Bahrain

Bahraingo Erresuma مملكة البحرينت (Mamlakat al Bahrayn)
Bandera Armarria
Goiburu nazionala: Ez du
Hiriburua (eta hiri handiena)	Manama 26°13′N 50°35′E
Hizkuntza ofiziala(k)	Arabiera, Ingelesa
Gobernua Errege Lehen Ministro Oinordeko Printze	Monarkia Konstituzionala Hamad ibn Isa Al Khalifah Khalifah ibn Sulman Al Khalifah Salman bin Hamad bin Isa Al Khalifa
Independentzia Erresuma Batutik	1971 abuztuaren 15
Eremua • Guztira • Ura	665 km² (189.) % 0
Biztanleria • Zenbatespena (2005) • Dentsitatea Herritarra	698,5851 (164.) 987 biztanle/km² (10.) bahraindar
Dirua	Bahraingo Dinarra (BHD)
Ordu eremua	UTC (UTC +3:00)
Interneteko domeinua	.bh
Telefono aurrezenbakia	+973
1Bertakoak ez diren 235.108ak barne (2005eko uztailean).

Bahraingo mapa

Bahrain —ofizialki Bahraingo Erresuma— (arabieraz: مملكة البحرين Mamlakat al-Baḥrayn) Persiar golkoko uharte batean kokatzen den estatua, herrialde arabiarretan txikiena. Mendebaldean Saudi Arabia dago, eta Bahrainekin lotua dago King Fahd Pasabidearen bidez (1986ko azaroaren 25ean ofizialki irekita). Qatar hegoalderantz dago, Bahraingo golkoaren beste aldean.

Demografia

Bahraingo biztanle gehienak iparraldean bizi dira, eta biztaleen erdiak baino gehiago hartzen dituzte estatuko bi hiri nagusiek. Gehienak arabiarrak badira ere, gutxiengo indiar, pakistandar eta irandarra ere kontuan hartzekoak dira. Biztanle-dentsitatea oso handia da (987 bizt/km², 2007an), eta baita hazkunde-tasa ere (% 2,79, 1992an).

Historia

1971n, burujabetasuna aldarrikatu ondoren, konstituzio bat onartu zen 1973an, emirraren ahalak murrizten zituena (besteak beste, Nazio Biltzarra sortzea proposatzen zuen), baina indar gabe utzi zen handik bi urtera. Gaur egun ezkerreko talde eta talde islamiar fundamentalista askok ezkutuan dihardute; 1994az gero, gorabeherak eragiten dituzte xiitek, tarteka, Nazio Biltzarra berriro antolatzea eta langabezia murrizteko neurriak hartzea eskatuz. Oro har, Mendebaldeko herrialdeen aldera jo izan du Bahrainek politikan, eta 1991ko Persiar golkoko gerran, esaterako, Estatu Batuek antolaturiko nazioarteko taldearekin bat egin zuen. 2002an udal-hauteskundeak egin ziren eta 2004an, berriz, legebiltzarrerako hauteskundeak.

Ekonomia

Bahraingo ekonomiaren oinarria petrolioaren industria da, eta herrialdearen kokagune estrategikoak ere garrantzi handia du ekonomian, Persiar golkoko garrantzi handiko merkataritzaren eta finantzen gune bihurtu baita. Petrolioaren ekoizpenak eta langintzak hartzen du esportazioen parte handi bat (% 60), eta barne-produktu gordinaren % 30 osatzen du. Dena dela, eta petrolio-erreserbak ez agortzeko beste industria batzuk sortu diren arren, herrialdeko ekonomia petrolioaren mende dago, eta arazo larriak sor daitezke petrolioaren prezioen gorabeheren eraginez, edo 1990-1991 urteetan Persiar golkoan sortutako krisiaren antzeko egoeretan. Arazo ekonomiko nagusiak langabezia (gazteen artean, batez ere), eta petrolioa eta lurpeko ur-erreserbak agortzea dira. 1986an Fahd erregeak Bahrain Saudi Arabiarekin lotzeko egindako errepideari esker, gora egin du turismoak.

Gobernua eta administrazioa

Bahrain monarkia absolutista bat da; emirra da buruzagia, eta heredentziaz jasotzen da titulua. 1999an Amir Hamad bin Isa Al Khalifak hartu zuen emir-kargua. Kontserbadurismo islamiar tradizionalista da Bahraingo gobernuaren politikaren ezaugarri nagusia. Administrazioko zereginak ministro-talde batek betetzen ditu. Alderdi politikoak debekatuta daude.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.

Artikulu hau geografiari buruzko zirriborroa da. Wikipedia lagun dezakezu edukia osatuz.