Inkontziente
Inkontzientea gizabanako baten gogamenaren atal kontzientetik at dauden eta zuzenean kontrolatu ezin litzakeen desira, sen, oroitzapen eta motibazioen multzoa da. Sigmund Freudek bere psikoanalisi teorian garatu zuen kontzeptua da eta hipnosi fenomeno, amets eta lapsusetan oinarritu zuen bere existentzia frogatzeko. Carl Jungek, gainera, inkontziente kolektiboaren existentzia aldeztu zuen. Inkontzientearen balizko existentziak ondorio garrantzitsuak lituzke: alde batetik, pentsamenduaren eta gogamenaren beste ekintzen azalpen zientifikoa oztopatzen du, horietan inkontzientearen faktoreak ezkutuan geratzen direlako; bestetik, gizabanakoaren izaera anitza lekarke, inkontzienteak eta kontzienteak norabide ezberdinetan moldatzen baitute subjektua.
Kanpo estekak[aldatu | aldatu iturburu kodea]
![]() |
Artikulu hau psikologiari buruzko zirriborroa da. Wikipedia lagun dezakezu edukia osatuz. |