Sanpedrotarra Arraun Elkartea

Sanpedrotarra Arraun Elkartea
Sorrera	1958
Herria	Pasai San Pedro, Gipuzkoa
Lehendakaria	Antxon Corman
Entrenatzailea	Asier Carballeda
Patroia(k)	Haritz Ostolaza Ion Fidalgo
Kolorea(k)	morea
Trainerua	Libia
Palmaresa	15 Kontxako Bandera 0 TKE Liga 1 Euskal Liga 3 KAE Liga 4 Espainiako Txapelketa 7 Euskadiko Txapelketa 9 Gipuzkoako Txapelketa
2023: Kontxa	ez
2023	1.a (KAE 1 Liga)
Webgunea	www.sanpedrotarra.com

San Pedro, 2018ko Kontxako sailkapen estropadan.

Sanpedrotarra Arraun Elkartea Pasaiako Pasai San Pedro auzoko arraun elkartea da. 1958an sortu bazen ere, 1880an irabazi zuen lehendabizikoz Kontxako Bandera. Guztira 15 aldiz irabazi du Kontxako Bandera.

Kontxako lehenengo garaipena 1880. urtekoa du. 1927-1935 artean eta 1987-1997 artean izan zituen urrezko aroak. TKE Ligako ohiko elkartea izan bada ere azkenaldian KAE Ligan ari da, baina maila onean, hiru aldiz izan da Ligako txapelduna. 2024an TKE Ligan arituko da berriz.

Uniformea

Taldearen kolorea morea da eta traineruaren izena Libia da.

Historia

Sanpedrotarra Arraun Elkartea 1958an sortu bazen ere traineru sanpedrotarrek historia handia izan dute aurretik ere.

XIX. mendea

Kontxako Banderako bigarren edizioa irabazi zuen 1880an. 1889an Kontxan bigarren egin zuen. Ondoren Bilbon hartu zuen parte eta bosgarrena izan zen. Hala ere Ondarroari desafioa egin zion eta 1890an Getaria eta Donostia arteko ibilbidean ondarrutarrak atera ziren garaile. Urte horietan sanpedrotarrek ia urtero hartu zuten parte Kontxan eta postu onak lortu ere bai, 1897ko bigarren postua eta 1899ko garaipena esate baterako.

Gerra aurrea

1927ko Kontxako Bandera irabazi zuen tripulazioa.

XX. mendea bikain hasi zuten sanpedrotarrek 1906an Kontxako bigarren bandera eskuratuz. 1917an ere beste garaipen bat izan zuen. Garai onena ordea 20 eta 30 hamarkadetan izan zuten, Kontxako sei bandera jarraian irabazi zituelarik "Aita Manuel"en kuadrilak, 1927an hasi eta 1932 arte. 1935ean azkenengo bandera bat eskuratu zuten.

Elkartearen hasiera

1957an arraunlari sanpedrotarrek Espainiako Batel Txapelketa irabazi zuten eta orduan Elkarte bat sortzea erabaki zuten. Hasieran batel eta trainerillatan aritu ziren Espainiako txapelketa ugari irabaziz eta ondoren trainerua uretaratu zuten berriz ere, 1971n Kontxako Banderan hirugarren postua lortuz.

XX. mendearen bukaera

Sanpedrotarra Arraun Elkartearen garai onenak 80. hamarkadaren erdialdera hasi ziren, 1986an Kontxan hirugarren egin ondoren 1987 eta 1999 artean Kontxako lau bandera, Espainiako lau txapelketa, Euskadiko 7 eta Gipuzkoako 8, Liga nagusi bat eta Euskal Herriko bandera onenak hainbat aldiz irabazi zituelarik. Bereziki aipagarriak izan ziren 1993ko denboraldia, 15 banderatik 13 irabazi zituena eta 1994ko denboraldia 17tik 16 irabazi zituena. 2000 urtean arraunlarien aldaketak etorri ziren eta trainerua ateratzea lortu bazuten ere maila nabarmen jaitsi zen.

XXI. mendea

San Pedro Getarian entrenatzen, 2011an.

XXI. mendea behe mailako ligatan hasi zuten. 2006an ordea KAE Liga irabazi eta TKE Ligara igo ziren. 2009an TKE Ligako bigarren postua eskuratu zuten. Kontxako banderan ez du zorte handirik eduki, izan ere 2010, 2011 eta 2012an zortzigarren postuan gelditu baita sailkapen estropadan eta beraz ez du Banderan lehiatzerik lortu. 2013an azkenean lortu du sailkatzea eta bosgarren egin du.

