Red Nacional de los Ferrocarriles Españoles

Red Nacional de los Ferrocarriles Españoles
Datuak
Mota	trenbide konpainia
Herrialdea	Espainia
Agintea
Egoitza nagusi	Madril;
Legezko forma	enpresa estatal
Historia
Sorrera	1941eko urtarrilaren 24a
Ordezkatzen du	Norteko Konpainia, Madriletik Zaragoza eta Alacanterako Burdinbide Konpainia, Compañía Nacional de los Ferrocarriles del Oeste (en) , Compañía del Ferrocarril Central de Aragón (en) , Compañía del Ferrocarril de Zafra a Huelva (en) , Compañía del Ferrocarril Santander-Mediterráneo (en) , Sociedad Anónima de ferrocarriles Soria-Navarra (en) eta The Great Southern of Spain Railway Company Limited (en)
Desagerpena	2005eko urtarrilaren 1a
	webgune ofiziala;

«RENFE» orriak hona dakar. RENFE ordezkatzen duen trenbide eragileari buruzko artikulua hau da: «Renfe Operadora»

Red Nacional de los Ferrocarriles Españoles (RENFE) 1941tik 2004ra bitartean Espainiako zabalera iberiarreko burdinbide sarea ustiatu zuen erakunde publikoa izan zen, Espainiako Sustapen Ministerioaren menpekoa. Trenbide bidezko bidaiari eta zamen garraioaz arduratu zen 2005eko urtarrilaren 1.an, Trenbide Sektorearen Legea indarrean sartu ondoren,^[1] enpresa bitan zatitu zen arte. Zatiketa horretatik Renfe Operadora sortu zen alde batetik, trenbide eragile funtzioa betetzeko; eta bestetik ADIF (Administrador de Infraestructuras Ferroviarias) sortu zen trenbide azpiegiturak kudeatzeko.

RENFE frankismo garaian sortu zen, 1941eko hasieran, Gerra Zibilaren ostean. Horretarako, Francoren diktadura erregimenak Espainiako bi burdinbide konpainia handiak, MZA eta Norteko Konpainia, eta beste txikiago batzuk bateratu zituen. Ia 64 urtez Espainiako zabalera iberiarreko trenbide sarearen monopolioa izan zuen, 2004ko abenduaren 31ra arte, alegia. Trenbide garraioen inguruko europar zuzentarauak betearazita, RENFE aurretik aipatutako bi enpresatan zatitu zuen Espainiako Gobernuak. Renferen sorkuntzarekin Gerra Zibilean suntsituak izan ziren trenbide guztiak berreraikitzea lortu zen.

Barne egituraketa

1990tik enpresa berregituratu zen, Negozio Unitate izeneko taldeak sortuz. Hala, barne egituraketa hurrengo taldeetan banatzen zen:

Aldirien Negozio Unitatea
Eskualdeen Negozio Unitatea
Distantzia Luzeko Negozio Unitatea - Linea Handiak
Abiadura Handiko Negozio Unitatea
Kargen Negozio Unitatea
Garraio konbinatuko Negozio Unitatea
Zamen Negozio Unitatea
Trenen mantenu osoko Negozio Unitatea - Renfe Integria

Presidenteak

Izena	Hasiera	Amaiera	Oharrak
Gregorio Pérez Conesa	1941ko urtarrilaren 21a	1944ko urtarrilaren 30a	Burdinbideen nazionalizazioa eta RENFEren sorrera.
Eduardo Alfonso Quintanilla	1944ko urtarrilaren 30a	1947ko otsailaren 11
Rafael Benjumea y Burín	1947ko otsailaren 11	1952ko urriaren 23a
Alfonso Peña Boeuf	1952ko urriaren 23a	1957ko uztailaren 3a
Agustín Plana Sancho	1957ko uztailaren 3a	1962ko uztailaren 20a	Baeza-Utiel linearen uztea.
Carlos Mendoza Gimeno	1962ko uztailaren 20a	1967ko uztailaren 22a
Leopoldo Calvo-Sotelo	1967ko uztailaren 22a	1968ko uztailaren 26a	Madril-Burgos trenbide zuzenaren inaugurazioa.
Alfonso Osorio García	1968ko uztailaren 26a	1970ko ekainaren 6a
Francisco Lozano Vicente	1970ko ekainaren 6a	1975ko abenduaren 19a	Francisco Franco hil zen.
Plácido Álvarez Fidalgo	1975ko abenduaren 19a	1978ko otsailaren 22a
Enrique de Guzmán Ozamiz	1978ko otsailaren 22a	1978ko apirilaren 3a
Ignacio Bayón Mariné	1978ko apirilaren 3a	1980ko ekainaren 18a
Alejandro Rebollo Álvarez-Amandi	1980ko ekainaren 18a	1982ko irailaren 4a
Antonio Carbonell Romero	1982ko irailaren 4a	1983ko urtarrilaren 4a
Ramón Baixados Male	1983ko urtarrilaren 4a	1985ko irailaren 12a	1984ko kontratu programa: defizitdun lineen ixtea.
Julián García Valverde	1985ko irailaren 12a	1991ko martxoaren 16a
Mercè Sala Schnorkowski	1991ko martxoaren 16a	1996ko ekainaren 18a	Madril-Sevilla abiadura handiko linearen inaugurazioa.
Miguel Corsini Freese	1996ko ekainaren 18a	2004ko maiatzaren 8a	Madril-Lleida abiadura handiko linearen inaugurazioa.
José Salgueiro Carmona	2004ko maiatzaren 8a	2005ko urtarrilaren 1.a	RENFEren zatiketa.