Luis IX.a Frantziakoa

Artikulu hau Frantziako erregeari buruzkoa da; beste esanahietarako, ikus San Luis (argipena).

El Grecok asmatutako erretratua

Luis IX.a Frantziakoa (Poissy, 1214ko apirilaren 25a - Tunis, 1270eko abuztuaren 25a), San Luis izenaz ezagunagoa, Kapetar leinuko Frantziako erregea (1226-1270) izan zen.

Biografia

Gurasoak Luis VIII.a Frantziakoa eta Blanka Gaztelakoa zituen. Erregea ez ezik frantziskotarra (laiko) ere bazen. Bere erreinaldian Frantziak bere mugak zabaldu zituen: Ingalaterrak Guiena baino ez zuen mantendu.

Gurutzadetara joateko azken erregea izan zen: Zazpigarren eta Zortzigarrenera hain zuzen ere. Azkenean erregea bera hil zen.

Ezkontza eta seme-alabak

1235ean Margarita Proventzakoa ezkondu eta hamaika seme-alabak izan zituen:

• Blanka (1240 - 1243).
• Elisabet (1242 - 1271), 1258an Tibalt II.a Nafarroakoa ezkonduko zuena.
• Luis (1244 - 1260)
• Filipe (1245-1285), oinordekoa.
• Joanes (1248-1248).
• Joanes Tristan (1250-1270), Valoisko kondea.
• Petri (1251-1284), Alençongo kondea.
• Blanka (1252-1320), Fernando de la Cerda ezkonduko zuena.
• Margarita (1254-1271), Joanes I.a Brabantekoa ezkondu zuena.
• Roberto (1256-1317), Luis I.a Borboikoaren aita izango zena.
• Aines (1260-1327), Roberto II.a Borgoiniakoa ezkondu zuena.

Ikus, gainera

• Île Saint-Louis (San Luis uhartea)