Gibil Gabib

Wikipedia, Entziklopedia askea
Gibil Gabib
Planimetria di Gibil Gabib.jpg
Gibil Gabibeko planimetria
LekuaCaltanissetta
EskualdeaCaltanissettako probintzia
 Sizilia
Koordenatuak37°27′11″N 14°04′38″E / 37.45306°N 14.07722°E / 37.45306; 14.0772237°27′11″N 14°04′38″E / 37.45306°N 14.07722°E / 37.45306; 14.07722
Historia
Eraikitzailea(k)Casteluccioko kultura, sikuloa eta helenistikoa
SorreraBrontze Aroa (K.a. VII.VI. mendeetan
Oharrak
Indusketa datakXIX. mendearen erdialdean eta XX. mendeko 50 eta 80 hamarkadetan
Arkeologoa(k)Dinu Adameşteanu

Gibil Gabib edo (Habib Gibil) (Arabierazko ǧabal Ḥabīb, Habiben mendia, antroponimoa)[1] Caltanissettatik 5 kilometro hegoaldera dagoen gune arkeologiko bat da, 615 metroko garaiera duen muino batean.

Lekua[aldatu | aldatu iturburu kodea]

Eremu horretako indusketak XIX. mendearen erdialdean hasi ziren, eta joan den mendeko 50eko hamarkadan indar handiagoz Dinu Adameșteanuk berriro jarraitu zituen. Azkena, 1984koa da. XX. mendearen erdialdean, K.a. VI. mendeko zenbait gela aurkitu ziren. K.a. 80ko hamarkadan, berriz, K.a. VI. mendearen erdialdeko defentsa-dorre bat aurkitu zen, harresiaren zati batzuk eta zeramikazko hainbat objektu, Castelluccioko Brontze Berantiarrarenak. Aurkikuntza hau garrantzi handikoa zen, ia hogeita hamar urte lehenago aurkitutako hiriko harresien dudak argitzea ahalbidetu baitzituelako.

Indusketetan ontziak, eguneroko objektuak, platerak eta lanparak aurkitu zituzten. Buztinezko emakume jainkotiar baten estatua bat ere estalgabetu zen, baita buztinezko eskaintzaile baten buru bat ere, hirian gurtzarako zenbait espazio bazeudela adierazten dutenak.

Muinoaren oinean bi nekropoli zeuden, irudi gorrien zeramika siziliotarekin.

Gunearen ezaugarri nagusiak honako hauek dira:

  • Historiaurretik datozen finkapenen aztarnak.
  • K.a. VII. mendean datatutako kokaleku indigenen arrastoak. Ondoren, biztanlegune hauek, eragin helenikoaren eraginpean egon ziren, eta, beranduago (K.a. VI. mendea), gotorleku bat eraiki zen, barnean, VI. mendearen hasierako eraikin sakratu bat zuena.
  • Bi nekropoli muinoaren oinean daude, eta bertatik datoz sizilota artearen zeramika batzuk.
  • Kokalekuaren eguneroko objektuak, eta jainko femeninoaren estatua bat, jainko baten gurtza nabarmentzen duena. Toki honetako aurkikuntzak Caltanissettako Arkeologia Museoan daude.

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

  1. DOS, I, s.v. Gibil-Gàbel, 722 or.

Bibliografia[aldatu | aldatu iturburu kodea]

  • BRANCATO, N. G.: Recenti rinvenimenti di insediamenti umani dal IV millennio a. C. all'epoca romana nel centro-Sicilia, 32–41 or.
  • CARAUSI, Girolamo: Dizionario onomastico della Sicilia, in Lessici siciliani, 7. liburukia. I (A-L), Palermo, Centro di studi filologici e linguistici siciliani, 1993.