Finistère

Finistère / Penn-ar-Bed (29)
Frantziako departamendua
Administrazioa
Estatua	Frantzia
Eskualdea	Bretainia
Prefetura	Quimper
Prefeta	Pierre Maille (PS)
Azpiprefeturak	Brest Châteaulin Morlaix
Barrutiak	4
Kantonamenduak	54
Udalerriak	283
Kokapena
Koordenatuak	48°15′N 4°00′W
Azalera	6 733 km²
Demografia
Biztanleria	921638
Dentsitatea	bizt/km²
Kontseilu Orokorraren webgunea

Finistère ("Lurraren amaiera edo muturra") edo Penn-ar-Bed ("Munduko burua edo lurmuturra", bretoieraz) Bretainia mendebaldeko lurraldea da eta Frantziako 29. departamendua. Prefektura Quimperren dagoen arren, Brest hiri handiena da. 6.733 km²-ko azalera du eta 886.500 biztanle (132 biz./km², 2007). Departamenduak bretainierazko hiztun gehienak ditu.

Geografia

Finistèreren mapa.

Mugakideak Côtes-d'Armor ipar-ekialdean eta Morbihan hegoa-ekialdean dira. Iparraldean, mendebaldean eta hegoaldean, aldiz, Atlantiar ozeanoak inguratzen du.

Bretainiako Bro Leon lurralde historikoa eta Bro Kernev lurraldearen mendebaldea hartzen ditu.

Orografia eta klima

Aon edo Aulne ibaiak bitan banatzen du departamendua: Arrée mendixkak (Menez Arre) daude iparraldean (384) eta Mendi Beltzak hegoaldean (325 m).

Itsasoa oso barnera sartzen da lurrean: adibidez, Bresteko golkoa, Douarnenezko badia, Audierneko badia.

Iparraldeko itsasertza (Leon eskualdea) itsas ibaiez betea dago. Hegoaldeko eskualdea (Cornuaille edo Kernev) apalagoa da. Uharte ugari ditu: Batz, Ouessant, Sein, Glenan.

Ozeano aldeko klima du, euritsua eta epela.

Ekonomia

Audierneko portua.

Nekazaritza (fruituak, barazkiak eta laboreak; behiak) eta arrantza dira nagusi. Itsas portu ugari dago Finistèren; Concarneau eta Douarnenez Frantziako garrantzitsuenetakoak dira. Brest hiri jendetsuena da (portu militarra; merkataritza), eta Kenper, hiriburua, administrazio eta turismo hiria. Industriak ez du berebiziko muntarik, eta Brest aldean dago batez ere. Turismoak garrantzi handia du.

Hiri nagusiak

Hona hemen hiri nagusien zerrenda, 2013ko erroldako datuen arabera:

1. Brest (142.722 biztanle)
2. Quimper (hiriburua, 63.929 bizt.)
3. Concarneau (20.604 bizt.)
4. Morlaix (15.507 bizt.)
5. Douarnenez (15.066 bizt.)
6. Landerneau (14.902 bizt.)
7. Quimperlé (11.978 bizt.)

Arrantza portuak

Hauexek dira lurraldeko arrantza kai nagusiak:

• Clohars-Carnoët/Kloar-Karnoed
• Concarneau/Konk-Kerne
• Loctudy/Loktudi
• Penmarc'h
• Plobannalec-Lesconil/Pornaleg-Leskonil
• Le Guilvinec/Ar Gelveneg
• Audierne/Gwaien
• Douarnenez
• Camaret/Kameled
• Le Conquet/Konk-Leon
• Brest

Kultura

Bretoiera eta frantsesa hitz egiten dira. Finistèren gorde dira batez ere bretoien hizkuntza, ohiturak eta arkitektura berezia.

Ondasun nabarmenak

• 
  Kemper-Quimper.
• 
  Kemperko Saint-Corentin katedrala.
• 
  Brest.
• 
  Bresteko gaztelua.
• 
  Concarneauko herri harresitua.
• 
  Morlaix.
• 
  Douarnenez.
• 
  Châteaulin.
• 
  Saint-Pol-de-Léon.
• 
  Locronan.
• 
  Trévarez gaztelua
  (Saint-Goazec).
• 
  Vauban dorrea
  (Camaret-sur-Mer).
• 
  Kermorvan uharteko gotorlekua.
• 
  Kergadiouko zutarria.
• 
  Kerloasko zutarria.
• 
  Lagatjar menhir lerroa (Camaret-sur-Mer).
• 
  Raz lurmuturra.
• 
  Ouessant uhartea.

Kanpo estekak

• (Frantsesez) Departamenduaren kontseilu orokorraren webgunea

• Datuak: Q3389
• Multimedia: Finistère / Q3389