Bilboko setioa (1835)

Wikipedia(e)tik
Bilboko lehendabiziko setioa» orritik birbideratua)
Hona jauzi: nabigazioa, Bilatu
Artikulu hau lehendabiziko setioa buruzkoa da; beste esanahietarako, ikus «Bilboko setioa».
Bilboko setioa
Iparraldeko frontea – Lehen Karlistada
Sitio de Bilbao.jpg
Emakume batzuk Getariatik alde egiten.
Data 1835ko ekainaren 10etik uztailaren 1era
Lekua Bilbo
 Bizkaia 43° 15′ 25″ N, 2° 55′ 25″ W / 43.25694°N,2.92361°W / 43.25694; -2.92361
Emaitza Liberalen garaipena
Kokapena 43° 15′ 25″ N, 2° 55′ 25″ W / 43.25694444°N,2.92361111°W / 43.25694444; -2.92361111Koordenatuak: 43° 15′ 25″ N, 2° 55′ 25″ W / 43.25694444°N,2.92361111°W / 43.25694444; -2.92361111
Gudulariak
Flag of Cross of Burgundy.svg Karlistak Flag of Spain (1785-1873 and 1875-1931).svg Isabelinoak
Buruzagiak
Tomas Zumalakarregi Baldomero Espartero
Luis Fernández de Córdova

Bilboko lehendabiziko setioa 1835ko ekainaren 10 eta uztailaren 1en artean Bilbo inguruan gertatutako gudua izan zen.

Gudua[aldatu | aldatu iturburu kodea]

Zumalakarregi, Gipuzkoa eta Bizkaian zehar eramandako kanpaina arrakastatsuaren ondoren, Bilbo hartzera bidali zuten, hiri bat bereganatzea behar beharrezko baitzuten karlisten diplomazia eta finantzek. 1835eko ekainaren 10ean hasi zituen hiriaren blokeorako lanak. Ekainaren 12an hiriari errenditzeko aukera eskaini zion eraso bortitzaren mehatxupean. Mirasolgo kontea zegoen Bilboko agintari militar bezala eta ezezko borobila eman zion Zumalakarregiri. Ekainaren 14ean hasi zen bonbardaketa, baina hiriko bateriek karlistenak baino indar gehiago zuten, paradoxikoki setiatzaileen artean setiatuenean baino galera gehiago eraginez.

Zumalakarregi ekainaren 15ean Begoñako jauregian setioa antolatzen zegoela, belaunean zauritu zuten, agintea Erasoren eskuetan uztera behartuz. Zauri honen ondorioz hil zen Zegaman, ekainaren 24an, karlisten buruzagi ordezkaezina. Dena den, Bilboko bonbardaketak aurrera jarraitu zuen.

Zumalakarregik ez zuen hiriko gune zibilen aurkako tirorik agindu, harik eta inguratzen zuten gotorlekuak bereganatu arte. Erasok, aitzitik, ekainaren 16an hiri erdia bonbardatzea agindu zuen. Bitartean Bilbotarrak Donostia eta Santandertik bidalitako tropen laguntza espero zuten setioa apurtzeko.

Hilak 18an eta 24an saiatu ziren liberalak Portugalete aldetik Bilbora sartzen, baina karlistek eutsi egin zioten setioari, bonbardaketak gogortuz. Ordurako etxeak, elizak eta ospitalek ere bonbardatzen zituzten. Don Carlos ekainaren 26ean inguratu zen setioaren egoera aztertzera. Lau egun gehiagoz ihardun zuten Bilbo bonbardatzen, uztailaren lehenean setioa utzi behar izan zuten arte. Luis Fernández de Córdova, Latre, Espartero eta La Hera jeneralen tropak, Don Carlosenak baino ugariagoak, Bilbora sartu ziren.

Honela bukatu zen Bilboko lehen setioa, hirian 31 hildako, 130 zauritu eta 11 presoren galera izan zutelarik. Karlisten artean kopurua zehaztu gabe dago, baina Zumalakarregiren galera erabakikorra izan zen.

Ikus gainera[aldatu | aldatu iturburu kodea]

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]