Basurtu

Basurtu
Bilbo
Izen ofiziala	Basurtu
Antolaketa Autonomia Erkidegoa Lurralde Historikoa Eskualdea Barrutia	Euskal Autonomia Erkidegoa Bizkaia Bilboaldea Basurtu-Zorrotza
Herritarra	basurtuar
Koordenatuak	43°15′41″N 2°57′14″W
Eremua	0.79 km2
Garaiera	41 m
Euskaldunak	% (2001)
Posta kodea	48013
Biztanleria	14,686 bizt. (2006)
Dentsitatea	18.590 bizt./km²

Basurtu Bilboko auzoa da. Bilboko Basurtu-Zorrotzako barrutian kokatua, zortzigarren barrutian alegia. Basurtuk 14.686 biztanle ditu eta 0,79 kilometro karratuko azalera (2006an udalak kaleraturik datuen arabera. Basurtuko auzoaren hegoaldeko muga Sabino Arana etorbidea da, eta etorbide honek markatzen du auzoaren izaera. Hainbat autobide eta errepideren gurutzabide baita Basurtu.

Bilboko elizateak Abandokoa anexionatu zuenean Basurtuko lurrak hiriaren periferia edo kanpoaldea ziren. Horregatik, Bilbok erdigunetik kanpo egon beharreko hainbat azpiegitura kokatu zituen bertan. XX. mendearen hasieran Basurtuko Ospitalea bertan eraiki zen, eredu arkitektoniko ingeleseko ospitalea. Horrez gain, San Mameseko futbol zelaia eta Bilboko Nazioarteko Erakustazoka ere bertan eraiki zen Gerrate Zibilaren ondoren.

Hiria hazten joan den heinean, kanpoaldeko izaera hori galtzen joan zen, eta gaur egun Basurtu erabat loturik dago hiriko beste guneekin.

Garraiobide eta azpiegiturak

Basurtuko auzoa A-8 autobideak zeharkatzen du mendebaldean, auzoa bitan bananduz.

Horrez gain, hiriaren komunikazioetarako hain garrantzitsua den Termibus autobus geltokia bertan dago, San Mamesen konkretuki.

Auzoaren mendebaldean FEVE konpainiaren geltokia dago, Basurto izenekoa, B-1, R-3 eta R-3b Bideetan. Geltoki hau erabat eraberrituko da trenbidearen lurperatzearekin batera eta Basurtuko Ospitalearen aurrean lurpeko geltoki berri bat eraikiko da.

EuskoTranen Bideak ere Basurto izeneko geltokia dauka auzoan.

Horrez gain, hiriko autobideen birmoldaketarekin batera, eta Sabino Aranako autobide sarbidearen eraisketarekin batera, Olabeagako erlaitza egingo da Basurturen eta Olabeagako auzoaren artean. Horrela Indautxuko auzotik banatzen duen Sabino Arana etorbidea, auzoko oinezkoentzako gune nagusia bihurtuko da. Sabino Arana etorbidetik gaur egun doan trafikoa Olabeagatik eta Trenbidearen etorbidetik bideratuko da.

Kalerik garrantzitsuenak

• Montevideo etorbidea
• Luis Briñas kalea

Ikus, gainera

• Basurtuko Ospitalea
• Termibus