Mercedes Kareaga

Wikipedia, Entziklopedia askea
Jump to navigation Jump to search
Mercedes Kareaga
Batzoki de Eibar, de Indalecio Ojanguren, GipuzkoaKultura - Guregipuzkoa (detalle de Mercedes Careaga).jpg
Eibarko batzokian Indalecio Ojangurenek 1933an eginiko argazkia.
Bizitza
Jaiotza Eibar1908ko abenduaren  15a
Herrialdea  Gipuzkoa, Euskal Herria
Heriotza 1997ko otsailaren  26a (88 urte)
Jarduerak
Jarduerak ekintzailea
Kidetza Emakume Abertzale Batza

Mercedes Kareaga Gisasola (Eibar, 1908ko abenduaren 15a - 1997ko otsailaren 26a) gizarte ekintzailea izan zen.

Mercedes Kareaga emakume aurreratua eta kementsua zen: berdintasunaren alde eta pertsona behartsuak gizartean integratzera dedikatu zuen bere bizitza. Egin zituen lan ezberdinen artean, hiru nabaritu daitezke: 1951n  Goi Argi Sociedad Femenina Eibarresa, sortu zuen Espainian emakumeentzat sortutako lehen elkartea; 1964 Patronato eibarrés de beneficencia infantil y obras sociales eta 1973an ezgaitasun mentala zuten pertsonei lana emateko Cayetano Careaga tailer babestua.

Biografia[aldatu | aldatu iturburu kodea]

Mercedes Kareaga Eibarren jaio zen Gipuzkoan, 1908ko abenduaren 15ean. Emilia Gisasola (Organistaneko Emilia) zen bere ama eta Cayetano Kareaga aita, grabatzaile ospetsua. Hamalau urterekin Providentziako Mojen Aldatzeko ikastetxean -Madre Loyola zeritzon mojak zuzenduta- Magisteritza ikasketak hasi baina bukatu gabe utzi zituenak. 16 urteekin katekista egin zen, 1936 urtera arte: hezitzaile eta gizarte ekintzaile bezala.[1]

EAJ-PNV ren Eibarko batzarra sortzen parte hartu zuen eta Emakume Abertzale Batzako militantea izan zen, hizlari gisan arituz (Deba, Eibar, Gasteiz, Leitza...) . Orduko prentsan kazetaritza artikuluak idatzi zituen Karegatar Eskarne izengoitia erabiliz, besteak beste Argia, Euzkadi eta El Día kazetetan. [2].1933an politika utzi zuen.

1936an, Espainiako Gerra Zibilaren ondorioz, Eibar utzi behar izan zuen bere familiarekin Bilbon, lehendabizi, eta Asturiasen ondoren babesa bilatuz. Militar matxinatuak iristerakoan, Mercedes  itsasontzi batean Frantziara ihes egiten saiatu zen; baina Almirante Cervera gurutzaontziak bidea itxi zien eta Eibarrera itzuli behar izan zuen. Bere herrian eskolak garbitzera zigortu zuten.

Bibliografia[aldatu | aldatu iturburu kodea]

  • Begoña Bilbao, Gurutze Ezkurdia, Karmele Perez Urraza, Josu Chueca: "EMAKUMEAK Hitza eta Bizitza". Euskal Herriko Unibertsitatea, 2012 , 238.or.

Erreferentziak[aldatu | aldatu iturburu kodea]

  1. (Gaztelaniaz) ANDRETXEA . Noiz kontsultatua: 2017-10-06.
  2. AZPIRI, Begoña.-Mercedes Careaga Guisasola (1908-1997). Euskophil 2008: VII Campeonato Filatélico De Euskalherria = Euskal Herriko VII. Filatelia Txapelketa. argitalpenean jasoa. orr. 5-18