Donetskeko oblasteko hiri handienak hauek dira (2005eko biztanleria[3])

Ekonomia[aldatu | aldatu iturburu kodea]

Industria[aldatu | aldatu iturburu kodea]

Donetskeko oblastak Ukrainako ikatz, altzairu eta burdin ekoizpen guztiaren erdia baino gehiago produzitzen du. Tamaina handiko 882 enpresa biltzen ditu eta 2.095 ertain-txiki daude[4].

Nekazaritza[aldatu | aldatu iturburu kodea]

Nekazal produktu nagusiak garia, azukre-erremolatxa, ekilorea, patata, okela eta esnea dira. 1999ko hasieran 2.108 etxalde zeuden zenbatuta[4].

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Donetskeko oblasta Aldatu lotura Wikidatan

Ikus, gainera[aldatu | aldatu iturburu kodea]