Lezitina

Fosfatidilkolina

Lezitina edo fosfatidilkolina gai organiko konplexua, fosfolipidoa, landareen eta animalien zeluletan gantz-azidoetatik, glizerinatik, azido fosforikotik eta kolinatik sortzen dena. Garrantzi handiko zeregina du landare- eta animalia-zelulen metabolismoan. Lezitina landare-koipeetatik eta arrautza-gorringotik lortzen da, eta baita sintesi bidez ere. Janarigintzan erabiltzen da batez ere, gantzak emultsionatzen laguntzen baitu, eta elikagai gehigarri gisa ere bai. Orobat kosmetikoak, elikagai dietetikoak eta xaboi bereziak egiteko ere.