Larisa Reisner

Larisa Reisner
(1920(e)ko hamarkada) Irudi gehiago
Bizitza
Jaiotza	Lublin, 1895eko maiatzaren 2a (juliotar egutegia)
Herrialdea	Errusiar Inperioa Errusiako Sobietar Errepublika Sozialista Federatiboa Sobietar Errepublika Sozialisten Batasuna
Heriotza	Mosku, 1926ko otsailaren 9a (30 urte)
Hobiratze lekua	Vagankovo Cemetery (en)
Heriotza modua	berezko heriotza: Sukar tifoidea
Familia
Aita	Michael A. Reisner
Ezkontidea(k)	Fiodor Raskolnikov Karl Radek
Bikotekidea(k)	ikusi Karl Radek
Anai-arrebak	ikusi Igor Reissner (en)
Hezkuntza
Heziketa	Bekhterev Research Institute (en)
Hizkuntzak	errusiera alemana
Jarduerak
Jarduerak	iraultzailea, kazetaria, poeta, idazlea, diplomazialaria, militarra eta editorea
Enplegatzailea(k)	Novaya Zhizn (en)
Izengoitia(k)	Leo Rinus, M. Laren, I. Smirnov, L. Kharpovitskii eta Лео Ринус
Sinesmenak eta ideologia
Alderdi politikoa	Sobietar Batasuneko Alderdi Komunista

Larisa Mikhailovna Reisner (errusieraz: Лариса Михайловна Рейснер; 1895eko maiatzaren 13a^greg./maiatzaren 1^jul. - 1926ko otsailaren 9a) Polonian jaiotako errusiar boltxebikea izan zen.

Biografia

Kazetari lanean

Bere familia tradizio iraultzailekoa izaki, mugimendu eta literatura iraultzailearekin harreman handia izan zuen. 1905ean, Errusiara joan zen bizitzera eta giroa orduan bor-bor zebilen. Hasiera batean literatura munduan barneratu zen eta idazle-ikasketa egin nahi izan zuen. Lehen Mundu Gerra hasi zenean, posizio internazionalistarekin bat egin zuen eta gerraren kontrako Rudin egunkarira batu zen. Maksim Gorki idazlearen oso laguna izan zen, eta honen Letopis buletin literarioan ere idatzi zuen. Gorkirekin zuen harremana Otsaileko iraultzaren ostean indartu egin zen, Gorkik fundatutako Novaia Zhizn (“Bizitza Berria”) egunkari politikoan lan egiten hasi baitzen. Bertan, koaliziozko Gobernuaren kontrako postura izan zuen, beraz, ideia boltxebikeengana hurbiltzen hasi zen eta kazetari ospea handitzen hasi zitzaion. Hala ere, Alderdi Boltxebikearekin bat ez zuen egin Urriko Iraultza gertatu arte.

Jarduera politikoa

Hasiera batean Anatoli Lunatxarskiren pe egin zuen lan Kultura eta Hezkuntzarako Herri Komisariotzan, monumentuak babesteko ardurarekin. Hala ere, gutxira Armada Gorrian sartu zen Komisario Militar gisa, V. armadan (Kazango frontean lehenbizi eta gero Volgako frontean), hain zuzen ere. 1919an, Moskuko Kuartel Nagusiaren komisario militar izatera iritsi zen. Une latzak ere bizi izan zituen, adibidez Kronstadten egon zen 1921ko matxinada antiboltxebikea izan zenean. Bere esperientzia militarraren inguruan, Frontea liburua idatzi zuen, Errusian oso saldua eta irakurria izan zena. Kronstadteko matxinada antiboltxebikea zapaldu ostean, Afganistanera bidaiatu zuen. 1923an, Alemaniara bidaiatu zuen, Komiternaren eta Alemaniako Alderdi Komunistaren arteko lotura lanak egitera. Orduan, Alemanian matxinada komunistak gertatzen ari ziren eta liburu bi idatzi zituen pasarte horien inguruan (horietako bat, Hanburgo Barrikadez josia, debekatu egin zuten). Alemaniatik bueltan, Uraletara joan zen, hango langileekin lan kulturala egitera eta hango arazoen berri ematera. 1925an, malariaz gaixotu zen, eta gutxira tifusa ere hartu zuen. Oso gazte hil zen, 1926an.

Erreferentziak

• Datuak: Q538379
• Multimedia: Larissa Reissner / Q538379