Stegosaurus

Wikipedia(e)tik
Hona jo: nabigazioa, Bilatu


Filozoa

Stegosaurus
Fosilaren garaia: Jurasiko Berantiar, 155 Ma-150 Ma

Sailkapen zientifikoa e
Erreinua: Animalia
Filuma: Chordata
Klasea: Reptilia
Goiordena: Dinosauria
Ordena: Ornithischia
Familia: Stegosauridae
Generoa: Stegosaurus
Marsh, 1877
Espezie tipoa
Stegosaurus armatus
Marsh, 1877
Espezieak
  • S. armatus Marsh, 1877
  • S. stenops Marsh, 1887
  • S. sulcatus Marsh, 1887
  • S. longispinus Gilmore, 1914
Sinonimoak
  • Hypsirophus Cope, 1879
  • Diracodon Marsh, 1881

Stegosaurus edo Estegosauroa ("narrasti teilatuduna", grezieraz) Ornithischia dinosauroen barneko genero bat izan zen. Jurasikoan bizi zen (156 eta 144 milioi urte inguru), gaur egun Ipar Amerika eta Europa diren lurraldeetan.

Deskripzioa[aldatu | aldatu iturburu kodea]

Estegosauroak 12 metroko luzeera, 4 metroko garaiera eta 7 tonako pisua zituen. Lau hanka apaxdunek eusten zioten gorputzari. Berau estutu eta txikitzen zen, buru txiki-txikian amaitu arte. Moko ahul bat eta mastekatzeko gutxi balio zuten hortz txikiak ere zituen. Bere garuna intxaur bat baino pixka bat handiagoa zen; hori dela eta, zentzumenak gutxi garatuta zeuzkan.

Estegosauro eta gizaki baten tamainen konparazioa

Animalia honen ezaugarri nagusia buztanean zituen 60 zentimetrorainoko lau arantzak ziren, baita bizkarreko xafla zabalen bi ilarak ere. Ez ziren oso baliagarriak defendatzeko, lodiera gutxikoak izan eta asko kulunkatzen zirelako; beraz, bildurtzeko lana betezen zuten.

Beste teoria batek adierazten du xaflak tenperatura erregulatzekoak zirela. Odola bero zutela pentsatzen denez gaur egun, xaflek gorputza hozteko baliagarriak omen ziren. Janariak mastekatzen ez zituenez, estegosauroak landare ugari irensten zituen, hesteetan hartzitzen zutenak. Horrek sortutako bero handia xaflek kanporatzen zuten. Horri esker, animalia kiskaltzeko arriskutik salbu geratzen zen.

Historia[aldatu | aldatu iturburu kodea]

Lehen fosilak Othniel Charles Marshek identifikatu zituenen 1877an. Gaur egun, makina bat hezurdura aurkitu dira Wyoming, Utah eta Colorado estatuetan (AEB). Horren kariaz, dinosaurorik ezagunena dela esan daiteke.

Galeria[aldatu | aldatu iturburu kodea]

Commonsen badira fitxategi gehiago, gai hau dutenak: Stegosaurus Aldatu lotura Wikidatan