Somme

Somme (80)
Eskualdea	Pikardia
Prefetura	Amiens
Azpiprefeturak	Abbeville Montdidier Peronne
Biztanleria	555.551 (1999)
Dentsitatea	90 bizt / km²
Eremua	6.170 km²
Barrutiak	4
Kantonamenduak	46
Herriak	783
Departamendu burua	Daniel Dubois -
Kontseilu Orokorraren webgunea

Somme Pikardia eskualdeko departamendua da (80), Somme ibaia itsasoratzen den lekuan. Prefektura Amiens hirian dago, Suprefeturak, aldiz, Abbeville, Montdidier eta Péronnen.

Ekonomia-jarduera nagusiak dira, alde batetik, nekazaritza eta abeltzaintza eta, bestetik, ehungintza, metalgintza eta industria mekanikoa; turismoak eta arrantzak ere garrantzia dute, kostaldean batez ere.

Sommeko guduak

Bi Mundu Gerretan izen bereko ibaiaren ertzetan izan ziren guduak. Lehena 1916an izan zen, aliatuen eta alemaniarren artean; Frantzia-Britainiako osteek alemaniarrei eraso zieten Somme ibaiaren bi ertzetan. Gudu hartan erabili zituzten lehen aldiz tankeak ingeles osteek.

Bigarren gudua 1940an izan zen. Alemaniarrek frantsesei eraso zieten; frantsesen hesia hiru tokitan hautsi zuten, eta frantsesek hasieran tinko eutsi bazieten ere, azkenean alemaniarrek garaitu zituzten.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.