Azken denboraldietan ordea ligan erdialdean ibili izan da, tarteko estropada onak eginez ere bai. 2015ean Kontxako Banderarako sailkatu zen eta seigarren egin zuen. Hurrengo urteetan apal ibili da baina 2018an Kontxako Banderara sailkatzea lortu zuen. 2019 urtean jeitsiera play-offak jokatuko zituen, azkenarekin puntutan berdinduta gelditu zen arren. 2020an bigarren egin zuen KAE Ligan eta igoera play-offak jokatu zituen baina ez zuen igoera lortu. 2021 denboraldia ere bikain hasi zuen, lidertza ere izan zuen, baina denboraldi gorabeheratsuaren ondorioz laugarren amaitu du. 2022an KAE Ligako txapelduna izan zen baina play-offetan ez zuen lortu mailaz igotzea. 2023an bigarren aldiz jarraian irabazi zuen KAE Liga eta play-offetan TKE Ligara itzuli zen..

Patroi historikoak

Sanpedrotarren arteko patroi handienak Aita Manuel eta Juan Carlos Fontán izan dira dudarik gabe, hala ere lehenago izan ziren Kontxako Bandera irabazi zutenak ere.

• Manuel Arrillaga "Aita Manuel" (9): 1917, 1921 (Pasaia), 1927, 1928, 1929, 1930, 1931, 1932 eta 1935.
• Juan Carlos Fontan (4): 1989, 1991, 1993 eta 1994.
• Bixente Sarria (1): 1906.
• Sarria (Bixente?) (1): 1880
• Lukas Iturralde (1): 1899.

Palmaresa

San Pedro Bilboko Banderan, 2012an.

San Pedro 2023ko Gipuzkoako txapelketan.

Kontxako Bandera

• Txapelduna (15): 1880, 1899, 1906, 1917, 1927, 1928, 1929, 1930, 1931, 1932, 1935, 1989, 1991, 1993 eta 1994.
• Bigarrena (10): 1889, 1907, 1910, 1919, 1934, 1944, 1987, 1988, 1990 eta 1998.
• Hirugarrena (7): 1892, 1924, 1971, 1986, 1995, 1996 eta 2009.
• Sailkapen estropadako irabazlea (6): 1987, 1988, 1989, 1990, 1993 eta 1994.
• Sailkatua (19): 1986, 1987, 1988, 1989, 1990, 1991, 1992, 1993, 1994, 1995, 1996, 1997, 1998, 1999, 2008, 2009, 2013, 2015 eta 2018.

TKE Liga

• Txapelduna (0)
• Bigarrena (1): 2009
• Hirugarrena (0):
• Irabazitako estropadak (2021 barne): 2
• Parte hartzeak (13): 2007, 2008, 2009, 2010, 2011, 2012, 2013, 2014, 2015, 2016, 2017, 2018, 2019
• Euskal Liga (1): 1994 (ez ofiziala).
• KAE 1 Liga (3): 2006, 2022, 2023.
• Gipuzkoako Promozio Liga (1): 1993 (Kalparra)

Espainiako Traineru Txapelketa

• Txapelduna (4): 1988, 1989, 1990 eta 1994.
• Bigarrena (2): 1991 eta 1993.

Euskadiko Traineru Txapelketa

• Txapelduna (7): 1987, 1988, 1989, 1991, 1993, 1994 eta 1996.
• Bigarrena (3): 1990, 1998 eta 2008.

Gipuzkoako Traineru Txapelketa

• Txapelduna (9): 1988, 1989, 1990, 1993, 1994, 1995, 1996, 1997 eta 2009.

