Norman Mailer

Wikipedia, Entziklopedia askea
Hona jauzi: nabigazioa, Bilatu
Norman Mailer
Normanmailer.jpg
Bizitza
Izen osoa Norman Kingsley Mailer
Jaiotza Long Branch (New Jersey)1923ko urtarrilaren 31
Herrialdea  Ameriketako Estatu Batuak
Bizilekua New Jersey
Provincetown
Long Branch (New Jersey)
Brooklyn
Talde etnikoa judua
Heriotza New York2007ko azaroaren 10a (84 urte)
Heriotza modua berezko heriotza (giltzurruneko gutxiegitasuna)
Familia
Ezkontidea(k) Adele Morales  (1954ko apirilak 19 -  1962)
Jeanne Campbell  (1962ko maiatzak 4 -  1963ko abenduak 16)
Norris Church Mailer  (1980ko azaroak 11 -  2007ko azaroak 10)
Seme-alabak
Hezkuntza
Heziketa Parisko Unibertsitatea
Harvard Unibertsitatea
(1939 - 1943) : Ingeniaritza aeronautiko
Hizkuntzak ingelesa
Lanbidea
Lanbidea kazetaria, aktorea, zinema zuzendaria, gidoilaria, eleberrigilea, saiakeragilea, idazlea, antzerkigilea, poeta, zinema ekoizlea, film-muntatzailea, historialaria eta biografoa
Jasotako sariak
Nominazioak
Influentziak George Eliot, James T. Farrell, Henry James, Amy Winehouse, Henry Miller, William Burroughs, John Dos Passos, Thomas Mann, Ernest Hemingway, William Faulkner, Pablo Picasso, Wilhelm Reich, Lev Tolstoi, Marcel Proust eta Fedor Dostoievski
Kidetza Ameriketako Estatu Batuetako Arte eta Letren Akademia
Arteen eta Zientzien Ameriketako Estatu Batuetako Akademia
Genero artistikoa eleberria
Zerbitzu militarra
Adar militarra Ameriketako Estatu Batuetako Armada
Gatazka Bigarren Mundu Gerra
Sinesmenak
Erlijioa judaismoa
IMDb nm0537551

Norman Mailer (Long Branch, New Jersey, Ameriketako Estatu Batuak, 1923ko urtarrilaren 31 - New York, Ameriketako Estatu Batuak, 2007ko azaroaren 10a) ingelesezko idazlea izan zen. Bigarren Mundu Gerran parte hartu zuen, eta hango bizikizunetan oinarri hartuta idatzi zuen bere lehen eleberria, J. Dos Passosen teknikaren ildotik: The Naked and the Dead (1948, Biluziak eta hilak). New Yorkeko alkatetzarako hautagai aurkeztu zen, eta Estatu Batuetako gizartean gertatu ziren gatazketan parte hartu zuen, MacCarthyren eta Vietnamgo Gerraren kontra, bereziki.

Bigarren Mundu Gerraren ondoren, Estatu Batuetan agertu zen mugimendu errealistak izan zuen idazle garrantzizkoena izan zen, eta bere garaiko gizartearen deskribatzaile zehatza eta artatsua izan zen. Mailerrenak dira, besteak beste: The White Negro (1957, Beltz zuria), saioa; Barbary Shore (1951, Barberiako itsasertza); An American Dream (1965, Amets amerikarra); Why are We in Vietnam? (1967, Zergatik gaude Vietnamen?).

1968an, The Armies of the Night (Gaueko gudarosteak) eleberria argitaratu zuen; obra horrekin hasi zen gertakizun errealen kronika egiten, kazetaritzatik oso hurbil. Joera horren eredu garbia da The Executioner´s Song (1979, Borreroaren kantua) eleberria. 90eko hamarraldian lanean jarraitu zuen. Hala, 1991n, Harlot's Ghost (Harloteko fantasma) argitaratu zuen, CIAri buruzko eleberria. 1996an Oswald idatzi zuen, 800 orrialdeko liburua; Kennedy lehendakariaren hiltzaileari buruzko biografia da. Mailerren azken eleberria The Gospel According to the Son (1997, Ebanjelioa Semearen arabera) lana izan zen. Mailerrek bere lan gehienetan gizartearen aurrean sentitzen zuen samintasuna erakusten zuen, eta bere filosofia liberala adierazten zuen. Gidoiak ere idatzi zituen, eta zenbait filmetan zuzendari- eta antzezle-lana ere egin zuen. Pulitzer saria irabazi zuen bere saiakera lanengatik.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Norman Mailer Aldatu lotura Wikidatan