Hamburger SV

Wikipedia(e)tik
Hona jo: nabigazioa, Bilatu
Hamburger SV
Ezizena(k) Rothosen (praka gorri)
Sorrera 1887
Futbol zelaia Imtech Arena
(edukiera: 57.000 lagun)
Presidentea Alemania Carl-Edgar Jarchow
Entrenatzailea Alemania Josef Zinnbauer
Liga Bundesliga
2013-14 Bundesliga, 16.a
Webgunea Webgune ofiziala
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Etxekoa
Taldearen koloreak Taldearen koloreak Taldearen koloreak
Taldearen koloreak
Taldearen koloreak
 
Kanpokoa
FC Barcelonaren aurkako partida 1961eko Europako Kopan.

Hamburg SV (alemanieraz Hamburger Sport-Verein) Alemaniako futbol talde bat da, Hanburgoko hiri aske eta hansatarrekoa. 1887ko irailaren 29an sortua izan zen eta Alemaniako Bundesligan jokatzen du.

Historia[aldatu | aldatu iturburu kodea]

Sorrera[aldatu | aldatu iturburu kodea]

Hanmburger SV 1919an jaio zen, Sport Club Germania (1887), Hamburger FC (1888) eta FC Falke Eppendorf (1906) taldeak batu zirenean. Taldearen lehen txapelketa, liga izan zen, 1922an, baina txapelketa honek, garai hartan, ez zuen ofizialtasunik. 1923an bigarren liga irabazi zuen, oraingoan baliozkoa izan zena. 1928an liga berria irabazi zuen. Hirugarren reicharen garaian eskualdeko ligetan naghusi izan zen baina herrialde mailan ez zuen titulu berririk irabazi.

Gerra osteko urteak[aldatu | aldatu iturburu kodea]

Bigarren Mundu Gerraren ondoren 1946an Hanburgoko liga irabazi zuen eta 1947 eta 1948an Britainiar okupazioko eremuko ligaren irabazlea izan zen. 1950an Estatu Batuetan partida batzuk jokatu zituen (Alemaniatik atera zen lehen traldea) eta sei gol sartu eta bat ere jaso gabe itzuli zen. 1947 eta 1963 artean Alemania iparraldeko liga guztiak irabazi eta Alemania osoko txapelketa jokatzeko sailkatu zen, baina 1960an soilik lortu zuen garaipena, finalean Koloniari 2-0 irabaziz. Garai hartako izarra Uwe Seeler izan zen, bederatzi denboralditan 267 gol sartu zituelarik 237 partidatan. 1961ean Europako Kopa jokatu zuen eta Bartzelonak kanporatu zuen finalerdietan.

Urrezko aroa[aldatu | aldatu iturburu kodea]

1963an Bundesliga sortu zenean Hamburguer SV lehen mailan kokatua izan zen, eta ordutik bigarren mailara sekula jeitsi ez den talde bakarra da eta horregatik "Dinosauroak" ezizena jaso izan du.

Urrezko aroa 1970 hamarkadaren amaieran iritsi zitzaion 1977an Europako Errekopa eta 1979, 1982 eta 1983an Bundesligak irabazi zituenean. Titulu handiena 1983ko Europako Kopa izan zen. Urte hartan Erreala finalerdietan kanporatu zuen, Donostian 1-1 berdindu eta Alemanian 2-1 irabazi baitzuen jokoz kanpo sartutako gol baten bidez. Finalean Juventus FC garaitu zuen 1-0ko emaitzaz. Kontinente arteko Futbol Kopa jokatu zuen ondoren baina Grêmio Porto Alegre talde brasildarrak 2-1 garaitu zuen.

Azken urteak[aldatu | aldatu iturburu kodea]

1991 urtetik aurrera arazo ekonomikoak izan zituen eta maila nabarmen jeitsi zuen. 2001ean berriz lortu zuen Txapeldunen Ligarako sailkatzea. Ordutik emaitza aipagarri batzuk izan ditu, 2003ko Alemaniako Ligako Kopa eta 2005 eta 2007ko Intertoto Kopak besteak beste.

Lortutako txapelketak[aldatu | aldatu iturburu kodea]

Alemanian: 11[aldatu | aldatu iturburu kodea]

Nazioartean: 4[aldatu | aldatu iturburu kodea]

Kontinente arteko Futbol Kopa[aldatu | aldatu iturburu kodea]

  • Txapelduna (0)
  • Finalista (1): 1983

Europako Kopa[aldatu | aldatu iturburu kodea]

  • Txapelduna (1): 1983
  • Finalista (1): 1980

Europako Superkopa[aldatu | aldatu iturburu kodea]

  • Txapelduna (0)
  • Finalista (1): 1983

Europako Errekopa[aldatu | aldatu iturburu kodea]

  • Txapelduna (1): 1977
  • Finalista (1): 1968

UEFA Kopa[aldatu | aldatu iturburu kodea]

  • Txapelduna (0)
  • Finalista (1): 1982

UEFA Intertoto Kopa[aldatu | aldatu iturburu kodea]

  • Txapelduna (2): 2005, 2007

Euskal taldeen aurkako partidak[aldatu | aldatu iturburu kodea]

Hauek dira Europako txapelketa ofizialetan Hamburgerrek euskal taldeen aurka jokatu dituen partidak:

Denboraldia Txapelketa Fasea Etxekoa Emaitza Kanpokoa
1982-83 Europako Kopa Final erdiak Real Sociedad
Hamburger
1-1
2-1
Hamburger
Real Sociedad
2006-07 Txapeldunen Liga 3. itzulia Hamburger
Osasuna
0-0
1-1*
Osasuna
Hamburger
  • 2006-07ko kanporaketan Hamburgerrek jarraitu zuen aurerra kanpoko golaren balioagatik.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Hamburger SV Aldatu lotura Wikidatan
2014-15eko Alemaniako Bundesliga Flag of Germany.svg
Augsburg | Bayer Leverkusen | Bayern Munich | Borussia Dortmund | Borussia Mönchengladbach | Eintracht Frankfurt | Freiburg | Hamburger | Hannover | Hertha Berlin | Hoffenheim | Köln | Mainz | Paderborn | Schalke | Stuttgart | Werder Bremen | Wolfsburg