Bonifazio VIII.a

Wikipedia(e)tik
Hona jo: nabigazioa, Bilatu
Bonifazio VIII.a
Bonifacius PP. VIII
Bonifazio VIII.a

1294 – 1303
Aurrekoa Zelestino V.a
Ondorengoa Benedikto XI.a
Jaiotzezko izena Benedetto Gaetani

Jaiotza 1235 inguru
Anagni, Aita Santuen Lurraldea
Heriotza 1303ko urriaren 11a
Erroma, Aita Santuen Lurraldea
Erlijioa Eliza Katoliko Erromatarra

Bonifazio VIII.a[1] —jaiotza izena: Benedetto Gaetani— (Anagni, 1235 inguru - † Erroma, 1303ko urriaren 11a) Eliza Katolikoaren 193. Aita Santua izan zen 1294 eta 1303 urteen bitartean. Dantek, Divina Commedia bere liburuan, infernuan kokatzen du simonia egiteagatik.

Ospe handiko jakituna, 1281. urtean kardinal izendatu zuten. Zelestino V.a kargua uztera behartu zuen. Azken muturrera eraman nahi izan zuen aita santuaren nagusigo espirituala eta materiala, baina Filipe IV.a Ederraren politika «sekularra» izan zuen oztopo. Erregeak eliz jendearen gaineko zerga gehitu nahi izan zuen (1297), baita Erromarako zen zilarraren irteera galarazi ere. Geroago, barealdi baten ondoan (Luis IX.aren kanonizazioa 1297an, Erromako lehen jubileua), Bernard Saisset Pamierseko apezpikuaren aurkako auziak (1301) bi aldeetako legegileen eta teologoen arteko eztabaida bizia eragin zuen. Ondorioz, Frantziako apezpikuen sinodoa egin zen Erroman; Unam sanctam (1302) buldaren aldarrikapena egin zuen Gaetani aita santuak (Aita santuaren nagusigoaren berrespena munduko beste errege guztien gainetik) eta Filipe Ederra eskumikatu (1303). Azkenik, 1303ko irailean Guillaume de Nogaretek eta Sciarra Colonnak torturatu egin zuten aita santua Anagnin, eta handik hilabetera hil zen.[2]

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Bonifazio VIII.a Aldatu lotura Wikidatan


Biografia
Italia
Artikulu hau Italiako biografia bati buruzko zirriborroa da. Wikipedia lagun dezakezu edukia osatuz.