Txikipedia:Barazki

Barazkiak jan daitezkeen landareak izaten dira, gaur egun baratze eta soroetatik ateratakoak. Bizkaieraz, ortuari deitzen zaie.

Dena dela, landare horietako zati guztiak ez dira jaten, haren atal batzuk besterik ez. Hona hemen barazki batzuk, jangarriak diren atalen arabera sailkatuak:

Fruitua: alberjinia, piperra, kuia, kuiatxoa, tomatea
Erraboilak: tipula, porrua, baratxuria
Hosto eta zurtoin berdeak: zerba, kardua, eskarola, uraza edo letxuga, ziazerba, perrexila, aza
Lorea: orburua, azalorea
Zurtoin gazteak: zainzuri edo esparragoa.
Leka freskoak: ilarra, baba, leka
Leka lehorrak: babarruna, dilista, txitxirioa
Sustraiak: azenarioa, beterraba, arbia, patata

Barazki hitza ez da botanikan edo zientzian erabiltzen, eguneroko hizkeran eta sukaldaritzan baizik; gainera, eguneroko hizkeran barazki deitzen ditugunetako batzuk, berez, fruituak dira: tomateak, kuiatxoak eta piperrak, adibidez; izan ere, haziak dituzte barruan, eta, botanikaren arabera, halakoak fruituak dira.

Barazkiek A, B, C eta D bitaminak, gatz mineralak, zuntza eta karbohidratoak ematen dizkigute.

Ohiko barazki batzuk