Hiroshima

Hiroshima
Goitik behera eta ezkerretik eskuinera: Hiroshimako gaztelua; beisbol partida, beisboleko Udal Estadioan; Hiroshimako bakearen memoriala (Genbaku Dome); kale baten gaueko ikuspegia; Haurren Bake Monumentua.
Izen ofiziala	広島市 (Hiroshima-shi)
Estatua	Japonia
Uhartea Eskualdea Prefektura	Honshu Chūgoku, Sanyō Hiroshima
Koordenatuak	34°23′53″N 132°28′33″E
Eremua	905 km2
Biztanleria	1.173.980 bizt.
Dentsitatea	1.297,22 bizt./km²
[1]

Hiroshima (広島市; -shi) Hiroshimako prefekturako hiriburua da. Japoniako Chugoku eskualdean dago, Honshu uharteko hego-mendebaldean, Japoniako barne itsasoaren ertzean. Hiriak historiako lehen bonbardaketa atomikoa nozitu zuen 1945eko abuztuaren 6an, Bigarren Mundu Gerraren amaieran, Estatu Batuetako armadak egina. 1594an eraikitako hiribildu eta gotorlekua ditu.

Historia

XIX. mendean, japoniar armadaren garrantzi handiko base militarra izan zen, bai Txinaren aurkako gerran (1894-1895), bai Errusiaren aurkakoan (1904-1905). Harrezkero Japoniako portu eta merkataritzagune nagusietakoa izan zen.

1945eko abuztuaren 6an Ameriketako Estatu Batuetako hegazkin batek lehen bonba atomikoa bota zuen hiriaren gainean. Ondorioak latzak izan ziren: hiriaren %&nbsp90 suntsiturik eta 130.000 pertsona inguru hilik.

Gerraren ondoren, Tange Kenzoren zuzendaritzapean eraiki zen berriro, eredu berrien arabera. Hala ere, parte bat, Bake Hiria delakoa, bonba atomikoa lehertu ondoren geratu zen bezala gorde da, hondamenaren oroigarri. Gaur egun, berriro arrantza portu eta industriagune nagusia da: automobilak, ontzigintza, eta abar.

Hiroshima, bonba atomikoak jo eta gero.

Artikulu hau Japoniako geografiari buruzko zirriborroa da. Wikipedia lagun dezakezu edukia osatuz.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.