Bilboko Renfe Aldiriak

Bilboko Renfe Aldiriak


Datu orokorrak
Garraio mota	Trena
Zerbitzatutako eskualdeak	Bilboaldea
Linea kopurua	3
Geltoki kopurua	44
Bidaiariak urteko	13.142.000 (2011)^[1]
Jabea	Espainiako Sustapen Ministerioa
Egoitza	Plaza Biribila, 2 - 2. Solairua; 48008 Bilbo
Web gunea	Renfe Aldiriak Bilbo
Ustiapena
Eragilea(k)	Renfe Operadora
Maiztasuna	20' 30'
Datu teknikoak
Galiboa	Iberiar zabalera
Abiadura maximoa	100km/h (Renfe 446)

Bilboko Renfe Aldirien sarea Renfe Operadora trenbide ustiatzaileak Bizkaian duen aldiriko trenen sarea da. Sareak Bilboaldea lotzen du, Bilbo eta Santurtzi, Muskiz eta Urduña udalerrien arteko ibilbide ezberdinetan.

C-1 Lineak Bilbo eta Ezkerraldea lotzen ditu, eta Bilbotik Portugalete eta Trianorako Burdinbidearen (BPT) parte izan zen. Bilbao-Abando eta Barakaldoko geltokiaren arteko ibilbidea C-2 Linearekin amankomunean egiten du. Hiru lineatan bidaiari gehien garraiatzen dituena da, eta Bilboko portura sarbidea duenez, aldirikoen trenez gain zama-garraio trenak ere ibiltzen dira trenbidean.

C-2 Lineak Bilbo eta Meatzaldea batzen ditu, eta BPT Burdinbidearen parte ere izan zen. Trenbide hau aintzinean zeuden burdin meategietan ustiatutakoa garraiatzeko eraiki zen. Trenbidea Bilboko portuarekin lotzeko egitasmoa burutu eta lanak egiteari ekin ondoren, bertan behera utzi da zama-garraioa linea honetatik eramateko proiektua, izan ere Barakaldoko geltokitik Muskizkorako zatian trenbide bakarra dago. Bestalde, trenbidea Muskiztik Castro Urdiales Kantabriako udalerrira luzatzeko egitasmoak daude.

C-3 Lineak Bilbo eta Urduña lotzen ditu, eta Bilbotik Tuterarako Burdinbidearen parte zen. Aldirikoen trenez gain, Bilbora heltzen diren iberiar zabalera duten distantzia erdiko eta luzeko tren guztiak ere ibiltzen dira trenbidean, eta baita Renfe Operadoraren zama-garraio trenak ere.

Eduki-taula

1 Trenbideak
2 Material mugikorra
3 Trenbide sarearen bilakaera
- 3.1 Lotuneak
4 Erreferentziak
5 Ikus, gainera
6 Kanpo loturak

Trenbideak [aldatu]

Renfe Aldiriak Bizkaian ADIFn esku dauden trenbideak ustiatzen ditu, bide osoa elektrifikatua dagoela.

Renfeko Aldirien sareak hiru linea ditu, C-1, C-2 eta C-3 lineak hain zuzen ere, hiruren helmuga Abandoko Indalecio Prieto geltokia delarik.

C-1 eta C-2 trenbideak zentzu berean doaz Abandoko eta Desertu-Barakaldo geltokien artean. Hortik aurrera, C-1 Linea Ezkerraldetik Santurtziko geltokira doa, eta C-2 Linea Meatzaldetik Muskizko geltokira jotzen du. Bestalde, C-3 Linea Bizkaiko barrualderantz abiatu eta Arabatik pasata Urduñako geltokira heltzen da.

Geltoki buruak	Egoera	Luzera	Geltokiak
Bilbao-Abando - Santurtzi	Martxan	13 km	14
Bilbao-Abando - Muskiz	Martxan	21 km	18
Bilbao-Abando - Orduña	Martxan	XX km	22

Material mugikorra [aldatu]

Erabiltzen den material mugikorra Renferen 446 Seriea da. Tren bakoitzak hiru kotxe ditu. 100 km/orduko abiadura maximoa lor dezakete. Bizkaian 1990eko hamarkadaren hasieran jarri zuten martxan, Bilbao-Santurtzi-Muskiz trenbideetan tentsioa 1500 W cc-tik 3000 W cc-ra aldatu zutenean.

C-1 eta C-2 Lineatan, gainontzeko Renfe Aldirien sarean ez bezala, nasak trenaren zoruko altuera berean daude. Hala, trenbide hauetan mugitzen diren trenak aldaketa bat izaten dute, trenetara sartzeko eskailerak ez aktibatzeko.