1932ko Italiako GiroaItzuli Handi honen 20. edizioa izan zen. 1932komaiatzak 14 eta ekainak 5 artean ospatu zen, 3235 kilometroko ibilbidea eginez 13 etapatan banatuta, garaileak batez beste 30,594 kilometro orduko abiaduran bete zituenak. Lasterketa Milanen hasi eta amaitu zen.
109 txirrindularik hasi zuten proba eta 66k amaitu zuten.
Antonio Pesenti izan zen garailea, 7. etapan egin zuen ihesaldi baten ondoren maillot arrosa bereganatuz eta hurrengo sei etapetan mantendu ondoren. Jef Demuysere bigarren izan zen, ordura arte, txirrindulari ez italiar batek lortutako emaitzarik hoberena izan zelarik. Remo Bertoni izan zen podiuma osatu zuen hirugarrena.
Giro honetan gainditu zen lehen aldiz batez besteko 30 kilometro orduko abiadura. Era berean, Hermann Buse izan zen etapa bat irabazi eta maillot arrosa jantzi zuen lehen alemaniarra.