Altzibiades
Altzibiades Klinias Eskanbonides, grezieraz Ἀλκιβιάδης Κλεινίου Σκαμβωνίδης, Alkibiádēs Kleiníou Skambōnidēs (Atenas, K.a. 450 inguruan - Frigia, K.a. 404) Antzinako Greziako jeneral eta politikaria izan zen.
[aldatu] Biografia
Periklesek, hasieran, eta, gero, Sokratesek hezi zuten; argia bezain handinahia zen, eta hein berean miretsi eta gorrotatu egiten zuten hirikideek. Bere jokaera demagogikoari esker alderdi demokratako buru bihurturik, izugarrizko porrota ekarri zien Siziliako konkistara eraman zituen atenastarrei.
Sakrilegioa egin zuela leporatu ziotenean, Atenas utzi eta Samos uhartetik aristokraziaren aldeko estatu-kolpea prestatu zuen (Laurehunen Kontseilua, K.a. 411). Armadako buruzagi, atenastarren nagusigoa bermatu zuen Egeo Itsaso osoan. K.a. 407. urtean Atenas garaile izan bazen ere, berriz ere erbestera jo behar izan zuen eta Frigian hil zuten K.a. 404an.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
