Manuel Azaña

Wikipedia(e)tik
Hona jo: nabigazioa, Bilatu
Manuel Azaña
Azaña 3.jpg
Escudo de España (mazonado).svg
Espainiako Diputatuen Kongresuko diputatua


Espainiako Gobernuko presidente

1931ko urriak 14 - 1933ko irailak 6
Juan Bautista Aznar-Cabañas - Alejandro Lerroux
Bizitza
Jaiotza Madril1880ko urtarrilaren 10a
Herrialdea  Espainia
Heriotza Montauban1940ko azaroaren 3a (60 urte)
Hobiratze lekua Montauban
Familia
Aita Esteban Azaña
Ezkontidea(k) Dolores Rivas Cherif
Hezkuntza
Heziketa Zaragozako Unibertsitatea
Madrilgo Complutense Unibertsitatea
Universidad Central
Hizkuntzak gaztelania
Lanbidea
Lanbidea politikaria eta abokatua
Lantokia(k) Madril
Sinesmenak
Alderdi politikoa Izquierda Republicana
IMDb nm0044140

Manuel Azaña Diaz (Alcala de Henares, 1880ko urtarrilaren 10a - Montauban, Frantzia, 1940ko azaroaren 3a), espainiar politikari eta idazlea izan zen. Ministroen Kontseiluko Presidentea (1931-1933, 1936) eta Espainiako Bigarren Errepublikako Presidentea (1936-1939) izan zen.

XX. mendeko espainiako politikari eta hizlari garrantzitsuenetariko bat izan zen, eta era berean kazetari eta idazle ezaguna. 1926an Vida de Juan de Valera liburuagatik Espainiako Literatura Sari Nazionala irabazi zuen. La Velada en Benicarló liburuan, 1930eko hamarkadaren inguruko gogoeta-lana egin zuen.

Biografia[aldatu | aldatu iturburu kodea]

Acción Republicana taldearen sortzailea (1924), eta Espainiako Bigarren Errepublika ekarri zuen batzorde iraultzailearen kide izan zen. 1931n, Errepublikaren behin-behineko gobernuan, Gerra ministroa izan zen eta armadaren eraberritzea abiarazi zuen. Hizlari ona, gobernuaren proiektuari buruzko eztabaidan nabarmendu zen, batez ere kleroaren aurkako klausulak aldezterakoan. 1931-1933 bitartean gobernuburua izan zen. 1933ko hauteskundeek ordura arteko politikaren gaitzespena ekarri zuten. Eskuineko gobernuaren bi urteetan esetsi egin zuten. Bere alderdia berriro antolatu zuen, eta Izquierda Republicana alderdia sortu. Frente Popular delakoaren ardatz zen alderdi honek 1936ko hauteskundeak irabazi zituen, eta maiatzean Errepublikako Presidente izendatu zuten. Gerra Zibila amaitutakoan Frantziara erbesteratu zen, errefuxiatu politiko gisa.

Literaturagile fina izan zen, La pluma (1920) literatura aldizkariaren sortzailea eta 1923-1924 urteetan España aldizkariaren zuzendaria. Eleberri autobiografiko bat idatzi zuen: El jardín de los frailes (1926). Literatura kritikari gisa lan batzuk utzi zituen: La invención del Quijote (1934) eta Vida de Juan de Valera, Juan Valera idazleari buruzko azterketa kritikoa. Politika elkarrizketei buruzko obra bat idatzi zuen Gerra erdian: La velada de Benicarló. George Borrowen La Biblia en España itzuli zuen gaztelaniara.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Manuel Azaña Aldatu lotura Wikidatan