Belkoain

Wikipedia, Entziklopedia askea
Jump to navigation Jump to search
Belkoain
Belkoain 0001 05.JPG
Datu orokorrak
Garaiera 491 m
Geografia
Koordenatuak 43° 13′ 24″ N, 2° 02′ 45″ W / 43.22333333°N,2.04583333°W / 43.22333333; -2.04583333Koordenatuak: 43° 13′ 24″ N, 2° 02′ 45″ W / 43.22333333°N,2.04583333°W / 43.22333333; -2.04583333
Herria Euskal Herria
Mendikatea Andatzako mendilerroa
Lurraldea Gipuzkoa
Mendizaletasuna
Ohiko bidea Adunatik, Andoaindik

Belkoain Andoaingo udalerrian dagoen mendia da, Oria bailararen mendebaldean. Bi gailurreko mendia da, ekialde-mendebalde ardatz batean biak. Ekialdekoa zertxobait altuagoa da (492 m) eta mendebaldekoan (488 m) gurutze bat dago. Espainiako Gerra Zibilean lubaki-andana zabala eraiki ziren tropa nazionalen erasoak gelditzeko, Saseta defentsa-lerroaren baitan. Haiekin izandako gudetan ehundik gora hildako izan ziren errepublikazale eta euskal gudarien artean.

Belkoain trikuharria[aldatu | aldatu iturburu kodea]

Sakontzeko, irakurri: «Belkoain trikuharria»

Belkoain trikuharria izen bereko mendiaren bi gailurren artean dago. Neolito-Brontzea sekuentzia kulturalari dagokio. Tumuluak 11 metroko diametroa du eta 1,60 metro (iparraldean) eta 1 metro (hegoaldean) arteko altuera. Erabat nahastua eta itxuragabetua dago. Ganbera suntsituta dago. [1]

Belkoaingo gurutzea[aldatu | aldatu iturburu kodea]

Belkoaingo gurutzea 2015ean

Belkoaingo gurutzeak 8 metroko altuera du[2] eta Belkoain mendiaren mendebaldeko tontorrean kokatuta dago.[3] Espainiako Gerra Zibilaren ondoren Adunako Falange Española Tradicionalista y de las Jonsek “Jainkoaren eta Aberriaren alde hildakoen memorian” hormigoizko gurutzea eraikitzeko ideia izan zuen.[3] Udalak baimendu ondoren, 1939. urtean hasi ziren lanak.[3] 1939ko irailaren 24an inauguratu zuten.[2] 1939ko abenduaren 31n eman zuten obraren kostuaren eta diru-sarreren jatorriaren berri. Kostuak diru-sarrerak baino handiagoak izan ziren. Adunako eta Andoaingo Karrika eta Sorabilla auzoetako biztanleek eskudirutan ekarpenak egin behar izan zituzten gastua estaltzeko.[3]

1999an Adunako zenbait herritarrek ikurrina bat jarri zuten gurutzean.[4] 2005 herritar horiek salatu zutenez ikurrina zulatuta aurkitu zuten eta Viva España zioen pintada bat zegoen mojoi batean.[4]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Belkoain Aldatu lotura Wikidatan
  1.   «Belkoain» Munibe (Antropologia - Arkeologia) (Donostia) 7. eranskina ISSN 0027-3414 . Noiz kontsultatua: 2018-04-07 .
  2. a b   Gerra zibila eta diktadura goraipatzen duten Euskadiko ikur eta monumentu publikoen katalagoa (sic), . Noiz kontsultatua: 2018-06-21 .
  3. a b c d   Karlos, Almorza, (2016) Saseta Defentsa-Sistema :Armatutako erresistentzia antifaxista Adunan, Asteasun eta Zizurkilen =El Sistema de Defensa Saseta : La resistencia armada antifascista en Aduna, Asteasu y Zizurkil Aranzadi Zientzia Elkartea ISBN 9788494425189 PMC 971696495 .
  4. a b   «Belkoaineko ikurriña zulatuta» Tolosaldeko eta Leitzaldeko Hitza 2005-01-15 . Noiz kontsultatua: 2018-06-21 .