Genovarraren koba

Wikipedia, Entziklopedia askea
Genovarraren koba
Grotta de Levanzo.jpg
Genovarraren koba
EskualdeaFavignana Trapani probintzia Levanzo uhartea Sizilia
Koordenatuak38°00′N 12°19′E / 38°N 12.32°E / 38; 12.3238°00′N 12°19′E / 38°N 12.32°E / 38; 12.32
Historia
Garaia(k)K.a. X. milurtekoa
Oharrak
Indusketa datak1949

Genovarraren koba Egadiar uharteetako (Sizilia) Levanzo uhartean dago, herriko ipar-mendebaldean. Kobazuloa 1949an aurkitu zuten.

Historia[aldatu | aldatu iturburu kodea]

Kobazuloak, uhartea osatzen duten kareharrizko harkaitzetan kokaturik, Siziliako historiaurrearen dokumentazio oso garrantzitsua gordetzen du, bereziki Goi Paleolitokoa, Kuaternarioaren animalien irudiak ematen baititu, hala nola Cervus elaphus, Bos primigenius eta Equus hydruntinus. Gizakia irudikatuta dago ere, txori buruko maskarak jantziz, Addaura leizearen antzeko ukituak dituztenak.

Grafito horiez gain, badira geroko irudi pintatuak ere; horiek beltzez eta gorriz koloreztatuta daude, gizonezko eta emakumezko giza irudiak dira, ugaztun eta arrainekin batera. Azken hauen artean atuna irudikatu zen, Egadiar uharteetako bizitzan eta kulturan gaur egun arte agerian dagoena. Kobazuloa oraindik bisitatu daiteke tarifa baten truke.

Marrazkiak[aldatu | aldatu iturburu kodea]

Irudi nagusia gizaki batena da, nahiz eta bazkatzen ari diren beste animaliak marraztuta egon. Gizakia jantzita dago jositako eta litsak dituen jaka batekin. Buruan, ziri formako ukitu luze bat dauka. Besoetan eskumuturrekoak nabarmenak dira, eta bistan da irudia geldirik dagoela. Bere ondoan, beste bi irudi daude: batak burua edo txori maskara du, eta beharbada dantza posizioan dago. Bestea, berriz, mugitzen ari da, erdikoaren antzeko ukitua duelarik. Ez da argi geratzen dantza errituala edo ehizan hasi aurretik egindako otoitza zen.

Koba hau, gizakia, K.a 10.000 eta 6,000 urte artean bizi izan zen.

Uharteko beste kobazulo batzuek, dei Porci, Cala Tramontana eta Punta Capperi izenekoek, material ugari eman dute, Goi Paleolitokoak direnak.

Data[aldatu | aldatu iturburu kodea]

Analisi estratigrafikoaren bidez, Siziliako historiaurrearen Karbono-14 bidezko datazio bakanetako bat egin ahal izan zen, K. a. 9230ean adierazi zuena (Epigravettiar eboluzionatua). Sekuentzia estratigrafikoan tamaina nabarmeneko kareharrizko zati bat aurkitu da, grabatutako bobido batekin, hormen irudikapenen estilo oso antzekoa duena. Horri esker datazio absolutu hau lortu da[1].

Bibliografia[aldatu | aldatu iturburu kodea]

  • SPOTO, Salvatore (2002): Sicilia Antica, Roma, Newton e Compton argitaratzaileak, ISBN 88-8289-750-8.

Erreferentziak[aldatu | aldatu iturburu kodea]

  1. TUSA Sebastiano (1983): La Sicilia nella preistoria, Sellerio, Palermo, 1999, 106 or.

Kanpo estekak[aldatu | aldatu iturburu kodea]