Fernando Alonso

Wikipedia(e)tik
Hona jo: nabigazioa, Bilatu
Fernando Alonso Díaz
Fernando Alonso Díaz
Datu pertsonalak
Izen osoa Fernando Alonso Díaz
Ezizena Nano, Magic Alonso
Jaio 1981eko uztailaren 29a (35 urte)
Uviéu (Asturies)
Ibilbidea
Taldeak 2001 Minardi F1
2002 Renault F1 Team
2003 Renault F1 Team
2004 Renault F1 Team
2005 Renault F1 Team
2006 Renault F1 Team
2007 McLaren
2008 Renault F1 Team
2009 Renault F1 Team
2010 Scuderia Ferrari
2011 Scuderia Ferrari
2012 Scuderia Ferrari
2013 Scuderia Ferrari
2014 Scuderia Ferrari
2015 McLaren Honda
2016 McLaren Honda
Lasterketak 268
Lorpenak
Txapelketak 2 (2005, 2006)
Garaipenak 32
Podium 97
Pole Position 22
Itzuli azkarra 22
Lehen lasterketa 2001eko Australiako Sari Nagusia
Lehen garaipena 2003ko Hungariako Sari Nagusia
Azken garaipena 2013ko Espainiako Sari Nagusia

Fernando Alonso Díaz (Uviéu, Asturies, 1981eko uztailaren 29a - ) 1 Formulako gidari profesionala da. 2005 eta 2006an urteetan 1 Formulako Munduko Txapelketa irabazi zuen, bietan ere Renault F1 taldearekin. Txapelketa hau irabazi duen gazteena izan zen 2008an Lewis Hamiltonek, eta ondoren, 2010. urtean, Sebastian Vettelek marka hautsi zuten arte.


Taldeak[aldatu | aldatu iturburu kodea]

Alonsoren kaskua (2001)

Minardi F1 (2001)[aldatu | aldatu iturburu kodea]

2001: Debuta[aldatu | aldatu iturburu kodea]

2001ean Ferrarirekin akordioa lortzeko pauso batera geratu zen. Jean Todt zen orduan Ferrariko kirol zuzendari nagusia. Honek proba-gidari bezala fitxatu nahi izan zuen, baina Renault azkarrago ibili zen eta azkenean Alonsok azken hauekin sinatu zuen kontratua. Minardi taldean egin zuen debuta, Renaultek utzita.

-Puntuazio Sistema (1991-2002):

Postua 1. 2. 3. 4. 5. 6.
Puntuak 10 6 4 3 2 1

Renault F1 Team (2002-2006)[aldatu | aldatu iturburu kodea]

2002: Proba gidari gisa[aldatu | aldatu iturburu kodea]

2002.urtean proba gidari bezala hasi zen Renaulten, Minarditik itzuli ostean.

2003: Lehen garaipena[aldatu | aldatu iturburu kodea]

Denboraldi honetan lortu zuen Renaulteko gidari ofizial bihurtzea, Jenson Buttonen ordez (BAR taldeak fitxatu zuen). Urte honetan heldu zen bere lehen garaipena 1 Formulako mundu txapelketan (Hungarian). 22 urterekin, garaipen bat lortu duen gidari gazteena bihurtu zen. Baita "pole" eta podiuma lortu zuen gazteenean ere. Denboraldia 6. postuan bukatu zuen, 55 punturekin.

-Puntuazio Sistema Berria (2003-2009):

Postua 1. 2. 3. 4. 5. 6. 7. 8.
Puntuak 10 8 6 5 4 3 2 1
2005eko AEBetako Sari Nagusia

2004: Urte gozoa[aldatu | aldatu iturburu kodea]

Denboraldi ona izan zen hau, baina garaipenik gabekoa. Melbournen hasi zen denboraldia eta bertan 3. egin zuen Alonsok. Ondoren, Magny Coursen 2. postua eta "polea" lortu zuen. Denboraldia borobiltzeko Hockenheimen eta Hungaroringen 3. postuak lortu zituen. Gainera, urteko irteerarik onena ere egin zuen. AEBetako Sari Nagusian 9. irten zen eta lehen bihurgunean 3. zegoen. 4. bukatu zuen denboraldia, 59 punturekin.


Alonso eta Fisichella, elkar zoriontzen. Atzean Flavio Briatore pozik. 2006ko Malaisiako Sari Nagusian.

