Barakaldoko geltokia (Bilboko metroa)

Barakaldo
	Geltokiak Bide Onera plazaren inguruan hiru sarbide ditu.
	Kokapen mapa
Lineak
Kokapena
Helbidea	Askatasuna etorbidea, 1; 48902
Udalerria	Barakaldo, Bizkaia
Geltokiaren datuak
Kodea	BAR
Gunea	2. gunea
Irekiera	2002ko apirilaren 13a
Bidaiariak	3.514.159 (2017)
Irisgarria
Zerbitzuak
Aldageltokia
Nasak	2
Trenbideak	2
Jabea	Euskal Trenbide Sarea ; Bizkaiko Garraio Partzuergoa
Eragilea	Metro Bilbao
Garraio zerbitzuak
Metroa	L2Basauri - Kabiezes
Bizkaibus	A3136 Bilbo - Barakaldo - Santurtzi ; A3144 Bilbo - Gurutzeta - Barakaldo (Ugartetik)
Kbus	2 Errekatxo - Lasesarre
Bestelakoak	Taxi

43°17′43″N 2°59′19″W / 43.295168°N 2.988504°W

Barakaldo Bilboko metroaren 2. lineari dagokion lurrazpiko geltokia da, Barakaldoko erdigunean kokatuta dagoena, Askatasuna etorbidean hain zuzen. 2002ko apirilaren 13an inauguratu zen, eta Bizkaiko Garraio Partzuergoaren 2. tarifa-gunean dago.

Sarbideak

Geltokiak eskailera mekaniko bidezko hiru sarbide eta igogailu bidezko sarbide bat ditu, horietariko bi sarbide eta igogailua Bide Onera plazaren inguruan.

Foruen pasealekua, 18 (Fueros irteera)
Euskadi etorbidea, 1 (Justizia jauregia) (Avda. Euskadi irteera)
Elkano kalea, 21 (Elkano irteera)
Askatasun etorbidea, 2 (Fueros irteera)

Gaueko sarbideak

Foruen pasealekua, 18 (Fueros irteera)
Askatasun etorbidea, 2 (Fueros irteera)

Geltokia

Norman Fosterrek diseinatutako haitzulo motatakoa da. Bolumen handi bakar batean zulatzen den ganga itxurako galeria da, 100 metro inguru luzerakoa, eta hari zintzilikatuta bi mezzanina izeneko plataforma banatzaile daude. Mezzanina bakoitza alboko bi nasekin elkarlotzen da eskailera monumentalen eta igogailuen bidez, eta kaleko sarbideen igogailu eta eskailerekin korridore zabalen bidez. Mantenu elementuak, hala nola aireztapena, kableak, ur-hodiak eta abar nasen azpian kokatzen dira.

Geltoki hauetako arkitekturan hiru material nagusi erabili dira: hormigoia, altzairu herdoilgaitza eta beira. Azalak hormigoi ikusizkoak dira, 240 x 120 zentimetroko modulo plaka aurrefabrikatuak erabilita eta hormigoi bonbeatuzko estalduraren enkofratu galduak direnak. Mezzanina elementuen egitura altzairu herdoilgaitzezkoa da, haitzulo pisutsuaren irudia arinduz. Sarbide korridoreak hormigoizko kanoi eliptikoak dira, espazio zabalak lortuz. Kalean, Fueros eta Elkano sarbideen kanoiak altzairu eta beirazko elementu bilakatzen dira, fosterito izenpetutako bidaiaria jasotzeko sarrera gardenak, alegia.^[2] Aldiz, Avda. Euskadi sarbidearen kanoia agerian utzi eta ez da fosterito motatako sarrerarik erabili, sarbidea maldan dagoelako.

Geltokia igogailu, txarteldegi, balioztatze makina eta 2017tik desfibrilagailuz ere hornituta dago, eta doako Wi-Fi zerbitzua eskaintzen da, WifiNova enpresaren [TUWI] Metro sarearen bitartez.^[3]^[4]