Tokara poni

Tokara ponia
Zaldi arraza
Espeziea	Equus ferus caballus
Jatorria	Japonia
Sinonimoak	Kagoshima ponia

Tokara ponia, japonieraz Tokara-uma, トカラ馬, edo Kagoshima ponia, Japoniako bertako zaldi arraza bat da. Bere jatorria Takarajima uhartean dago Kagoshima prefekturan.

Japongo bertako zortzi zaldi arrazetatik gehienak poniak dira: Hokkaidoko ponia, Kiso ponia, Misaki ponia, Miyako ponia, Noma ponia, Taishuh eta Yonaguni ponia.

Zaldi mota hau bere tamaina zein gainontzeko ezaugarriengatik ponien sailkapen taldean sartzen da.

Arrazaren ezaugarriak eta erabilera

• Altuera. 100 eta 120 cm arteko altuera soin gurutzera. Shetland ponien antzeko tamaina beraz.
• Ilaia. Ilaiaren kolorea gaztainkara iluna da gehienbat.
• Beroaren aurrean arraza gogorra da. Zela zaldia bezala eta nekazaritza lanerako erabilia izan da, bereziki uhartean hedaturik dagoen azukre-kanaberaren inguruko lanetan.

Arrazaren historia

Nekazaritzako lanen mekanizazioak ekarri zuen poni arraza honen gainbera, aurkitu baino lehen ere.

Arrazaren honen "aurkikuntza" nahiko berria da. 1952.en urtean Kagoshima unibertsitateko Shigeyuki Hayashida irakasleak poni mota hau aurkitu eta deskribatu zuen Takarajima uhartean, Tokara uhartedian, eta Tokara ponia deitu zuen.

Tokara zaldiak larrean

Arrazaren egoera

Poni arraza honen egoera larria da, oso abelburu gutxi daudelako. Shigeyuki Hayashida irakasleak arraza aurkitu zuenean baziren 43 poni besterik ez. Kopurua apur bat emendatu da azken urtetan eta egun 107 Tokara poni daude, haiteako batzuk Kagoshimako Hirakawako zooan. Kopurua kontutan hartuz, Equus Survival Trust elkartearen kriterioen arabera, arraza arrisku larrian dago, 300 behor baino gutxiago daudelako..

Kanpo estekak

(Ingelesez) Japoniako zaldi arrazak. Artikuloa.

Bideoak

• Datuak: Q904899
• Multimedia: Tokara-Uma / Q904899