2005: Lehen Munduko Txapelketa[aldatu | aldatu iturburu kodea]

Fernando Alonso 2006ko Kanadako Sari Nagusian

Lehendabiziko titulua lortu zuen urte honetan. Guztira 7 garaipen lortu zituen denboraldi honetan. Brasilgo Sari Nagusian 1 Formulako Txapeldun gazteena bihurtu zen, 24 urterekin (Emerson Fittipaldiren errekorra hautsiz). Urte horretan taldeen txapelketa ere irabazi zuten Giancarlo Fisichellak eta biek.

133 puntu lortu zituen. Urte bukaeran Kiroletako Asturiasko Printzea Saria jaso zuen.

2006: Bigarren Munduko Txapelketa[aldatu | aldatu iturburu kodea]

Bigarren titulua lortu zuen denboraldia. Aurreko urtean bezala, 7 garaipen lortuta Brasilgo Sari Nagusian irabazi zuen matematikoki bere bigarren txapelketa. Denboraldi zaila izan zen, auto txarrago izanda Michael Schumacherekin lehia itzela izan ostean. 134 puntu lortu zituen, aurreko urtean baino 1 gehiago.

Urte zaila McLarenen (2007).

Vodafone McLaren Mercedes (2007)[aldatu | aldatu iturburu kodea]

2007: Lehen aroa McLarenen[aldatu | aldatu iturburu kodea]

Denboraldi oso zaila izan zen Fernando Alonsorentzat. McLaren taldeak fitxatu zuen 3 urteko kontratua sinatu ostean. Bakarra bete zuen. Lewis Hamilton taldekidearekin arazo asko izan zituen, baita Ron Dennis zuzendariarekin ere. Azkenean 3. bukatu zuen 109 punturekin, Kimi Raikkonen txapeldun izan zenak baino puntu bat gutxiagorekin.

Renault F1 Team (2008-2009)[aldatu | aldatu iturburu kodea]

Singapur 2008

2008: Urte gazi-gozoa Renaulten bigarren aro hasieran[aldatu | aldatu iturburu kodea]

McLarenetik pasatu ostean Renaultera itzuli zen. Urte honetan 2 garaipen lortu zituen. Bat Singapurreko Sari Nagusian, 1 Formulan egin zen lehendabiziko gaueko lasterketan. Ondoren Japonian irabazi zuen. 5. bukatu zuen denboraldia, 61 punturekin.

2009: Urte kaskarra Ferrarira joan aurretik[aldatu | aldatu iturburu kodea]

Oso denboraldi txarra izan zen hau. Podium bakarra lortu zuen (Singapurren, 3.). Auto oso txar batekin lehiatu zen urte guztian zehar eta 9. bukatu zuen soilik 26 puntu lortu ostean.

Scuderia Ferrari (2010-2014)[aldatu | aldatu iturburu kodea]

Alonso Ferraria gidatzen, 2010eko Kanadako Sari Nagusian

2010: Ferrarirekin debuta eta txapeldunorde[aldatu | aldatu iturburu kodea]

Ferrarirekin debuta. Urte hasieran Red Bull eta McLaren taldeak goitik azaldu ziren, naiz eta Alonsok lehen lasterketa irabazi. Denboraldi erdian lidertzatik 40 puntura zegoen, baina azken aurreko lasterketan lidertzan jartzea lortu zuen, Ferrariaren hobekuntzak zirela medio. Azken lasterketan txapelketa galdu zuen estrategia akats larri baten ondorioz. 2.bukatu zuen 252 punturekin, Sebastian Vettel txapeldunak baino 4 puntu gutxiagorekin.

-Puntuazio Sistema Berria (2010-egun):

Postua 1. 2. 3. 4. 5. 6. 7. 8. 9. 10.
Puntuak 25 18 15 12 10 8 6 4 2 1



2011: Titulutik oso urrun[aldatu | aldatu iturburu kodea]

Aurreko urte onaren ondoren, 2011n titulua lortu nahi zuen Ferrarik. Baina lehen lasterketetan argi geratu zen Ferrari 150 Italia autoa ez zela horretarako gai izango. Denboraldia aurrera joan ahala hobetzen joan bazen ere, titulua urrunegi zegoen jada. Garaipen bat lortu zuen Alonsok, Ferrariren bakarra urte horretan. Laugarren bukatu zuen denboraldia 257 punturekin, bere taldekidearengandik oso goitik (Felipe Massa, 118pt).

2012: Txapeldunorde, berriz ere[aldatu | aldatu iturburu kodea]

Sebastian Vettelen atzetik bukatu zuen denboraldia Alonsok. Aurreko urtean ez bezala, oraingoan azken lasterketaraino aukerekin egon ziren biak. Alonsok hiru garaipen lortu zituen eta 278 puntu, berriz ere taldekidea atzean utzita (Felipe Massa, 122pt.)

