Errol Flynn

Errol Flynn
Irudi gehiago
Bizitza
Jaiotzako izen-deiturak	Errol Leslie Thomson Flynn
Jaiotza	Battery Point (en) , 1909ko ekainaren 20a
Herrialdea	Australia Ameriketako Estatu Batuak  (1942ko abuztuaren 14a -  1959ko urriaren 14a)
Bizilekua	Hobart Barnes Sydney Papua Ginea Berria Northampton Los Angeles Port Antonio (en)
Lehen hizkuntza	ingelesa
Heriotza	Vancouver, 1959ko urriaren 14a (50 urte)
Hobiratze lekua	Forest Lawn Memorial Park
Heriotza modua	berezko heriotza: miokardio infartu akutua
Familia
Aita	Theodore Thomson Flynn
Ezkontidea(k)	Lili Damita (en)  (1935 -  1942) Nora Eddington (en)  (1943 -  1949) Patrice Wymore  (1950 -  1959)
Bikotekidea(k)	ikusi Beverly Aadland
Seme-alabak	ikusi Sean Flynn Rory Flynn (en)
Hezkuntza
Heziketa	SHORE – Sydney Church of England Grammar School (en) The Hutchins School (en)
Hizkuntzak	ingelesa
Jarduerak
Jarduerak	aktorea, karaktere aktorea, gidoilaria, zinema aktorea, film-zuzendaria, idazlea eta errealizadorea
Altuera	186 zentimetro
Enplegatzailea(k)	Warner Bros.
Jasotako sariak	ikusi Izarra Hollywoodeko Ospearen pasealekuan
Genero artistikoa	Westerna film dramatikoa fantasiazko filma Zinema beltza misteriozko zinema abenturazko filma ekintza-filma gerra-filma

Errol Leslie Thomson Flynn (Hobart, 1909ko ekainaren 20 – Vancouver, 1959ko urriaren 14) aktore izan zen.

Errol Flynn, Hollywoodeko aktore dotorea eta Hollywoodeko mito handienetakoa da. Capitan Blood (bere lehen film arrakastatsua) The prince and the pauper, The Adventures of Robin Hood, The sisters eta The Dawn Patrol lanek aktore polemiko honen ibilbidea bermatzen dute.

Errol Flynn abenturazko zinemaren adierazlerik nabarmenena dugu

Bizitza

Errol Leslie Thomson Flynn 1909eko ekainaren 20an jaio zen Hobarten, Australian, familia dirudun batean. Errol txikiak ez zuen inoiz diziplina larregirik izan eta matrikulatuta egon zen eskola guztietatik kanporatu zuten, artean Australian zela.

Geroago, Flynn Erresuma Batura joan zen bizitzera, baina han ere ez zuen zorte handirik izan eta lanean hastea pentsatu zuen nerabezaroan. Australiara itzuli eta itsas-postako idazkari lanetan aritu zen, eta urre bila aritzea ere erabaki zuen geroago. Gainera, bidaiatzeko dirurik ez zuenez, arrantzale, Gineako tabako-plantazio bateko arduradun, boxeolari eta ganaduen zikiratzaile aritu zen.

Flynnen gorpuzkera atletikoak ekoizle baten interesa piztu zuen eta, horri esker, In the wake of the Bounty (1933) film australiarrean hartu zuen parte. Gustura egin zuen lan Flynnek pelikulan, eta Northampton Repertory konpainia britainiarrean izena eman zuen, interpretazioa ikasteko. Handik denbora gutxira, 1935.ean, Warner estudioek kontratatu zuten.

Captain Blood ("Blood kapitaina", 1935) izan zen Errol Flynnek egin zuen lehen pelikula estatubatuarra. Piraten istorioetan oinarritutako film horrekin hasi zuen Flynnek bere ibilbide arrakastatsua.

1935. urteko ekainean, Lili Damita aktorearekin ezkondu zen. This is the night (1932) filmaren protagonista izan zen Damita, eta Cary Grantekin egin zuen lan, aktore mitikoarentzat lehena zen film horretan. 1942. urtean dibortziatu zen bikotea.