Gainontzeko estropadak

Handiak	Nerbioiko Sari Handia (6): 1987, 1989, 1990, 1991, 1993, 1994. El Corte Ingles Bandera (4): 1987, 1990, 1993, 1994. Zarauzko Ikurrina (5): 1988, 1991, 1993, 1994, 1996.
Etxekoak	San Pedroko Bandera (10): 1993, 1994, 1995, 1996, 1998, 1999, 2001, 2002, 2006, 2020. Pasaiako Portuko Bandera (1): 2023. Pasaiako Bandera (4): 1987, 2006, 2021, 2023. Pasaiako erlojupeko traineru estropada (1): 2013.
Gipuzkoan	Zumaiako Bandera (4): 1987, 1988, 1989, 1990. Getaria-Donostia Trabesia (1): 1987. Memorial Prego (1): 1991. Urumeako Bandera (3): 1989, 1992, 1994. Sprint estropada Donosti (3): 1989, 1990, 1994. Koxtaperen Bandera (1): 1993. Fortunaren Promozio Bandera (1): 1993 Hondarribiko Bandera (3): 1993, 1994, 1998. El Diario Vasco Bandera (3): 1994, 1996, 1997. Oreretako Bandera (1): 1995. Hernaniko Bandera (1): 1996. Orioko Bandera (3): 1996, 1997, 1998. Donibanekoren Bandera (1): 1996. Trintxerpeko Bandera (1): 2006. Hondarribiko Traineru Jaitsiera (1): 2008. Oriako Traineru Jaitsiera (1): 2009. Orio Kanpina Bandera (1): 2022. Zarautz Arraun Elkartearen Ikurrina (1): 2022. CMO Valves Bandera - San Juan (1): 2023.
Bizkaian	Petronor Bandera (8): 1987, 1988, 1989, 1990, 1991, 1992, 1993, 2006. Bermeoko Bandera (4): 1987, 1992, 1993, 1994. Sestaoko Bandera (2): 1988, 1994. Bizkaiko Diputazioaren Bandera (4): 1990, 1991, 1993, 1994. Santurtziko Bandera (4): 1991, 1992, 1993, 1995. Lekeitioko Bandera (5): 1992, 1993, 1994, 1996, 2006. Ondarroako Bandera (1): 1992. Portugaleteko Bandera (1): 1993. Dalia Saria (Areeta) (3): 1994, 1995, 2013. Getxoko Bandera (2): 1995, 1998. Lekeitioko San Antolin Bandera (3): 1995, 2006, 2012. Elantxobeko Bandera (1): 1996. Bilbo Hiriko Bandera (3): 1997, 1998, 2023. Kaikuren 75 urteurreneko Bandera (1): 1998. Isuntzaren Bandera (1): 2009. La Navalen mendeurrena (Portugalete): 2009. Algortako Portuzarra Ikurrina (1): 2013. Plentziako Ikurrina (1): 2013. Mundakako Bandera (2): 2013, 2023. Itsasoko Amaren Bandera (1): 2013. Erandioko Ikurrina (1): 2015 KAE 1 Ligako estropada Getxon (1): 2020.
Lapurdin	Donibane Lohitzuneko Bandera (2): 1991, 1992. Miarritzeko Bandera (1): 1994. Hendaiako Bandera (1): 1995
Nafarroan	Aritzaleku Kanpinaren Saria (Allozko urtegia): 2012
Kantabrian	Kantabriako Diputazioaren Bandera (1): 1988. Ría del Asón Bandera (2): 1995, 2013. Santanderko Bandera (2): 2006, 2013. Marina de Cudeyoko Bandera (1): 2006. Pontejosko Bandera (1): 2006. San Vicente de la Barquerako Bandera (1): 2012. Colindresko Traineru Jaitsiera (1): 2018. Santoñako Bandera (1): 2020. Castro Urdialesko Bandera (2): 2020, 2023. Castro KAE (1): 2022.
Asturiasen	Llanesko Bandera (1): 1995. Gozón Udaleko Bandera (1): 2013
Galizan	"Descubridor" Bandera Baiona (Galizia): 1991. Moañako Bandera (1): 2009

Trainerillak

• Espainiako Txapelketa (4): 1965, 1971, 1988 eta 1989.
• Euskadiko Txapelketa (2): 1988 eta 1989.
• Gipuzkoako Txapelketa (3): 1987, 1989 eta 1990.
• Zarauzko trainerilla estropadak (1): 1968.
• Bermeoko trainerilla estropadak (1): 1965.

Batelak

• Espainiako Txapelketa (5): 1957, 1967, 1969, 1970 eta 1971.
• Gipuzkoako Txapelketa (4): 1970, 1971, 2010 eta 2012.

