Dingle

An Daingean Dingle
Dingle herriko portua.

Estatua	Irlandako Errepublika
Lurralde Historikoa Konderria	Munster Kerryko konderria
Herritarra	Dingledar
Koordenatuak	52°08′24″N 10°16′18″W / 52.14°N 10.27167°W / 52.14; -10.27167Koordenatuak: 52°08′24″N 10°16′18″W / 52.14°N 10.27167°W / 52.14; -10.27167
Dingle
Eremua	37,3 km²
Garaiera	0 m
Posta kodea	`K`
Biztanleria	1.920 bizt. (2006)
Dentsitatea	51,47 bizt./km²
http://www.dingle-peninsula.ie

Dingle (irlanderaz An Daingean edo Daingean Uí Chúis, azken honen esanahia euskaraz O'Cuisen Gotorlekua da) Irlandako hego-mendebaldean dagoen Kerryko konderrian kokatzen udalerria da, izenbereko Dingle penintsulan dago eta honen hiriburua edo udalerri nagusiena da. Dingle herria Kerryko Gaeltacht eremuaren bihotz-bihotzean dago, honenbestez, irlandera edo gaelerar hiztunen lur eremuan.

Udalerri honetako jarduera ekonomiko garrantzitsuenak turismoa, arrantza eta inguruko baserrietako nekazaritza dira. 2006ko erroldaren arabera Dingle udalerriak 1.920 biztanle zituen^[1].

[aldatu] Leku interesgarriak

Dingle herriko pub bat.

Dingle udalerriko St. Mary eliza J. J. McCarthy eta O'Connell arkitektoek neogotiko eran eraiki zuten. Bere eraikitze hastapeneko harria 1862. urtekoa da.

Udalerri honetan irlandar musika herrikoia entzuteko aukera ugari eta bikainak daude, bereziki udako turismo garaian. Dingle udalerriak hainbat pub edo taberna ditu, bai eta jatetxea eta kafetegiak ere. Dingle Oceanworld izeneko Aquarium bat ere badago. Udalerriko arte eszena edo giroa ere handituz doa, mota askotako artisauak daudelarik: Brian de Staic bitxigileak bere egoitza bertan du, bai eta Louis Mulcahy buztingile eta Sean Daly kristalari maisuak ere.

[aldatu] Fungi, Dingle udalerriko izurdea

1984tik aurrera Dingle udalerriko badia inguruan izurde bat agertu ohi da. Bertakoek Fungi izena eman eta bisitarien ikuskizun gogokoenetakoa bilakatu da^[2]. Izurdea portutik ateratzen diren antolatutako biretako itsasontzien aurrean ageri ohi da. Normalki bere motako izurdeak bakarrik edo multzo txikietan igeri egin ohi dute, halere bere motako izurdeek ez bezala Fungik gizakiekin hartu-emana izatea gustokoa duela dirudi^[3]. Batzuek dioetenez Fungi izurdea 1970. hamarkada erdialdera jaioko zen eta bere 25 urtetako adinerako bizi esperientzia normala edukiko luke, gaur egun bere motako izurdearen adinarentzako oso zaharra litzateke^[4]. Gaur egun Dingle udalerrian Fungi izurdearen omenezko brontzezko irudi edi eskultura bat dago^[5]