Plazara Goaz

Plazara Goaz
Datuak
Mota	euskara elkartea
Herrialdea	Gipuzkoa
Erabilitako hizkuntza	euskara
Agintea
Egoitza nagusi	Intxaurrondo;
Historia
Sorrera	1998
	webgune ofiziala;

Plazara Goaz Elkartea Intxaurrondoko (Donostia) euskara-taldea da. 1998ko abenduan sortu zen, auzoan euskararen erabilera normalizatzeko helburuarekin. Horretarako, hainbat kultur eta normalizazio-ekimen antolatzen ditu urtean zehar.^[1]

Auzoko euskaldunek euren artean elkar ezagutzeko eta haien artean sare bat eratzearren elkarteak zenbait komunikazio-ildo sortu ditu: Posta-zerrenda bat antolatu zuten ekitaldien berri emateko, bloga eta webgunea sortu zituzten geroago. baita Twitter kontua ere.

Motibazioa eta sorrera

Ehun urte lehenago Intxaurrondo Altza udalerriko baserri-gune euskalduna zen, erabat. Baina euskara erabiltzeko debeku gogor asko izan dira azken mendeetan. adibidez hauek:^[1]

1857 – Espainian Moyano Legeak eskola publikoa sortzen du, baina gaztelaniaz baino ez zela izango ezarri zuen.
1924 – Primo de Riveraren diktaduran. Ekitaldi publikoetan euskara erabiltzea debekatu zen.
1936 – Armada frankistak euskaraz hitz egitea debekatu zuen. 1938an erregistro publikoetatik euskara ezabatu zuten, eta geroago esparru publiko guztietatik ere bai.
1940 – Frankismoak Altza udalerria Donostiakoan integratu zuen eta euskararen presentzia desagertu zen bizitza ofizialetik.

Geroago Intxaurrondo auzoa milaka etorkinekin aberastu zen. Euskarak auzoan aspaldi zuen aspaldiko erabilera hura berreskuratu nahian 1998an auzoko hainbat elkarte eta pertsona bildu ziren horren alde lan egiteko. Hasierako batzordearen sortzaileen artean hauek egon ziren: AEK, auzo elkarteak, Larrotxene Kultur Etxea, Intxaurrondo Ikastola, Bagera taldea, auzoko Euskal Herrian Euskaraz taldea, Zulo Zahar elkartea, eta hainbat jende independente ere.^[2]

Jarduerak

1998an Euskalgintzaren Kontseiluak antolatu zuen Bai euskarari kanpaina auzoan dinamizatzea izan zen lehen erronka. 1999ko Korrikaren antolaketa gero, eta segituan Plazara Goaz Euskara Elkartearen beraren sorrera.

Horrela taldea egitura minimo hartu zuen eta harrezkero urtez urte hainbat ekintza antolatu dituzte euskaldunoi euskaraz bizi ahal izateko gunea ahalik eta zabalena izan dadin, eta erdaldunak euskarara hurbiltzeko ahaleginak egiteko.^[4]^[5]^[6] Hasierako ekintzak pixkanaka joan dira aldatzen eta moldatzen gizartean eta auzoan gertatu diren aldaketekin, baina zerrenda honetan azaltzen dira ohiko ekintzak:^[7]

Haur eta Gazteentzako jarduerak

Haur jolasak. "Gabonetan euskaraz": ikastaroak eta Jolas kooperatiboak.
Urtero ekartzen dituzte Pirritx, Porrotx eta Marimotots pailazoak,
Gazteentzako tailerrak
"Izarrak Plazara" kantu txapelketa

Literatur Lehiaketa (gehienez 100 hitz zituzten ipuin-lehiaketa).
Ume txikientzako "Parketarrak" proiektua Hegoa ikastetxean eta auzoko parkeetan zabaltzea: Bernart Etxepare, Sagastieder,..

Ekintza kulturalak

Euskal Asteak
Ostegun Kulturalak
Ikastaroak (patinatzekoa; txirringan ibiltzen ikastekoa; makrame; makillaje; sukaldaritza; dantza...)
"Literatura plazara" solasaldiak
Koldo Izagirre Sagastieder plazan ibilaldi literario batean (2022).
Ibilaldi kulturalak auzoan zehar.
Abestien CDak/liburuxkak banatu zenbait ekintzetan

Jaiak eta jarduera ludikoak

Euskararen egunean abenduaren 3an (Gaztainerre; Jolasak auzoko gazteekin, Haurtxoko eta Gaztelekukoekin; Antzerkia Gaztetxekoek; Plaza dantzak; Bertsoak; Barri; ..)
Korrikako edota Udaberriko jaia (Jolasak; Bazkaria; Barri; ...)