2013: Ferrariren beherakadan txapeldunorde hirugarrenez[aldatu | aldatu iturburu kodea]

Red Bull eta Vettelek aukerarik gabe utzi zuten Alonso. Bi garaipen lortu zituen denboraldian (biak hasierako erdian) eta 9 podium. Vettelek 13 lasterketa irabazi zituen urte horretan, azken 9ak jarraian, eta txapeldunordeari (Alonso) 155 puntu atera zizkion. Berriz ere atzean utzi zuen Felipe Massa taldekidea (242pt.-112pt.).

2014: Hibridoen aroan Ferrari galduta[aldatu | aldatu iturburu kodea]

Motor hibridoak sartu ziren 1 Formulan eta Ferrarik atzera egin zuen. Mercedes izan zen onena aro berriaren hasieran, motor hori zuten taldeen gorakada nabarmena izanda. Denboraldi honetan Kimi Räikkönen izan zuen taldekide Alonsok. Taldekide bihurtu zirenek 2005 eta 2007an titulua borrokatu zuten elkarren artean (Azken honetan Hamilton ere bai). Alonsok irabazi zuen bien arteko lehia (161pt.-55pt.). Titulua ezinekoa zen hasieratik eta podium bi lortu zituen Ferrarik, biak Alonsok (Txina P3 eta Hungaria P2).

McLaren-Honda (2015-egun)[aldatu | aldatu iturburu kodea]

2015: Aro berri baten hasiera[aldatu | aldatu iturburu kodea]

2015eko Malaisiako Sari Nagusia

2015ean Mclaren-Hondarekin sinatu zuen 3 urterako, 2017raino. Bigarren etapa Wookingeko taldean, 2007ko denboraldi zailaren ondoren. McLarenek Mercedes motorra utzi eta Honda 1 Formulara bueltatu zen. Jenson Button izan zen taldekidea. Urte oso zaila izan zen potentzia falta eta hausturen ondorioz. Autoa ez zen lehiakor azaldu momentu batean ere baina aurrera pausu nabarmenak egin zituzten hasieratik amaierara bitartean. Lehen lasterketan ezin izan zuen parte hartu denboraldiaurreko test saioetan istripua izan eta medikuek hala gomendatuta. Stoffel Vandoornek hartu zuen bere ordez autoa baina ez zuen asko iraun, lasterketa hasi aurretik gelditu baitzen.

2016: Iazkoa hobetzen, etorkizuneko autoari begira[aldatu | aldatu iturburu kodea]

2016ko Malaisiako Sari Nagusia

Denboraldi honetan gauzak hobeto hasi ziren, baina goiko postuetatik urrun. Hobekuntza nabarmena aurreko denboraldiaz alderatuta. Urte honetan ere Jenson Button izan zuen taldekide. Denboraldi honetan ere lasterketa bat galdu zuen, oraingoan bigarrena. Lehen lasterketan, Australian, istripu gogorra izan zuen Esteban Gutierrez mexikarrarekin eta medikuek ez zioten baimenik eman hurrengo lasterketan parte hartzeko, badaezpada.

2017: Azken urtea 1 Formulan?[aldatu | aldatu iturburu kodea]

Denboraldi honetan kontratua bukatzen zaio Alonsori. Prentsari behin baino gehiagotan aipatu dio azken urtea izatearen aukera. Stoffel Vandoorne gazte belgiarra izango du taldekide.

1 Formulan lortutako emaitzak denboraldika[aldatu | aldatu iturburu kodea]

Denboraldia Taldea SN Garaipenak Poleak Podiumak I. Azkarrak Puntuak Azken sailk.
2001 Minardi 17 0 0 0 0 0 23.
2003 Renault 16 1 2 4 1 55 6.
2004 Renault 18 0 1 4 0 59 4.
2005 Renault 18 7 6 15 2 133 1.
2006 Renault 18 7 6 14 5 134 1.
2007 McLaren 17 4 2 12 3 109 3.
2008 Renault 18 2 0 3 0 61 5.
2009 Renault 17 0 1 1 2 26 9.
2010 Ferrari 19 5 2 10 5 252 2.
2011 Ferrari 19 1 0 10 1 257 4.
2012 Ferrari 20 3 2 13 0 278 2.
2013 Ferrari 19 2 0 9 2 242 2.
2014 Ferrari 19 0 0 2 0 161 6.
2015 McLaren 18 0 0 0 0 11 17.
2016 McLaren 17 0 0 0 1 42 11.
GUZTIRA   263 32 22 97 22 1820  
Wikimedia Commonsen badira fitxategi gehiago, gai hau dutenak: Fernando Alonso Aldatu lotura Wikidatan