Abenturazko pelikulen aktore ezagunenetakoa bihurtzen ari zen Flynn garai hartan. 30ko hamarkadan arrakasta handia izan zuen La carga de la brigada ligera (1936, Curtiz), El príncipe y el mendigo (1937, William Keighley), The Adventures of Robin Hood (1938, Michael Curtiz eta William Keighley), The Dawn Patrol (1938, Edmund Goulding) Las hermanas (1938, Anatole Litvak), The Private Lives of Elizabeth and Essex (1939) eta Dodge City (1939) pelikulekin.

Osasun arazoak zituela eta, ez zen Bigarren Mundu Gerrara joan eta filmak egiten jarraitu zuen. Hauek dira Flynnek 40ko hamarkadan egin zituen film sonatuenak: The sea hawk (1940, Curtiz), They Died with Their Boots On (1941, Raoul Walsh), Gentleman Jim (1942, Walsh), Edge of darkness (1943, Lewis Milestone), Objective, Burma! (1945, Walsh) eta El burlador de Castilla (1948, Vincent Sherman).

1943. urtean bigarren aldiz ezkondu zen, oraingoan Nora Eddingtonekin. El burlador de Castilla filmean egin zuen lan Flynnen emazteak, baina Shermanek zuzendutako pelikularen produkzioaren urtean banandu egin ziren. Alkoholarekin eta drogekin zuen menpekotasunaren ondorioz, oso arin zahartu zen Flynn, eta, 50 urte zituela, oroimenak huts egiten zion eta nekatu itxura zuen. Ibilbide artistikoa ere kolokan jarri zuen.

Arrakasta gutxiko film batzuk (Kim de la India, adibidez) egin ondoren, aktorea Europara joan zen pelikulak filmatzera. Gure kontinentean egindako lanek ere ez zuten ikusleen babesa izan eta bere ibilbidean atsedenaldi bat egitea erabaki zuen. Lanari berriz ekiteko, Hollywoodera itzuli zen eta, besteak beste, The sun also rises (1958, Henry King), Las raices del cielo (1958, John Huston) eta Cuban Rebel Girls (1959) pelikula dramatikoetan egin zuen lan.

1950. urtean hirugarren aldiz ezkondu zen, Patrice Wymore aktorearekin. Cerco de fuego (1950) filmean egin zuten lan elkarrekin Flynnek eta Wymorek. Handik urte batzuetara, 1959.ean, hil zen Errol Flynn aktore ezaguna.

Bibliografia

• Beam Ends (1937)
• Showdown (1946)
• My Wicked, Wicked Ways (1959)

Filmagintza

Objective, Burma! filmean (1945)

Film luzeak

1930eko hamarkada

Urtea	#	Filma	Pertsonaia	Zinema zuzendaria
1933	1	In the Wake of the Bounty	Fletcher Christian	Charles Chauvel
	2	I Adore You	Bit	George King
1935	3	Murder at Monte Carlo	Dyter	Ralph Ince
	4	The Case of the Curious Bride	Gregory Moxley	Michael Curtiz
	5	Don't Bet on Blondes	David Van Dusen	Robert Florey
	6	Captain Blood	Peter Blood	Michael Curtiz
1936	7	The Charge of the Light Brigade	Geoffrey Vickers	Michael Curtiz
1937	8	The Green Light	Dr. Newell Page	Frank Borzage
	9	The Prince and the Pauper	Miles Hendon	William Keighley
	10	Another Dawn	Captain Denny Roark	William Dieterle
	11	The Perfect Specimen	Gerald Beresford Wicks	Michael Curtiz
1938	12	The Adventures of Robin Hood	Sir Robin of Locksley (Robin Hood)	Michael Curtiz
	13	Four's a Crowd	Robert Kensington Lansford	Michael Curtiz
	14	The Sisters	Frank Medlin	Anatole Litvak
	15	The Dawn Patrol	Captain Courtney	Edmund Goulding
1939	16	Dodge City	Wade Hatton	Michael Curtiz
	17	The Private Lives of Elizabeth and Essex	Robert Devereux	Michael Curtiz