Euskaraz praktikatu ahal izateko aukerak sortzea

Mintzalaguna
Mintzo eta Pintxo potea (Mintzo potea)
Erronkak jarri auzoari eta denon artean betetzen saiatzea (Baietz 20 ordu / Baietz 20 egun euskaraz / Hamaika Baietz / Nitik harago / Euskaraldia ...). Adibidez, Plazara Goaz batzordeak 20 urte bete zituenean, 2019ko 20. Korrika eta Baietz 20 ordu euskaraz Intxaurrondon! erronkei ekin zieten. Geroago 20 ordu ez, 20 eguneko erronkari ere ekin zioten Baietz 20 EGUN euskaraz Intxaurrondon! erronkara jauzi egiteko. Norbanakoengan eta komertzioetan eragitea zen helburua, horretarako, auzotarrak ahobizi eta belarriprest izatera bultzatu zituzten; guztira, 2018an Euskaraldian auzoko 650 pertsonaren konpromisoa lortu zuten. Geroago 2019an Nitik Harago, Baietz11 Intxaurrondon! eta 2020an bigarren Euskaraldia etorri ziren.^[8]^[9]^[10]^[11]

Sentsibilizazio-kanpainak eta motibazio-saioak

Auzoko merkataritzan euskararen erabilera sustatzeko kanpaina.
Sentsibilizazio-kanpainak eta motibazio-saioak (Ikastetxeetako eta euskaltegietako matrikulazio-garaian, batez ere)
Hausnarketa-prozesuak
Orokorrean era horretako antzeko ekintzak antolatzen dituzte euskaldunoi euskaraz bizi ahal izateko gunea ahalik eta zabalena izan dadin, eta erdaldunak euskarara hurbiltzeko ahaleginak egiteko.^[4]^[5]^[6]

Jarduera bereziak

Ohiko jarduerez gain elkarteko 25 urtee baino luzeago den elkartearen historian zehar izan badira beste jarduera berezi batzuk, esaterako hauek:

Chimamanda Ngozi Adichie idazle nigeriarraren "Guztiok izan beharko genuke feminista" liburuxkaren itzulpena, Hik hasi elkartearekin batera koordinatuta.^[12]
2003an Euskaldunon Egunkaria itxi arazi zutenean, haren aldeko kanpainan auzoko ekarpenak koordinatu zituen Plazara Goazek.
Txilardegiren izena Donostiako Liburutegiari jartzeko kanpainan berdin, ekinbide haren alde auzoan azaldu ziren ekarpenak koordinatu zituen elkarteak.

Koordinazioa antzeko elkarteekin

Euskararen erabilera normalizatzeko asmoz badira antzeko elkarte batzuk, besteak beste hauek: Lasarte-Oria, Añorga,^[13]^[14] Agurain,^[15] eta Egia.

Plazara Goaz elkarteak harremanetan dago Altzako eta Donostiako beste euskara-elkarteekin (BATZEN, Altzako Historia Mintegia, Bagera, Udaleko euskara teknikariak...), baita Donostiatik kanpoko beste batzuekin ere.

Erreferentziak

1 2 Nor gara? - Plazara Goaz - Euskaraz nahiago, ESKERRIK ASKO!. (kontsulta data: 2026-04-15).
↑ «Euskaraz bizi nahi dutelako» Irutxuloko Hitza 2015-02-26 (kontsulta data: 2020-12-27).
↑ Ibilbide literarioa Intxaurrondoko kaleetan Koldo Izagirrerekin (2021-11-20) – Euskaraz nahiago, ESKERRIK ASKO!. (kontsulta data: 2021-11-20).
1 2 (Gaztelaniaz) Sánchez, Yolanda. (2017-06-22). «Fiestas que unen el barrio» El Diario Vasco (kontsulta data: 2020-12-27).
1 2 Donostia Kultura. (2016). SAGASTI EDER PRINTZESA ETA GRANADAKO BOABDIL. Auzo Algara.. III. Intxaurrondo Eguna.
1 2 «Margoketa eguna aurkeztu dute - Lasarte-oria» Txintxarri.eus (kontsulta data: 2020-12-27).
↑ 25. urteurrena prestatzeko batzar irekia (2023-09-20, asteazkena 19:00) – Euskaraz nahiago, ESKERRIK ASKO!. (kontsulta data: 2023-10-21).
↑ «Donostia.eus - [Berria Nitik harago! Baietz 11 Intxaurrondon! 2020ko Euskaraldiko aurrekari izango den probaldia»] www.donostia.eus (kontsulta data: 2021-04-19).
↑ (Gaztelaniaz) ««Nitik harago! Baietz 11 Intxaurrondon!»: 2020ko Euskaraldiko aurrek» www.donostiakultura.eus (kontsulta data: 2021-04-19).
↑ (Gaztelaniaz) EAJ-PNV. «Nitik harago! Baietz 11 Intxaurrondon! 2020ko Euskaraldiko aurrekari izango den probaldia» EAJ PNV (kontsulta data: 2021-04-19).
↑ joakin. «NITIK HARAGO BAIETZ INTXAURRONDON!» Steilas (kontsulta data: 2021-04-19).
↑ Guztiok izan beharko ginateke feminista liburuaren euskarazko bertsioa. Itzulpena: Kulturgintza, AEK eta PlazaraGoaz.
↑ «Añorgan euskaraz bizi nahi dugu - YouTube» www.youtube.com (kontsulta data: 2020-12-29).
↑ «Añorgan Euskaraz» www.facebook.com (kontsulta data: 2020-12-29).
↑ «AGURAINEN, EGUNEROKOAN EUSKARAZ BIZI NAHI DUGULAKO, 75 ORDU EUSKARAZ.» AGURAINEN, EGUNEROKOAN EUSKARAZ BIZI NAHI DUGULAKO, 75 ORDU EUSKARAZ. (kontsulta data: 2020-12-29).

