Leopoldo Calvo-Sotelo

Wikipedia(e)tik
Hona jo: nabigazioa, Bilatu
Leopoldo Calvo-Sotelo
Visita del Calvo-Sotelo 1976.jpg
Gorte frankistetako prokuradorea


Escudo de España (mazonado).svg
Espainiako Diputatuen Kongresuko diputatua


Europarlamentaria


Espainiako Gobernuko presidente

1981eko otsailak 25 - 1982ko abenduak 2
Adolfo Suárez - Felipe González
Bizitza
Jaiotza Madril1926ko apirilaren 14a
Herrialdea  Espainia
Heriotza Pozuelo de Alarcón2008ko maiatzaren 3a (82 urte)
Hezkuntza
Heziketa Universidad Politécnica de Madrid
Hizkuntzak gaztelania
Lanbidea
Lanbidea politikaria
Lantokia(k) EstrasburgoBrusela eta Madril
Kidetza Zientzia Politiko eta Moralen Erret Akademia
Parliamentary Assembly of the Council of Europe
Sinesmenak
Alderdi politikoa Zentro Demokratikoaren Batasuna

Leopoldo Calvo-Sotelo Bustelo (Madril, Espainia, 1926ko apirilaren 14a - Pozuelo de Alarcón, Espainia, 2008ko maiatzaren 3a) politikari espainiarra eta gobernu burua.

Bideetako ingeniaritza ikasi zuen eta 1967 eta 1981 artean hainbat kargu publikoz arduratu zen, tartean RENFE enpresaren presidentea izan zela. 1971tik 1975era bitartean Gorteetako prokuradore izan zen, eta Franco hil ondoren Merkataritza ministro (1975eko abendutik 1976ko uztailera), Arias Navarroren gobernuan, eta Herrilan ministro Adolfo Suárezen agindupean (1976-77). 1977ko ekainaren 15eko hauteskundeetan diputatu hautatu zuten, Madrilen, Unión de Centro Democrático (UCD) alderditik, eta alderdi horretako bozeramailea izan zen Kongresuan. 1981an, Adolfo Suarezek bere kargua utzi ondoren UCDren bigarren gobernu burua izendatu zuten, hauteskunderik gabe. Inbestidura bozketan, otsailaren 23an Antonio Tejero burutuko estatu kolpea gertatu zen.

Handik bi egunera Calvo-Sotelok botoen gehiengoa lortu eta presidentzia bereganatu zuen. Haren agintaldiaren erabakirik aipagarrienetakoa Espainia NATO erakundean sartzea izan zen. 1982ko abuztuan gobernua desegin eta hauteskundeak aurreratu zituen. Urte bereko urriaren 28an egin ziren, eta aise irabazi zituen PSOEk. UCDk oso porrot handia izan zuen. 1984an Europako Kontseiluko Asanblea Parlamentarioaren kide hautatu zuten, eta Europako Parlamentukoa 1986an. Urte horretan utzi zuen politikagintza, Estatu Kontseiluko kide iraunkor gisa jarraitu bazuen ere, ekonomia alorrean.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Leopoldo Calvo-Sotelo Aldatu lotura Wikidatan


Biografia
Madrilgo Erkidegoa
Artikulu hau Madrilgo Erkidegoko biografia baten zirriborroa da. Wikipedia lagun dezakezu edukia osatuz.