Uso edo urzo da Columbidae familia osatzen duten 308 hegazti espeziei dagozkien izen generikoa. Dodo ezagunaren ahaide dira. Usoaren hotsa urruma da. Historian zehar aberetua izan da, haragitarako eta mezulari gisa erabiltzeko, azken hau usategira itzultzeko duten senaz baliaturik.
Gainera, usoak oso erabilera sinbolikoa izan du urte askoan. Bakearen sinbolo den uso zuria adibidez. Eta gure herrian ezaguna den askatasunaren sinbolo. Kasuko abestia dugu Txoria Txori kanta, Mikel Laboarena.
Usoak arazo ugari sortzen ditu hiri eta herri askotan. Animalia oso ongi egokitu da herriguneetan bizitzen eta harrizko eraikinetako paretak hondatuaz aparte, gaixotasunak eta zikinkeria ugari dakartza berarekin.
