Eroankortasun termiko

Wikipedia(e)tik
Hona jo: nabigazioa, Bilatu

Fisikan, eroankortasun termikoa (k ikurraren bidez adierazten da) material batek beroa eroateko duen gaitasuna adierazten duen propietatea da.

Beroaren kondukzioa ondoko formularen bidez definitzen bada:

H=\frac{\Delta Q}{\Delta t}=k\times A\times\frac{\Delta T}{x}

non \frac{\Delta Q}{\Delta t} bero-fluxuaren tasa den, k eroankortasun termikoa den, A eroalearen azalera osoa den, ΔT tenperatura-diferentzia den eta x 2 tenperaturen arteko azalera eroalea den, orduan, ekuazioa berrantolatuz, eroankortasun termikoaren formula lortzen da:

k=\frac{\Delta Q}{\Delta t}\times\frac{1}{A}\times\frac{x}{\Delta T}

(Oharra: \frac{\Delta T}{x} tenperatura-gradientea da).

Hitzez esanda, baldintza egonkorrak daudenean eta bero-transferentzian tenperatura-gradienteak soilik eragiten duenean, ΔT tenperatura-diferentzia baten ondorioz A area eta x lodiera duen gorputz batetik Δt denbora-tartean transmititzen den ΔQ bero-kantitatea da.

Beste era batera ere defini daiteke: gorputz batean gertatzen den bero-fluxua zati gorputzaren tenperatura-gradientea.

k=\frac{\Delta Q}{A\times{} \Delta t}\times\frac{x}{\Delta T}

Eroankortasun termikoa neurtzeko erabiltzen den unitatea, SIren sisteman, W/(m·K) da.

Eroankortasun termikoen zerrenda[aldatu | aldatu iturburu kodea]

Zerrenda honetan zenbait material arrunten eroankortasun termikoa ematen da.

Materiala Eroankortasun termikoa
W/(m·K)
Hormigoia, portland [1] 0.29
Hormigoia, harria [2] 1.7
Airea 0.025
Zura 0.04 - 0.4
Alkoholak eta olioak 0.1 - 0.21
Lurzorua 0.15
Kautxua 0.16
Epoxia (bete gabe) 0.19
Epoxia (silizez betea) 0.30
Ura (likidoa) 0.6
Koipeztatze termikoa 0.7 - 3
Beira 1.1
Izotza 2
Hareharria 2.4
Altzairu herdoilgaitza[3] 12.11 ~ 45.0
Beruna 35.3
Aluminioa 237
Urrea 318
Kobrea 401
Zilarra 429
Diamantea 900 - 2320

Erreferentziak[aldatu | aldatu iturburu kodea]