Ametzola

Ametzola
Bilbo
Izen ofiziala	Ametzola
Antolaketa Autonomia Erkidegoa Lurralde Historikoa Eskualdea Barrutia	Euskal Autonomia Erkidegoa Bizkaia Bilboaldea Errekalde
Herritarra	ametzolatar
Koordenatuak	43°15′21″N 2°56′18″W
Eremua	0.26 km2
Garaiera	35 m
Euskaldunak	% (2001)
Posta kodea	48012
Biztanleria	12,824 bizt. (2006)
Dentsitatea	49.323 bizt./km²

Ametzola Bilboko auzoa da. Bilboko zazpigarren distrituan kokatuta dago, Errekaldeko barrutian alegia.

Ezaugarriak

Ametzola

Auzoak hiriko gune ezagun asko biltzen ditu, Etxetxukoa esaterako. Bertan dago Bilboko udal kirol pabilioia, iurbentia Bilbao Basket saskibaloi taldeak eta Exbasa Bilbo areto futbol taldeak jolasteko erabiltzen dutena.

Auzoak 12.824 biztanle dauzka eta 26,45 hektareako azalera. Guztira 485 biztanle bizi dira hektareako. Hau Bilboko bigarren dentsitaterik altuena da. Izan ere, Etxetxuko dorreak auzo hontan daude.

Hemeretzigarren mendean zehar eraikitako trenbideek oztopo nabarmena suposatu dute auzoaren bilakaeran. Ametzolako auzoaren erdi-erdian Fevek merkantziak garraiatzeko trenbide sare bat zeukan. Trenbide hauek pixkanaka lurperatuz joan da, Bilbao Ria 2000 erakunde publikoak babesturiko proiektu urbanistiko baten bitartez.

Garraio publikoa

Errekalde eta Bilboko zabalgunearen artean egonik, auzoa hiriaren erdigunearekin elkartzen dituzten hainbat autobus, eta tren linea daude.

Autobusa

Línea	Ibilbidea	Maiztasuna (min)
27	Arabella - Betolatza	15´
57	Miribilla - Basurtuko Ospitalea	60´ Astelehenetik Ostiralera
72	Larraskitu - Gazteleku	12´
76	Artatzu/Xalbador - Moiua Plaza	20´
77	Peñascal - Larreagaburu	12´
A8	Ametzola - San Justo	60´

Trena

• FEVE: Bilbo eta Balmasedako aldirietako zerbitzuko geltoki bat Ametzola Parkean. Renfe Aldiriaken C-1 eta C-2 lineen lotunea da.

• Renfe Aldiriak: Gordoniz kalean dago geltokia, antzinako Gordonizeko zubiaren ondoan. FEVEren Balmasedako linearen lotunea dago.

Tranbia

Hurrengo urteetan, gaur egun Basurtun amaitzen den tranbia Errekaldeberriraino luzatuko da. Horretarako, Basurtuko Ospitalearen ondotik hasi eta Autonomia kalea zeharkatu ondoren, tranbiaren luzapenak Gordoniz kalean gora egingo du Errekaldeberriko auzoraino heltzeko.

Kale garrantzitsuenak

• Etxetxu plaza
• Trenbidearen etorbidea
• Gordoniz kalea