Iruñeko bidegorria

Wikipedia, Entziklopedia askea
Hona jauzi: nabigazioa, Bilatu

Iruñeko bidegorri sarea

Udalerria Iruñea
Luzera 64000 m.
Txirrindula alokairua Bost gune
www.c-cycles.es

Iruñeko bidegorria Iruñean bizikleten zirkulaziorako prestatua dagoen bide sarea da.

Ezaugarri orokorrak[aldatu | aldatu iturburu kodea]

Gaur egun, Iruñeak 64 kilometro bidegorri ditu. Horietatik, 20 Iruñerriko Ibai Parkeak osatzen ditu, 6,5 ipar konexioak, 3,7 Done Jakue bidea konexioak, 5,5 hego konexioak, 7,3 mendebalde konexioak eta 21 Buztintxuri lineak, Unibertsitate lineak eta beste hainbat zatik.

Bestalde, 2013. urterako espero da osotara 41 kilometro izango dituen beste 11 linea sortzea, eta beranduagoko zazpi kilometroko beste linea bat. Honekin, Iruñeko Udalak Iruñeko Ziklabilitate Planarekin bukatuko du.

Araudia[aldatu | aldatu iturburu kodea]

Iruñeko Zirkulazio Araudiak dioenez, bidegorri sarea bizikleta, irristailu eta ezinduen aulkiak zirkulatzeko prest dago. Autoek eta oinezkoek debekatuta dute bidegorritik zirkulatzea. Beste aldetik, bizikletek debekatuta dute espaloitik zirkulatzea, hauek bakarrik bidegorri, errepide, oinezkoen alde, espaloi konpartitu eta parke publikoetatik igaro daitezke, beti oinezkoekin metro bat baino gehiagoko aldea mantenduz, hauek preferentzia baitute. Errepidetik zirkulatzerakoan autoek metro eta erdiko distantzia mantendu behar dute txirrindularekiko, eta azken hau, beti eskuineko aldean ibiliko da. Zebrabideetan, honakoa da preferentzia: Lehenengo oinezkoak, gero bizikletak eta azkenik autoak.

Bizikletek 20 km/h abiaduran ibiliko dira gehienez bidegorrietan. Beste tokietatik 10 km/h abiaduran gehienez, eta errepidean autoentzako arau berberak jarraituko dituzte.

Txirrina, kaskoa eta argia eramatea derrigorrezkoa dute bizikletek.

Bizikleta alokairua[aldatu | aldatu iturburu kodea]

Iruñeko Udalak bizikleta alokairuko bost gune prestatu ditu Cemusa empresaren kontzesioaren bitartez. Nbici x la ciudad proiektuaren barnean dago alokairu plan hau. Udalean eskatzen den txartel batekin alokatu daitezke bizikletak, bestela, postuan bertan, Kreditu Txartel batekin ere ordaindu daiteke alokairua. Udaleko txartelarekin, lehenengo alokairu ordua dohainik da, hortik aurrera, orduko euro bana ordaintzen da. Alokairu denbora topea lau ordukoa da.

Hona hemen bost alokairu postuak:

Bidegorri sarea[aldatu | aldatu iturburu kodea]

Linea Igarotzen dituen auzoak Luzera Bizikleta alokairua Egoera
Donibane Donibane 2,7 km Bai Proiektuan
Txantrea Txantrea, Arantzadi 4,7 km Ez Proiektuan
Mendillorri Mendillorri, Beloso 4,7 km Ez Proiektuan
Soto Lezkairu, Arrosadia 4,3 km Ez Lanetan
Zabalgune Bigarren Zabalgunea 3 km Ez Proiektuan
Arrosadia Arrosadia, NAUP 3,1 km Bai Proiektuan
Iturrama Iturrama, Donibane 2,7 km Ez Proiektuan
Unibertsitate Nafarroako Unibertsitatea, Azpilagaña - Bai Bukatuta
Yamaguchi-Ospitaleak Donibane, Ospitaleak 3 km Bai Proiektuan
Mendebaldea-Etxabakoitz Mendebaldea, Etxabakoitz 4,6 km Ez Proiektuan
Sanduzelai-Landaben Sanduzelai, Landaben 5,2 km Ez Proiektuan
Buztintxuri Buztintxuri - Ez Bukatuta
Errotxapea Arrotxapea, Aranzadi 3,5 km Bai Proiektuan
Bus-Txirrindu Lehenengo Zabalgunea, Bigarren Zabalgunea, Arrosadia, Azpilagaña, Beloso, Donibane, Iturrama 3,5 km Bai Proiektuan
Ipar konexioa Buztintxuri, Donibane, Arrotxapea, Sanduzelai, Txantrea, Ezkaba 6,5 km Ez Lanetan
Done Jakue bidea konexioa Alde Zaharra, Txantrea 3,7 km Ez Proiektuan
Hego konexioa Azpilagaña, Bigarren Zabalgunea, Arrosadia, Lezkairu, Beloso 5,5 km Ez Lanetan
Mendebalde konexioa Donibane, Alde Zaharra, Mendebaldea, Ospitaleak, Iturrama, Azpilagaña 7,3 km Bai Lanetan
Portal.svg
Euskarazko Wikipedian bada atari bat, gai hau duena:
Iruñea