1940ko hamarkada

Urtea	#	Filma	Pertsonaia	Zinema zuzendaria
1940	18	Virginia City	Kerry Bradford	Michael Curtiz
	19	The Sea Hawk	Geoffrey Thorpe kapitaina	Michael Curtiz
	20	Santa Fe Trail	Jeb Stuart	Michael Curtiz
1941	21	Footsteps in the Dark	Francis Warren	Lloyd Bacon
	22	Dive Bomber	Lieutenant Douglas Lee	Michael Curtiz
	23	They Died with Their Boots On	George Armstrong Custer	Raoul Walsh
1942	24	Desperate Journey	Flight Lieutenant Terrence Forbes	Raoul Walsh
	25	Gentleman Jim	James J. Corbett	Raoul Walsh
1943	26	Edge of Darkness	Gunnar Brogge	Lewis Milestone
	27	Thank Your Lucky Stars	Bera	David Butler
	28	Northern Pursuit	Steve Wagner	Raoul Walsh
1944	29	Uncertain Glory	Jean Picard	Raoul Walsh
1945	30	Objective, Burma!	Major Nelson	Raoul Walsh
	31	San Antonio	Clay Hardin	David Butler
1946	32	Never Say Goodbye	Phil Gayley	James V. Kern
1947	33	Always Together	Bera	Frederick de Cordova
	34	Cry Wolf	Mark Caldwell	Peter Godfrey
	35	Escape Me Never	Sebastian Dubrok
1948	36	Silver River	Mike McComb	Raoul Walsh
	37	Adventures of Don Juan	Don Juan de Marana
1949	38	It's a Great Feeling	Jeffrey Bushdinkle	David Butler
	39	That Forsyte Woman	Soames Forsyte	Compton Bennett

1950eko hamarkada

Urtea	#	Filma	Pertsonaia	Zinema zuzendaria
1950	40	Montana	Morgan Lane	Ray Enright
	41	Rocky Mountain	Lafe Barstow	William Keighley
	42	Kim	Mahbub Ali	Victor Seville
1951	43	Hello God	The Man on Anzio Beach	William Marshall
	44	Adventures of Captain Fabian	Captain Michael Fabian	William Marshall
1952	45	Mara Maru	Gregory Mason	Gordon Douglas
	46	Against All Flags	Brian Hawke	George Sherman
1953	47	The Master of Ballantrae	Jamie Durrisdeer	William Keighley
1954	48	Il Maestro di Don Giovanni	Renzo	Milton Krims
1955	49	Lilacs in the Spring	John Beaumont	Herbert Wilcox
	50	The Warriors	Eduardo Printze Beltza	Henry Levin
	51	King's Rhapsody	King Richard	Herbert Wilcox
1957	52	Istanbul	James Brennan	Joseph Pevney
	53	The Big Boodle	Ned Sherwood	Richard Wilson
	54	The Sun Also Rises	Mike Campbell	Henry King
1958	55	Too Much, Too Soon	John Barrymore	Art Napoleon
	56	The Roots if Heaven	Major Forsythe	John Huston
1959	57	Cuban Rebel Girls	Bera	Barry Mahon
	58	Cuban Story	Bera	Victor Pahlen

Film laburrak

That Forsyte Woman filmean, 1949

Urtea	#	Filma	Pertsonaia	Zinema zuzendaria
1935	1	A Dream Comes True	Bera	George Bilson
	2	Pirate Party on Catalina Isle	Bera	Alexander Van Horn
1938	4	Breakdowns of 1938	Bera	-
	5	For Auld Lang Syne	Bera	-
1943	6	Show Business at War	Bera	Louis De Rochemont
1952	7	Cruise of the Zaca	Narratzailea	Bera
	8	Deep Sea Fishing	Narratzailea	Bera

Bukatu gabeko filma

Urtea	#	Filma	Pertsonaia	Zinema zuzendaria
1953	1	William Tell	William Tell	Jack Cardiff

Wikimedia Commonsen badira fitxategi gehiago, gai hau dutenak: Errol Flynn

• Datuak: Q93188
• Multimedia: Errol Flynn / Q93188