Bilbao Basket

Bilbao Basket Berri
Ligak	ACB Euroleague
Sorrera	2000
Historia	Bilbao Basket (2000–gaur egun)
Bazkideak	6.000 inguru
Pabiloia	Bilbao Arena (8.500 leku)
Kokapena	Bilbo, Bizkaia, Euskal Herria
Taldearen koloreak	Beltza eta zilarra
Lehendakaria	Predrag Savović
Entrenatzailea	Fotis Katsikaris
Txapelketak	1 LEB Oro 1 LEB Plata 1 Copa LEB Plata
Maskota	Armiarma
Webgunea	www.bilbaobasket.biz
Uniformeak
Etxean Kanpoan

Bilbao Berri - Bizkaia Bilbao Basket Bilboko euskal saskibaloi taldea da, ACB Ligan dabilena.

Historia

2000. urteko martxoaren 7an eratuta, jadanik desagertutako Caja Bilbao taldea ordezkatu zuen. Bilboko hiriak betidanik izandako saskibaloi tradizioa berreskuratzeko asmoarekin eratua, Bizkaiko erakunde publikoen laguntza, eta bestelako erakundeen laguntza izan zuen, Bilboko Athletic Klubarena esaterako.

Bilbao Basket taldeko jokalariak partida batean.

Hasierako denboraldian, LEB-2 mailan jokatzen hasi zen, eta bigarren denboraldian, 2001-2002an, play-offa jokatu ostean, zilarrezko mailara, LEB-1 liga, igotzea lortu zuen. Azkenik, 2003-2004 denboraldian Bilbao Basketek urrezko mailara, ACB Liga, igo egin zen. Taldearen izena, bere babesle garrantzitsuena den, Lagun Aro aseguru etxearengandik jaso zuen. Taldeak dituen bestelako babesleen artean, FEVE, El Correo, Bilboko Udala eta Bizkaiko Foru Aldundia daude.

2006-2007 denboraldirako Iurbentia izeneko eraikuntza-enpresa bihurtu zen babesle nagusia. Hala ere ez zen luzaro iraun eta 2009ko uztailaren 24an Bizkaiko Foru Aldundiak ordezkatu eta Bizkaia Bilbao Basket hartu zuen izena. Akordio hori zela eta, taldeak egoitza tradizionala zuen La Casilla pabilioia utzi eta Bilbao Exhibition Centre ereikinean dagoen Bizkaia Arena hartu zuen pabilioitzat. Azkenik, 2010 urtetik aurrera Miribilla auzoan dagoen Bilbao Arenan jokatu ohi duelarik.

2009/10 denboraldia seigarrena izango da ACB Ligara igo zenetik. Denboraldiaz-denboraldia taldea koskortu egin da Ligan.

Taldea gaur egun

Gaur egun, Bilbao Basketek ACB Ligan jokatzen du, liga honetako aurrekontu txikienetarikoa duelarik. Taldeak normalki Etxetxuko udal pabilioian jolasten du, baina 2005-06 denboraldian, Saski Baskoniaren aurka Bizkaia Arenan jolastu zuen, Bilbao Exhibition Centreren pabilioian alegia. Partiduan 12.500 ikusle izan ziren, eta Saski Baskonia taldea garaitzea lortu zuten.

BEC bertan eta 2007ko urtarrilaren 6an Bilbao Basketek Saski Baskonia taldearen aurka jokatu eta ACB Ligaren partida batean izandako ikusle gehien izan zituen, hau da, 15.414.

Bilbao Basketek bere etxeko norgehiagokak, Etxetxuko Udal pabiloian jokatzen ditu, pabilioiak guztira 5.200 ikuslerentzako edukiera dauka. Dena den, 2006an, Miribillako auzoan 8.000 ikusleentzako pabiloi berria eraikitzeko erakundeen arteko akordioa sinatu zen. Pabilioi berriarekin batera Miribillako auzoaren kiroldegi berria eraikiko da, eta lanak 2010. urterako amaiturik egotea aurreikusten da.

2008/09 denboraldian lehendabizikoz Europa mailako txapelketan parte hartzea lortu zuen: Eurocupen hain zuzen ere. Bertan Final Eight jokatu eta finalaurrekoan kanporatu zuten.