Azken denboraldiak

Urtea	Liga	Kontxa
2003	Federazio Liga, 8.a	-
2004	Federazio Liga, 10.a	-
2005	Federazio Liga, 8.a	-
2006	KAE 1 Liga, 1.a	-
2007	TKE Liga, 7.a	-
2008	TKE Liga, 4.a	6.a
2009	TKE Liga, 2.a	3.a
2010	TKE Liga, 8.a	-
2011	TKE Liga, 8.a	-
2012	TKE Liga, 5.a	-
2013	TKE Liga, 8.a	5.a
2014	TKE Liga, 9.a	-
2015	TKE Liga, 8.a	6.a
2016	TKE Liga, 10.a	-
2017	TKE Liga, 9.a	-
2018	TKE Liga, 9.a	8.a
2019	TKE Liga, 11.a	-
2020	KAE 1 Liga, 2.a	-
2021	KAE 1 Liga, 4.a	-
2022	KAE 1 Liga, 1.a	-
2023	KAE 1 Liga, 1.a	-

B trainerua

Kalparra Arraun Elkartea San Pedro-B
Entrenatzailea	Ramon Erostarbe
Patroia(k)	Ramon Erostarbe (90. hamarkadan) Ander Gaton (orain)
Kolorea(k)	morea
Trainerua	Kalparra (90. hamarkadan)      Libia (orain)
Palmaresa	1 Gipuzkoa Prom. Liga 0 KAE 1 Liga 1 KAE 2 Liga
2022: Liga	ez

1990 eta 1995 artean sanpedrotarrek bigarren traineru bat uretaratu zuen eta Kalparra izena jarri zioten. Sei denboraldi horietan hainbat bandera irabazi zituen. 1991ean "Descubridor bandera" eta Donibane Lohizunekoan garaile izan zen, 1993an Traineru gipuzkoarrak promozionatzeko liga irabazi zuen (Pasaia eta Fortuna banderak barne) eta 1995ean bost bandera irabazi zituen:

• Gipuzkoako Promozio Liga: 1993
• Descubridor bandera (Baiona, Galizia): 1991
• Donibane Ziburuko Estropada (1): 1991
• Koxtaperen Bandera (1): 1993
• Fortunaren Promozio Bandera (1): 1993
• Hendaiako Bandera (1): 1995
• Oreretako Bandera (1): 1995
• Llanesko Bandera (1): 1995
• Ría del Asón Bandera (1): 1995
• Lekeitioko San Antolin Bandera (1): 1995

Hamabost urte beranduago, 2010an berriz atera zuen bigarren trainerua San Pedrok. KAE 2 Ligan ari da eta emaitzarik onena 2013an izan zuen, Ligan zortzi bandera eskuratu zituen eta Ligako txapeldun gelditu zen. Urte bakarra egin zuen KAE 1 mailan baina 2015ean play-offetan berriz itzuli zen, oraingoan ere urte bakarrerako.

Ligak

• KAE 2 Liga
  • Txapelduna (1): 2013
  • Hirugarrena (2): 2012, 2015

Banderak

Etxekoa	San Pedroko KAE Bandera (0): hirugarren 2013 eta 2015ean
Gipuzkoan	-
Bizkaian	Algortako Portuzarra Ikurrina (1): 2013 Plentziako Ikurrina (1): 2013. Areetako Bandera (1): 2013 Mundakako Bandera (1): 2013. Itsasoko Amaren Bandera (1): 2013 Erandioko Ikurrina (1): 2015.
Kantabrian	San Vicente de la Barquerako Bandera (1): 2012. Ría del Asón Bandera (1): 2013. Santanderko Bandera (1): 2013.
Asturiasen	Gozón Udaleko Bandera (1): 2013.

Denboraldiak

Urtea	Liga
2005	Federazio Liga, 16.a
2006- 2009	ez
2010	KAE 2 Liga, 11.a
2011	KAE 2 Liga, 7.a
2012	KAE 2 Liga, 3.a
2013	KAE 2 Liga, 1.a
2014	KAE 1 Liga, 11.a
2015	KAE 2 Liga, 3.a
2016	KAE 1 Liga, 11.a
2017	KAE 2 Liga, 12.a
2018	KAE 2 Liga, 7.a
2019-	ez

San Pedroko estropadak

San Pedrok bi estropada antolatzen ditu Pasaiako Badian, alde batetik TKE Ligako San Pedroko Bandera eta bestetik KAE 2. mailako estropada.

Hauetaz gain 2009tik aurrera Pasaiako erlojupeko traineru estropada antolatu izan du martxoan.

Ikus, gainera

• Euskal Herriko arraun taldeak

Kanpo estekak

• Klubaren webgune ofiziala
• KTE Ligako webgunea

• Datuak: Q3066949
• Multimedia: Sanpedrotarra Arraun Elkartea / Q3066949