Kanpo estekak

Plazara Goaz elkartearen webgunea
Plazara Goaz Twitter kontua
“Nitik harago, Baietz 11 Intxaurrondon” erronka (Hamaika Telebista, 2019-11-29)
plazaragoaz.eus bloga (Literatura Plazara, Komiki-solasaldiak...) Horiek dira aspaldiko blogetik geratzen diren aztarnak (2013-2019).

Datuak: Q104542182

[:3-1] 1 2 Nor gara? - Plazara Goaz - Euskaraz nahiago, ESKERRIK ASKO!. (kontsulta data: 2026-04-15).

[2] «Euskaraz bizi nahi dutelako» Irutxuloko Hitza 2015-02-26 (kontsulta data: 2020-12-27).

[3] Ibilbide literarioa Intxaurrondoko kaleetan Koldo Izagirrerekin (2021-11-20) – Euskaraz nahiago, ESKERRIK ASKO!. (kontsulta data: 2021-11-20).

[:0-4] 1 2 (Gaztelaniaz) Sánchez, Yolanda. (2017-06-22). «Fiestas que unen el barrio» El Diario Vasco (kontsulta data: 2020-12-27).

[:1-5] 1 2 Donostia Kultura. (2016). SAGASTI EDER PRINTZESA ETA GRANADAKO BOABDIL. Auzo Algara.. III. Intxaurrondo Eguna.

[:2-6] 1 2 «Margoketa eguna aurkeztu dute - Lasarte-oria» Txintxarri.eus (kontsulta data: 2020-12-27).

[7] 25. urteurrena prestatzeko batzar irekia (2023-09-20, asteazkena 19:00) – Euskaraz nahiago, ESKERRIK ASKO!. (kontsulta data: 2023-10-21).

[8] «Donostia.eus - [Berria Nitik harago! Baietz 11 Intxaurrondon! 2020ko Euskaraldiko aurrekari izango den probaldia»] www.donostia.eus (kontsulta data: 2021-04-19).

[9] (Gaztelaniaz) ««Nitik harago! Baietz 11 Intxaurrondon!»: 2020ko Euskaraldiko aurrek» www.donostiakultura.eus (kontsulta data: 2021-04-19).

[10] (Gaztelaniaz) EAJ-PNV. «Nitik harago! Baietz 11 Intxaurrondon! 2020ko Euskaraldiko aurrekari izango den probaldia» EAJ PNV (kontsulta data: 2021-04-19).

[11] . «NITIK HARAGO BAIETZ INTXAURRONDON!» Steilas (kontsulta data: 2021-04-19).

[12] Guztiok izan beharko ginateke feminista liburuaren euskarazko bertsioa. Itzulpena: Kulturgintza, AEK eta PlazaraGoaz.

[13] «Añorgan euskaraz bizi nahi dugu - YouTube» www.youtube.com (kontsulta data: 2020-12-29).

[14] «Añorgan Euskaraz» www.facebook.com (kontsulta data: 2020-12-29).

[15] «AGURAINEN, EGUNEROKOAN EUSKARAZ BIZI NAHI DUGULAKO, 75 ORDU EUSKARAZ.» AGURAINEN, EGUNEROKOAN EUSKARAZ BIZI NAHI DUGULAKO, 75 ORDU EUSKARAZ. (kontsulta data: 2020-12-29).

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]