Paris Saint-Germain FC

Paris Saint-Germain FC

Ezizena(k)	PSG
Sorrera	1970
Futbol zelaia	Parc des Princes (edukiera: 46.480 lagun)
Presidentea	Nasser Al-Khelaïfi
Entrenatzailea	Thomas Tuchel
Liga	Ligue 1
2017-18	1.a
Webgunea	Webgune ofiziala
Etxekoa 　 Kanpokoa

Azken urteetan Frantziako Liga eta Kopak nagusitasun osoz irabazi ditu.

2013-14ko Txapeldunen Ligako partida Chelsearen aurka.

PSG-ren zaleak.

Paris Saint-Germain (PSG) Frantziako futbol talde nagusietakoa da, Paris hiriburukoa. 1970ean sortu zuten Stade Saint-Germain eta Paris FC taldeek bat eginez. Talde koperoa izan den arren sei liga ere eskuratu ditu, azkena 2016an. Europan ere ongi ibili da eta Futbol Errekopa irabazi duen talde frantziar bakarra izan da.

Historia

Sorrera

Stade Saint-Germain (1904) eta Paris FC (1969) taldeek bat egitea erabaki zuten 1970an. 1974ean lehen mailara igotzea lortu zuen eta lehenengo garaipenak Kopa txapelketan iritsi ziren, 1982 eta 1983an. Lehenengo liga berriz 1986koa izan zen. Emaitza hauek Europan jokatzeko aukera eman zioten eta bereziki gogoangarria da Juventus FC-ren aurkako kanporaketa.

Canal + jabea

1991eko maiatzean Canal+ telebista kateak erosi zuen taldea eta Paris Saint-Germainek "urrezko aro" bati hasiera eman zion, hamarkada honetan Liga bakarra eskuratu arren 3 kopa eskuratu baitzutuen. Honetaz gain Europako lehenengo garaipena iritsi zen, bi aldiz jarraian Europako Errekopako finalak jokatu baitzituen, bata irabazi (Rapid Vienaren aurka 1-0) eta bestea galduz (FC Barcelonaren aurka 1-0).

Milurteko berria ere maila berean hasi du, liga bat eta hiru kopa irabaziz. Hala ere Europa mailan Intertoto Kopa bat baino ez du irabazi.

Qatarreko jabea

2011ean Qatar Investment Authority bihurtu zen Paris Saint-Germainen %70aren jabe. Nasser Al-Khelaïfi enpresagizonak berehala fitxaketa handiak egin zituen, urte hartan Europa osoan diru gehien gastatu zuen bigarren taldea izanik (Manchester Cityren ondoren). Hala ere lehenengo denboraldi hartan emaitza ez ziren esperotakoak izan, Liga ez irbazteaz gain UEFA Europa Leaguen ere taldekako fasea ez baitzuen gainditu. Taldekako fase hartan Bilboko Athletic Kluba izan zuen aurkari.

2012-13 urtean fitxaketa berriak egin ditu (Zlatan Ibrahimović, Thiago Silva, Lucas Moura eta Ezequiel Lavezzi) 146 milioi euro gastatuz eta Liga irabazi erraz irabazi du bigarrenari 12 puntu atereaz. Txapeldunen Ligan final laurdenetara iritsi zen, FC Barcelonak kanporatu zuen.

2013-14 denboraldian berriz irabazi du liga, oraingoan gainera errekorrak ezarriz puntu eta gol kopuruetan. 2014-15 denboraldian Frantzian jokoan jarritako txapelketa guztiak irabazi ditu. Txapeldunen Ligan ere final laurdenetaraino iritsi da baina berriz ere FC Barcelonak kanporatu du.

2015-16an marka guztiak hautsi ditu Frantziako Ligan. 96 puntu lortu ditu bigarrenari 31 aterata, 30 partida irabazi ditu eta 102 gol sartu ditu. Horretaz gain Kopa, Ligako Kopa eta Superkopa ere irabazi ditu. Europan ordea ez du emaitza aipagarririk lortu, final laurdenetan kanporatua izan baita.

2016-17an Unai Emery entrenatzaile hondarribitarra fitxatu du. Bigarrena izan zen Ligan baina Kopa eta Ligako Kopa irabazi zituen. 2017-18an Liga eta Kopa eskuratu ditu.

Uniformea

1970an sortu zenean taldeak Paris hiriaren koloreak diren urdina eta gorria hartu zituen eta Stade Saint-Germain taldearen kolore zuriarekin konbinatu zuen.

Stade Saint-Germain

Paris FC

1970

1973-tik

2014-2015

2015-2016

2016-2017

2017-2018

2018-2019

Palmaresa

Frantzian: 34

• Ligue 1 (7): 1986, 1994, 2013, 2014, 2015, 2016, 2018.
• Frantziako Kopa (12): 1982, 1983, 1993, 1995, 1998, 2004, 2006, 2010, 2015, 2016, 2017, 2018.
• Ligako Kopa (8): 1995, 1998, 2008, 2014, 2015, 2016, 2017, 2018.
• Trophée des champions (Superkopa) (7): 1995, 1998, 2013, 2014, 2015, 2016, 2017.

Europan: 2

Europako Errekopa

• Txapelduna (1): 1996.
• Finalista (1): 1997.

UEFA Intertoto Kopa

• Txapelduna (1): 2001.

Europako Superkopa

• Txapelduna (0)
• Finalista (1): 1996.

Lagunartekoak

• International Champions Cup (2): 2015, 2016

Jokalari ezagunak

Jean Djorkaeff, Nicolas Anelka, Jocelyn Angloma, Luis Fernandez, Mikel Arteta.

Euskal taldeen aurkako partidak

PSGk kanporaketa bakarra jokatu du euskal taldeen aurka:

Denboraldia	Txapelketa	Fasea	Etxekoa	Emaitza	Kanpokoa
2011-12	UEFA Europa League	Liga fasea	Athletic PSG	2-0 4-2	PSG Athletic

Emakumezkoen taldea

Sakontzeko, irakurri: «Paris Saint-Germain FC (emakumezkoak)»

Gaur egun Olympique Lyonnais-en ondoren Frantziako talderik indartsuena da, azken lau urteetan ligan bigarren egin baitu. Ez du ordea ligarik irabazi. 2015ean Txapeldunen Ligako finala jokatu zuen baina FFC Frankfurt taldeak 2-1 emaitzaz garaitu zuen.

• Txapeldunen Liga:
  • Txapelduna (0)
  • Finalista (1): 2015.
• Frantziako Liga
  • Txapelduna (0)
  • Bigarrena (5): 2011, 2013, 2014, 2015, 2016.
• Frantziako Kopa:
  • Txapelduna (1): 2010.
  • Finalista (2): 2008, 2014.

Kanpo loturak

Wikimedia Commonsen badira fitxategi gehiago, gai hau dutenak: Paris Saint-Germain FC

• (Frantsesez)(Ingelesez)PSGren webgune ofiziala

1. Zenbakidun zerrendako elementua