Jokalariak

 Zerrenda: Bilbao Basketeko jokalarien zerrenda

Bere partaide izan diren artean aipagarri dira, Txus Bidorreta, maila guztiak igotzea lortu dituen entrenatzailea; Javi Salgado kapitaina, taldean zegoen bilbotar bakarra, Santutxukoa. Eta Fred Weis, 2005eko Eurobasketean Frantziarekin brontzezko domina eskuratu zuen jokalaria. Horrez gain, Fred Weis 2005-2006 denboraldian erasoan errebote gehien hartu zituen ACB Ligako jokalaria izan zen, eta aldi berean tapoi jartzailerik nabarmenena.

2011/2012 taldea

Bizkaia Arena pabilioia, Bilbao Basket - FC Barcelona, 2007ko Superkopan.

Zbk.	Izena	Altuera	Pisua	Herrialdea	Kokapena
4	Josh Fisher	1,89 m.	85 kg.	Ameriketako Estatu Batuak	Antolatzailea
7	Aaron Jackson	1,93 m.	82 kg.	Ameriketako Estatu Batuak	Antolatzailea
10	Tomáš Hampl	2,15 m.	109 kg.	Txekiar Errepublika	Pibota
11	Dimitros Mavroeidis	2,08 m.	120 kg.	Grezia	Pibota
13	Marko Banić	2,06 m.	104 kg.	Kroazia	Hegal-pibota
15	Àlex Mumbrú	2,03 m.	100 kg.	Katalunia	Hegalekoa
17	Axel Hervelle	2,06 m.	109 kg.	Belgika	Hegal-Pibota
21	D'or Fischer	2,11 m.	118 kg.	Ameriketako Estatu Batuak	Pibota
31	Raül López	1,83 m.	84 kg.	Katalunia	Antolatzailea
33	Mamadou Samb	2,08 m.	104 kg.	Senegal	Pibota
34	Kostas Vasileiadis	2,00 m.	100 kg.	Grezia	Eskolta
44	Roger Grimau	1,96 m.	92 kg.	Katalunia	Eskolta
45	Janis Blums	1,91 m.	85 kg.	Letonia	Antolatzailea

• Entrenatzailea: Fotis Katsikaris, Grezia
• Laguntzailea: Rafa Pueyo, Euskal Herria
• Laguntzailea: Pere Romero, Katalunia

Ibilbidea

Denboraldia	Liga	Kopa	Superkopa	Europa
2000/01	LEB 2: 13.a
2001/02	LEB 2: 1.a	LEB 2 Kopa: 1.a
2002/03	LEB 1	LEB 1 Kopa: 2.a
2003/04	LEB 1: 1.a	LEB 1 Kopa: Finalaurrekoa
2004/05	ACB Liga: 14.a
2005/06	ACB Liga: 15.a
2006/07	ACB Liga: 10.a
2007/08	ACB Liga: 6.a	Finalaurrekoa	2.a
2008/09	ACB Liga: 8.a			Eurocup: Finalaurrekoa
2009/10	ACB Liga: 9.a	Final Laurdenak		Eurocup: Finalaurrekoa
2010/11	ACB Liga: 2.a	Final Laurdenak

Palmaresa

• LEB-2 Kopako Txapelduna: 2001-2002
• LEB-2 Ligako Txapelduna: 2001-2002
• LEB-1 Kopako Txapeldunordea: 2002-2003
• LEB-1 Ligako Txapelduna: 2003-2004
• ACB Superkopako Txapeldunordea: 2007
• ACB Ligako Txapeldunordea: 2010-2011

Entrenatzaileak

• Txutxo Sanz (2000–2001)
• Pedro Zorrozua (2001)
• Txus Bidorreta (2001–2010)
• Fotis Katsikaris (2010-egun)

Kirol-lagunarteak

Klubak egun zazpi kirol-lagunarte ditu. Lehendabizikoa "Hirukoa" izan zen, gero "Bidorreta" eta "Javi Salgado" sortu zuten. Frédéric Weisek "2.18" izenekoa eta Marko Banicek berea ere izan zituzten. Azken biak "La Casilla" eta "Erandioko Bilbao Basket" dira.

Kanpo loturak

• (Gaztelaniaz) Bilbao Basketen webgune ofiziala