Joseph Mallord William Turner

Joseph Mallord William Turner
Irudi gehiago
Bizitza
Jaiotza	Maiden Lane (en) , Covent Garden eta Londres, 1775eko apirilaren 23a
Herrialdea	Britainia Handiko Erresuma Britainia Handia eta Irlandako Erresuma Batua
Lehen hizkuntza	ingelesa
Heriotza	Cheyne Walk (en) , Chelsea eta Kensington eta Chelsea, 1851ko abenduaren 19a (76 urte)
Hobiratze lekua	San Paulo katedrala
Heriotza modua	: kolera
Familia
Ezkontidea(k)	ezkongabea
Hezkuntza
Heziketa	Royal Academy of Arts
Hizkuntzak	ingelesa
Irakaslea(k)	Joshua Reynolds Thomas Malton (en)
Jarduerak
Jarduerak	margolaria, landscape painter (en) , marrazkilaria, grabatzailea, arkitektura proiektuen marrazkilaria, artista bisuala eta ilustratzailea
Lantokia(k)	Viena Belgika Praga Dieppe Lyon Paris Rouen Berlin Dresden Heidelberg Konstantza Bolonia Florentzia Napoli Erroma Turin Venezia Amsterdam Delft Dordrecht Haarlem Leiden Rotterdam Haga Utrecht Luzerna Rheinfelden Zürich Bristol Chester Edinburgo Londres Malmesbury eta Twickenham (en)
Lan nabarmenak	ikusi The Fighting Temeraire tugged to her last Berth to be broken up (en) Fishermen at Sea (en) The Battle of Trafalgar (en) Euria, lurruna eta abiada The Slave Ship (en) Snow Storm: Hannibal and his Army Crossing the Alps (en) Crossing the Brook (en) Chichester Canal (en) Sunrise with Sea Monsters (en) Light and Colour (Goethe's Theory) – The Morning after the Deluge – Moses Writing the Book of Genesis (en) The Burning of the Houses of Lords and Commons (en) Calais Pier (en)
Influentziak	Claude Gellée eta Thomas Girtin
Kidetza	Royal Academy of Arts
Mugimendua	erromantizismoa
Genero artistikoa	Itsas ikuspegia margolaritza historikoa paisaia margolaritza

Joseph Mallord William Turner (Londres, Ingalaterra, 1775eko apirilaren 23a – 1851ko abenduaren 19a) Ingalaterrako margolari erromantikoa izan zen, aitzindaria paisaien lanketan. Bere margolanek kolorea eta argia jorratzeko ausardia berritzailea dute bereizgarri; Turnerrek "argiaren margolari" goitizena jaso zuen, hain zuzen ere. Hori dela eta, John Constable garaikidearekin batera, inpresionisten aurrekaritzat jotzen da gaur egun.

Biografia

1789. urtean Royal Academy Arte Ederretako akademian onartu zuten, eta, bost urte geroago, grabatzaileentzako marrazkiak egiten hasi zen. Haren lehen paisaia arrakastatsuek, olioz eta akuarelaz eginak, Richard Wilson ingelesaren eragina erakusten dute. 1802. urtean akademiako kide egin zuten. Urte haietan bidaia ugari egin zituen, eta, Parisko egonaldian, frantses eta italiar maisu barrokoak aztertzeko egokiera izan zuen. Horren ondorioa izan zen Dido Kartago eraikitzen lan ikusgarria.

XIX. mendearen hasieran, halaber, gaztelu eta jauretxe ugari pintatzeko mandatuak jaso zituen (Linlithgow, Somer Hill, Tunbridge), eta aukera horretaz baliatu zen kolore eta argiarekin jolastu eta probak egiteko (Merkataritza itsasontzi baten hondoratzea).

1838. urtean utzi egin zuen Royal Academy eskolan zuen irakasle postua, eta Europan zehar bidaiatzeari eta koadroak pintatzeari ekin zion buru-belarri.

Bere bizitzako azken urteetan kolorea eta argitasuna landu zituen nagusiki: Egunsentia Norham gazteluan, Izukaitza ontzia desegiteko bidean eta Euria, behe lainoa, abiadura. Turnerren ospea murriztuz joan zen errealismoa nagusitzen zihoan neurrian, baina John Ruskin ingeles kritikariak eta inpresionistek goraipatu egin zuten Turnerren pintura, eta XIX. mende bukaerarako oso preziatuak ziren haren lanak.

Irudi galeria

• 
  Keyes errota, Pembury
• 
  Chichesterreko ubidea
• 
• 
• 
• 
• 
• 
  Euria, lurruna eta abiada, 1844, National Gallery

Wikimedia Commonsen badira fitxategi gehiago, gai hau dutenak: Joseph Mallord William Turner

Erreferentziak

• Datuak: Q159758
• Multimedia: Joseph Mallord William Turner / Q159758