Obabakoak

Obabakoak
Jatorria
Egilea(k)	Bernardo Atxaga
Sorrera-urtea	1988
Argitaratze-data	1988
Izenburua	Obabakoak
Jatorrizko herrialdea	Euskal Herria
Argitaletxea	Erein
ISBN	978-84-7568-218-1
OCLC	22164202
Orrialdeak	396
Ezaugarriak
Hizkuntza	euskara
Historia
Jasotako sariak	Espainiako Narratiba Sari Nazionala

Obabakoak euskal literaturaren historian libururik ezagunena izan da Euskal Herritik kanpo, jadanik hogei hizkuntza baino gehiagotara itzulia izan delarik. Landa munduan girotutako ipuin bilduma da, errealismo magikoaren eragin nabariarekin eta literatura unibertsalari egindako milaka keinu intertestual baliatuz. Zenbait kritikarik neorruralismoa deituriko korrontearen barruan kokatu dute.

Bernardo Atxaga asteasuarrak 1988an kaleratu zuen lehen aldiz Erein argitaletxearen bidez. Lan honi esker, hurrengo urtean Espainiako Narratiba Sari Nazionala eman zioten, gisa horretan, holakorik lortzen duen lehen euskal idazlea izatera iritsi zen.

Atalak

Liburua ipuin bilduma eta eleberriaren arteko hibridazio bat bezala uler daiteke, ipuin gehienek lotura edo jarraitutasun bat mantentzen dutenez gero. Kontakizun gehienak azaltzen diren pertsonaia, dokumentu eta grabazioetan oinarritzen dira. Haien artean, Atxagak ahozko tradizioko sinesmen bat baliatzen du: Belarri-zulotik sartu eta burmuinaz elikatzen den muskerrarena.

Ia 400 orrialdeak bi atal nagusitan banatuta daude. Lehenengoak ez du izenburu propiorik eta bigarrenak, luzeenak, bai. Jarraian, kapitulu guztien izenburuak azalduko ditugu.

Lehen atala

• Camilo Lizardi erretore jaunaren etxean aurkitutako gutunaren azalpena.
• Jose Francisco: Obabako erretoretxean azaldutako bigarren aitortza.
• Post tenebras spero lucem.
• Esteban Werfell.
• Gauero aterako nintzateke paseatzera.
• Hamaika hitz Villamedianako herriaren ohoretan eta bat gehiago.

Bigarren atala: «Azken hitzaren bila»

• Aspaldi, artean gazte eta berde nintzela.
• Bagdadeko morroia.
• Cocteauk.
• Dayoub, Bagdadeko morroia.
• Eskuarekin agur egiten zigun norbait.
• Ezkontaurreko izenez, Laura Sligo.
• Finis Coronat Opus.
• Goizean.
• Hans Mensher.
• Ipui bat bost minututan izkribatzeko.
• Klaus Hanhn.
• Margarete, Heinrich.
• Ni, Jean Baptiste Hargous.
• Ondo plajiatzeko metodoaren azalpen laburra eta adibide bat.
• Pitzadura bat elur izoztuan.
• Rhineko ardo bat hartuz.
• Samuel Telleria Uribe.
• Wei Lie Deshang.
• X eta Y.
• Zuzia iratxekirik dagoenean bizi da.

Itzulpenak

2011ko urrian errusiera izango da itzulitako 25. hizkuntza liburu honetarako. Guztira, hauek dira bertsio guztiak: Euskara, ingelesa, gaztelera, frantsesa, alemana, italiera, portugesa, nederlandera, suediera, norvegiera, daniera, finlandiera, kroaziera, errumaniera, poloniera, turkiera, greziera, albaniera, katalana, galiziera, asturiera, japoniera, arabiera, hebreera eta koreera.

• 2015- Obabakoak bulgarieraz. María Pachkovak (itz.).

Zineman

2005ean, Montxo Armendariz orbaibartar zuzendariak liburua zinemara eraman zuen, Obaba filmarekin.

Bibliografia

• Aldekoa Beitia, Iñaki: Obabakoak hamargarren urtemugan (1988-1998). Abangoardiatik Villamedianara. - Egan, 1998-1/2, 5-23.
• Ur Apalategi Idirin. (Frantsesez) La naissance de l'écrivain basque. L'évolution de la problématique littéraire de Bernardo Atxaga (2000, L'Harmattan).

Ikus, gainera

• Literatura unibertsala
• Euskarazko liburu ezagunen zerrenda
• Euskararen historia

Kanpo estekak

Euskarazko Wikipedian bada atari bat, gai hau duena: Euskara

• "Erein" argitaletxearen webgunean
• Liburuaren itzulpen guztiak

• Datuak: Q3571247