Ivan Aivazovski

Wikipedia(e)tik
Hona jo: nabigazioa, Bilatu
Ivan Aivazovski

Ivan Konstantinovitx Aivazovski (armenieraz Հովհաննես Այվազովսկի, errusieraz: Иван Константинович Айвазовский; Feodosia, 1817ko uztailaren 17a - 1900eko apirilaren 19a) pintore errusiarra, jatorri armeniarra, famatua bere itsas pinturengatik.

Biografia[aldatu | aldatu iturburu kodea]

1833an San Petersburgoko Arteen Akademian sartu zen, eta bi urte geroago zilarrezko dominarekin graduatu zen.

1841ean bost urteko bidaia hasi zuen, Italia, Portugal, Espainia, Frantzia, Erresuma Batua eta Herbehereak ezagutu zituen, beste batzuen arte.

1842an Turner paisaia-pintorea ezagutu zuen. Errusiara itzuli zenean, 1844an, San Petersburgoko Arteen Akademiako kide izendatu zuten, eta bi urte geroago, bertako irakaslea izan zen.

1845ean, Aivazovskik Istanbulera joan zen Abdulmezid I.ak gonbidatuta, eta 1845–1890 urteen bitartean errepikatu zuen bidaia. Bidaia horietakoak dira hainbat sultanek eskatutako margolanak.

1848an egin zuen bere lehenengo erakusketa Moskun. 1853an Feodosiako arkeologia-indusketetan parte hartu zuen, eta handik ateratako artelan ugari Hermitage museoko bilduman daude gaur egun.

1857an, Parisen egin zuen erakusketa bikain baten ondoren, Aivazovskiri Ohorezko Legioa intsignia eman zioten. 1869an Egipto bisitatu zuen.

Aivazovskyrengan eragin handia izan zuen Asia Txikiko armeniar sarraskiak (1895), hori dela eta, hainbat koadro margotu zituen gai horren inguruan, Mercury bi itsasontzi turkiarrek erasotua esate baterako.

Bere azken egunak Feodosian igaro zituen, non arte-eskola bat eta historia museo bat ireki zituen. Feodosian hil zen 1900. urtean.

Ikusi, halaber[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Ivan Aivazovski Aldatu lotura Wikidatan

Galeria[aldatu | aldatu iturburu kodea]