Zooxantela

Zooxantela
	Irudi gehiago
Sailkapen zientifikoa
Erreinua	Chromista
Filuma	Dinoflagellata
Klasea	Dinophyceae
Ordena	Suessiales
Familia	Symbiodiniaceae
Generoa	Zooxanthellae; [[\|]]

Zooxantelak edo Zooxanthellae (grekeratik, zoon, "animalia", xanthos, "hori") zenbait alga-organismo dira, batez ere Symbiodinium generoko dinoflagelatu, endosinbionteak dira, belaki, koral, marmoka, bibalbio edo nudibrankioekin sinbiosian bizi direnak. Haiek hostalariaren ehunetan integratu eta haziko dira, animaliari zenbait mantenugai proportzionatuz.

Zooxantelak eta uharriak[aldatu | aldatu iturburu kodea]

Zooxantel faltagatik zuritu den korala

Koralek uharriak eraikitzen dituztenez, zooxantelek ere egundoko papera betetzen dute eraikuntza makrobiologiko honen sorreran, knidarioei energia azukre, glizerol eta amino azido bidez proportzionatuz eta aldi berean, ostalariak askatutako eta harentzat kaltegarri diren karbono dioxido, fosfato eta konposatu nitrogenodunak xurgatuz^[1]. Klima-aldaketaren ondorioz, uraren tenperatura igo egiten da eta disolbatutako zenbait mantenugai, oxigenoa esaterako, murriztu egingo dira, animalia estres-egoera batean murgilduz eta zooxantelak askatuz. Ondorioz, korala zurituko da, naturalki ez baitu pigmenturik, eta sinbionterik gabe hil egingo da. Beraz, funtsezkoak dira bai knidario hauen biziraupenerako eta baita uharriak mantentzeko ere.