Anatoli Lunatxarski

Anatoli Lunatxarski
Irudi gehiago
People's Commissariat for Education (en) 1929ko iraila ← Sergei Salazkin (en) - Andrei Bubnov → enbaxadore 1918ko Errusiako Batzar Konstituziogileko diputatu Ambassador of the Soviet Union to Spain (en)
Bizitza
Jaiotza	Poltava, 1875eko azaroaren 11 (juliotar egutegia)
Herrialdea	Errusiar Inperioa Errusiako Sobietar Errepublika Sozialista Federatiboa Sobietar Errepublika Sozialisten Batasuna
Heriotza	Menton, 1933ko abenduaren 26a (58 urte)
Hobiratze lekua	Kremlingo harresiko nekropolia
Heriotza modua	: bihotz-gutxiegitasuna
Familia
Ezkontidea(k)	Natalya Rozenel
Haurrideak	ikusi Q4269393
Hezkuntza
Heziketa	Zuricheko Unibertsitatea
Hizkuntzak	errusiera
Jarduerak
Jarduerak	antzerkigilea, politikaria, idazlea, diplomazialaria, kazetaria, aktorea, filosofoa, literatura-kritikaria eta gidoilaria
Parte-hartzailea 3rd Congress of the Russian Social Democratic Labor Party (en) 4th Congress of the Russian Social Democratic Labor Party (en) 8th Congress of the Russian Communist Party (en) 10th Congress of the Russian Communist Party (en) 11th Congress of the Russian Communist Party (en) 12th Congress of the Russian Communist Party (en)
Enplegatzailea(k)	Moskuko Estatu Unibertsitatea
Kidetza	Zientzien Errusiar Akademia Sobietar Batasuneko Zientzien Akademia
Sinesmenak eta ideologia
Alderdi politikoa	Boltxebike Errusiako Langile Alderdi Sozialdemokrata Sobietar Batasuneko Alderdi Komunista

Anatoli Vasilievitx Lunatxarski (errusieraz: Анато́лий Васи́льевич Лунача́рский, ukraineraz: Анатолій Васильович Луначарський, 1875eko azaroaren 23a^greg./azaroaren 11^jul. - 1933ko abenduaren 26a) Ukrainan jaiotako boltxebikea eta idazlea izan zen.

Biografia

Politika marxista

Hamabost urterekin (1890an) egin zen marxista, eta 1895tik aurrera Zurichen ikasi zuen. Oso gazte zela Rosa Luxemburg ezagutu zuen. Behin bagaia teorikoaren jabe eginda, 1898an Errusiara itzuli zen, lan iraultzailea egitera, eta 1899an eta 1900an atxilotu egin zuten. 1903an, Errusiako marxistak boltxebike eta mentxebikeetan zatitu zirenean, Lunatxarskik Leninen boltxebikeekin bat egin zuen, 1905an Komite Zentraleko kide izan zen eta 1907an Internazionalean boltxebikeen ordezkari, baina 1908an honengandik banandu zen, Bogdanoven ultraezkerreko korrontea jarraituz (1905ko iraultzan zehar hirugarren aldiz atxilotu zuten).

Lehen Mundu Gerra

1908tik 1913ra langileen hezkuntza politikoan lan egin zuen batik bat, Gorki edo Mikhail Pokrovski bezalako intelektualekin. 1914an, Lehen Mundu Gerra hastean, posizio internazionalista, gerraren aurkakoa hartu zuen. Honek kokatzea lagundu zion, izan ere, laster egin zuen bat Mezhraionka deitutako taldearekin, zeinak boltxebikeen eta mentxebikeen birbatzearen alde egin zuen (fakzio horrek, bi fakzio nagusiekin ados ez zeuden intelektualak biltzen zituen batez ere).

1917an itzuli zen Errusiara, eta urte horretako ekainean bere lagun Gorkiren Novaia Zhizn (Bizitza Berria) egunkariaren erredakzioko kide egin zen. Uztailean, Mezhraoinkak boltxebikeekin bat egiterakoan, Alderdi Boltxebikeko kide izan zen, eta abuztuan Petrogradeko boltxebike garrantzitsuenetakoen artean zegoen eta Proletarii egunkaria ateratzen zuen.

Errusia Sobietarreko Hezkuntzarako Herri-Komisario

Urriko Iraultza gertatu ostean, Errusia Sobietarreko Hezkuntzarako Herri-Komisario izendatu zuten, eta postu horretan eman zuen 1929 arte (Errusiako Errepublika Sobietarrekoa, zein SESBkoa). Errusiar inteligentzia boltxebikeen alde jartzeko (edo behintzat neutraltasun onbera batean izateko) lan handia egin zuen. Bere garaian sobietar herriaren maila kulturala goratzeko lan handia egin zuen. Lunatxarskiren garaian, Errusia barneko gutxiengo hizkuntza askoren alfabetizazioaren hastapena eman zen; baina adierazpen polemikoak ere egin zituen, errusiera latindar alfabetoz idazten hastearen aldekoak, esaterako. Hasieran erreforma handiak martxan jartzeko saiakerak egin zituen Proletkult (mugimenduaren sortzaile Aleksandr Bogdanov aspaldi ezagutzen zuen, eta baita ere mugimendu horren aldeko Maksim Gorki idazlea) mugimenduaren bidez, baina gerora ildo kontserbakorrago bat eraman zuen (adibidez, monumentu historikoak gordetzearen alde egin zuen). Antzerkiaren aldeko lan handia ere egin zuen, batez ere Vsevolod Meyerholderekin, eta zinema konpainia sobietarrak bere zuzendaritzapean sortu ziren. Sergei Prokofiev musikagilea Parisetik SESBra itzul zedin lortu zuen. 1930an, SESBeko Zientzia Akademiako kide egin zen. Kulturaz gain, 1918-1922 artean Biltzar Militar Iraultzaileko kide zian zen, eta 1919-1921 artean Alderdi Boltxebikearen Barne-Ikuskaritzarako Komisioaren kide baita.

Nazioen Elkarterako eta Espainiako enbaxadore

1930an, Nazioen Elkarterako sobietar enbaxadore izendatu zuten. 1933an, Espainiarako enbaxadore izendatu zuten, eta Espainiako Bigarren Errepublikak eta SESBk elkar aintzatesteko asmoa erakutsi zuten. Lunatxarskik SESBen Espainiarako lehen enbaxadorea izan behar zuen, baina bidean hil egin zen, kargu hartu aurretik heriotza honek elkarrekiko aintzatespena atzeratu zuen, izan ere Espainian urte horretan eskuineko gobernu batek hartu zuen boterea, SESB aintzatesteko asmorik ez zuenak. Azkenean lehen enbaxadore sobietarra 1936an, Espainiako Gerra Zibila hasita iritsi zen Espainiara, Marcel Rosenberg izan zen.

Erreferentziak

• Datuak: Q18809
• Multimedia: Anatoliy Lunacharskiy / Q18809