Lee Marvin

Lee Marvin
Irudi gehiago
Bizitza
Jaiotza	New York, 1924ko otsailaren 19a
Herrialdea	Ameriketako Estatu Batuak
Lehen hizkuntza	ingelesa
Heriotza	Tucson, 1987ko abuztuaren 29a (63 urte)
Hobiratze lekua	Arlingtongo Hilerri Nazionala
Heriotza modua	berezko heriotza: miokardio infartu akutua
Familia
Aita	Lamont Waltman Marvin
Ama	Courtenay Washington Davidge
Ezkontidea(k)	Betty Ebeling (en) Pamela Feeley (en)
Bikotekidea(k)	ikusi Michelle Triola Marvin
Hezkuntza
Heziketa	Saint Leo University (en) Oakwood Friends School (en) Manumit School (en)
Hizkuntzak	ingelesa
Jarduerak
Jarduerak	zinema aktorea, aktorea, militarra, karaktere aktorea, telebista-aktorea eta antzerki aktorea
Altuera	74 hazbete
Jasotako sariak	ikusi Bihotz Purpura Gizonezko aktore onenaren Oscar Saria  (1965) : Cat Ballou (en) Silver Bear  (1965) : Cat Ballou (en) Golden Globe Award for Best Actor – Motion Picture Musical or Comedy  (1965) : Cat Ballou (en)
Genero artistikoa	Westerna
Zerbitzu militarra
Adar militarra	Ameriketako Estatu Batuetako Marineen Gorputza
Gradua	soldadu
Parte hartutako gatazkak	Bigarren Mundu Gerra
Sinesmenak eta ideologia
Alderdi politikoa	Ameriketako Estatu Batuetako Alderdi Demokrata

Lee Marvin (New York, 1924ko otsailaren 19 - Tucson, 1987ko abuztuaren 29), Ameriketako Estatu Batuetako aktorea zen, Oscar sariaren irabazlea.

New Yorkeko aktoreak You're in the navy now (1951) Henry Hathawayren pelikularekin egin zuen debuta zineman, eta Gary Cooper eta Jane Greer aktoreekin egin zuen lan bertan. Film horrez gain beste hainbat burutu zituen, eta Jane Fondarekin La ingenua explosiva (1964) filmean egindako lanari esker gizonezko aktore onenaren Oscar saria irabazi zuen.

Lee Marvin aktorea 1924. urteko otsailaren 19an jaio zen New Yorken. Ikasle problematikoa eta diziplinarik gabekoa zen, eta horren ondorioz eskola guztietatik kanporatua izan zen. Bere jarrerarekin nekatuta, gurasoek AEBetako marineen taldean sartu zuten Marvin, eta Bigarren Mundu Gerran hartu zuen parte, Saipango gudan zauritu zutelarik. Beranduago, iturin lanak egin zituen antzerki batean. Antzezlan bateko aktoreetako bat gaixorik zegoen egun batean, bere ordez jarri zen zuzendariak horrela eskatuta, eta lanbideaz maitemindu zen harrezkero Lee Marvin.

Interpretazioa ikasten hasi zen eta antzezlan txikietan hartu zuen parte. 50eko hamarkadan Broadwayn egin zuen debuta Marvinek eta telebistan lan egitea lortu zuen. Hollywooden egin zuen lehen filma You?re in the navy now (1951) Henry Hathawayren pelikula izan zen, eta Gary Cooper eta Jane Greer aktoreekin egin zuen lan bertan.

Eight Iron Men (1952), Los sobornados (1953), El motin del Caine (1954), Salvaje (1954), Bad Day at Black Rock (1955), No seras un extraño (1955), El blues de Pete Kelly (1955), Sabado tragico (1955), Attack (1956), Seven Men From Now (1956), El arbol de la vida (1957) eta Ride Lonesome (1959) izan ziren 50eko hamarkadan egin zituen pelikula garrantzitsuenak.

60ko hamarkadan paper garrantzitsuagoak burutu zituen, "Mr. Squad" telesailarekin izan zuen arrakastari esker batez ere. 1957tik 1959ra egin zuen lan proiektu horretan. Hamarkada horretan Los comancheros (1961), El hombre que mata a Liberty Balance (1962), Donovan's Reef ("Irlandarraren Taberna", 1963), Codigo del hampa (1964), La ingenua explosiva (1964), El barco de los locos (1965), Los profesionales (1966), Los doce del patibulo (1967), A quemarropa (1967), Infierno en el pacifico (1968) eta La leyenda de la ciudad sin nombre (1969) pelikula arrakastatsuetan hartu zuen parte Lee Marvinek.

Jane Fondarekin La ingenua explosiva (1964) filmean egindako lanari esker gizonezko aktore onenaren Oscar saria irabazi zuen New Yorkeko aktoreak. Gainera, Monte Walsh (1970), Carne viva (1972), El emperador del norte (1973), The Iceman Cometh (1974) eta Uno rojo: Division de choque (1980) filmetan egin zuen lan 70eko hamarkadan. Hurrengo hamarkadan zineman jarraitu zuen, baina maila baxuagoko filmak burutu zituen. Delta Force (1986) izan zen Marvinen azken filma.

1987. urteko abuztuaren 29an zendu zen aktore ospetsua bat-bateko bihotzekoak emanda. 63 urte zituen Lee Marvinek.

Filmografia hautatua

• You're in the Navy Now (1951)
• Hangman's Knot (1952)
• The Big Heat (1953)
• Gun Fury (1953)
• The Wild One (1953)
• The Caine Mutiny (1954)
• Pete Kelly's Blues (1955)
• Bad Day at Black Rock (1955)
• Violent Saturday (1955)
• Attack (1956)
• Seven Men from Now (1956)
• Raintree County (1957)
• The Comancheros (1961)
• The Man Who Shot Liberty Valance (1962)
• Donovan's Reef (1963)
• The Killers (1964)
• Cat Ballou (1965)
• Ship of Fools (1965)
• The Professionals (1966)
• The Dirty Dozen (1967)
• Point Blank (1967)
• Hell in the Pacific (1968)
• Paint Your Wagon (1969)
• Monte Walsh (1970)
• Prime Cut (1972)
• Pocket Money (1972)
• Emperor of the North Pole (1973)
• The Iceman Cometh (1973)
• The Klansman (1974)
• The Great Scout and Cathouse Thursday(1976)
• Shout at the Devil (1976)
• Avalanche Express (1979)
• The Big Red One (1980)
• Death Hunt (1981)
• Gorky Park (1983)
• The Delta Force (1986)

Wikimedia Commonsen badira fitxategi gehiago, gai hau dutenak: Lee Marvin

Artikulu hau New Yorkeko estatuko biografia baten zirriborroa da. Wikipedia lagun dezakezu edukia osatuz.

• Datuak: Q76895
• Multimedia: Lee Marvin