Edukira joan

Portugaleteko geltokia

Koordenatuak: 43°19′05″N 3°01′17″W / 43.318016°N 3.021334°W / 43.318016; -3.021334
Wikipedia, Entziklopedia askea
43°19′05″N 3°01′17″W / 43.318016°N 3.021334°W / 43.318016; -3.021334
Portugalete
Carlos VII sarbidea.
Map
Kokapen mapa
Lineak
« Peñota  Bilboko metroaren 2. linea  Abatxolo »
Kokapena
HelbideaSan Roke plaza, z/g; 48920
UdalerriaPortugalete,  Bizkaia
Geltokiaren datuak
KodeaPOR
Gunea2. gunea
Irekiera2007ko urtarrilaren 20a
Bidaiariak2.049.446 (2016)[1]
IrisgarriaGeltoki irisgarria 
ZerbitzuakAparkalekua   Pertsonaldun txarteldegia  
AldageltokiaMetroa Autobusa Taxi 
Nasak2
Trenbideak2
JabeaEuskal Trenbide Sarea
Bizkaiko Garraio Partzuergoa
EragileaMetro Bilbao
Garraio zerbitzuak
MetroaL2Basauri - Kabiezes
BizkaibusA2315  Santurtzi - Portugalete - EHU
A3129  Lutxana - Gurutzeta - Santurtzi
A3135  Sestao - Kabiezes
A3321  Portugalete - Ondarra - Muskiz
A3332  Trapagaran - Santurtzi
A3333  Gallarta - Santurtzi
A3335  Muskiz - Sestao
BestelakoakTaxi  Taxi

Portugalete Bilboko metroaren 2. lineari dagokion lurpeko geltokia da, Portugaleteko erdigunean kokatuta dagoena, San Roke plazapean, alegia. Abatxoloko geltokiarekin batera ireki zen, 2007ko urtarrilaren 20an, eta Bizkaiko Garraio Partzuergoaren 2. tarifa-gunean dago.

Geltokiak bi eskailera mekanikodun sarbide, eta igogailu bidezko sarbide bat ditu.

  • Eskailera mekaniko bidezko sarbidea Aparkalekua Autobusa Taxi Karlos VII.a kalea, 19 (Carlos VII irteera)
  • Eskailera mekaniko bidezko sarbidea Zubeldia Eskolamaisuaren kalea, 22 (Maestro Zubeldia irteera)
  • Igogailu bidezko sarbidea Aparkalekua Autobusa Taxi Sarbide irisgarria Ferdinand Arnodin kalea (Carlos VII irteera)

Gaueko sarbideak

[aldatu | aldatu iturburu kodea]
  • Eskailera mekaniko bidezko sarbidea Aparkalekua Autobusa Taxi Karlos VII.a kalea, 19 (Carlos VII irteera)
  • Igogailu bidezko sarbidea Aparkalekua Autobusa Taxi Sarbide irisgarria Ferdinand Arnodin kalea (Carlos VII irteera)

Norman Fosterrek diseinatutako haitzulo motatakoa da. Bolumen handi bakar batean zulatzen den ganga itxurako galeria da, 100 metro inguru luzerakoa, eta hari zintzilikatuta bi mezzanina izeneko plataforma banatzaile daude. Mezzanina bakoitza alboko bi nasekin elkarlotzen da eskailera monumentalen eta igogailuen bidez, eta kaleko sarbideen igogailu eta eskailerekin korridore zabalen bidez. Mantenu elementuak, hala nola aireztapena, kableak, ur-hodiak eta abar nasen azpian kokatzen dira.

Geltoki hauetako arkitekturan hiru material nagusi erabili dira: hormigoia, altzairu herdoilgaitza eta beira. Azalak hormigoi ikusizkoak dira, 240 x 120 zentimetroko modulo plaka aurrefabrikatuak erabilita eta hormigoi bonbeatuzko estalduraren enkofratu galduak direnak. Mezzanina elementuen egitura altzairu herdoilgaitzezkoa da, haitzulo pisutsuaren irudia arinduz. Sarbide korridoreak hormigoizko kanoi eliptikoak dira, espazio zabalak lortuz. Kalean, Carlos VII sarbidearen kanoia altzairu eta beirazko elementu bilakatzen da, fosterito izenpetutako bidaiaria jasotzeko sarrera gardena, alegia.[2] Aldiz, Maestro Zubeldia sarbidearen kanoia agerian utzi eta ez da fosterito motatako sarrerarik erabili, sarbidea maldan dagoelako.

Geltokia igogailu, txarteldegi, balioztatze makina eta 2017tik desfibrilagailuz ere hornituta dago.[3] Gainera, 2018ko abuztuaren 17tik doako Wi-Fi zerbitzua eskaintzen da, WifiNova enpresaren [TUWI] Metro sarearen bitartez.[4] Kanpoaldean ordainpeko aparkalekua dago.

Geltokiaren kanpoaldean Bizkaibus zerbitzua hornitzen duten bi autobus geraleku daude. Hurrengo lineak geralekuetatik pasatzen dira:


Erreferentziak

[aldatu | aldatu iturburu kodea]
  1. Bizkaiko Garraio Partzuergoa. «2016ko Bizkaiko Garraio Publikoari buruzko txostena» (Noiz kontsultatua: 2017-08-04).
  2. «Bisitatzeko geltokiak | Metro Bilbao» www.metrobilbao.eus (Noiz kontsultatua: 2018-08-30).
  3. (Gaztelaniaz) «Metro Bilbao cuenta con desfibriladores en las 41 estaciones de la red. Deia, Noticias de Bizkaia» Deia (Noiz kontsultatua: 2018-06-18).
  4. (Gaztelaniaz) Europa Press. «COMUNICADO: Wifinova ofrece Wifi gratuito en 16 estaciones del metro para las Fiestas de Bilbao» (Noiz kontsultatua: 2018-08-30).

Ikus, gainera

[aldatu | aldatu iturburu kodea]

Kanpo estekak

[aldatu | aldatu iturburu kodea]