Isis

Wikipedia(e)tik
Hona jo: nabigazioa, Bilatu
Isis jainkosa, margolan murala. K. a. 1360 ingurukoa

Isis (antzinako grezieraz: Ἶσις) egiptoar mitologiako jainkosa baten izen greziarra da. Jainkosa honen izen egiptoarra Ast zen, tronu esan nahi duena, bere buru gainean zeraman hieroglifoak irudikatutakoa. "Azti handi", "Jainkosa ama handi", "Jainkoen erregina", "Naturaren indar ernaltzailea", "Amatasun eta jaiotzaren jainkosa" deitua izan zen.

Ikonografia[aldatu | aldatu iturburu kodea]

st t
H8
B1
EDO
st t
y
I12
Isis
hieroglifotan

Isis, emakume bezala irudikatzen zen, Ast "tronu"aren hieroglifoa buru gainean zuela. Beste batzuetan, eserita dago, eguzki diskadun buruko bat erakutsiz, Raren alaba baita. Miru hegoekin ere ikus daiteke, bere fededunak eta semeak bedeinkatzeko besoak irekiz, bere amatasunaren ikur bezala. Baita zuhaitz jainkosa eran ere, faraoiari titia emanez.

Bere bertsiorik errealistenean, Isis, jantzi estu bat zeraman emakume bat bezala irudikatua zen, lehen aipaturiko "tronua"rekin koroatua. Egiptoko XVIII. dinastiaren hasieran eta aro berantiarrean, adarrekin, eta, hauen artean, eguzki diska batekin irudikatua da, Hathor jainkosa bezala, azken jainkosa honengandik hartutako ezaugarriak direlarik, beraz. Sistroa eta menata ere badaramatza, Hathor jainkosaren ikurrak, eta, bere eskuetan, ankha eta papiro formako zetro bat eramaten ohi ditu.

Mitologia[aldatu | aldatu iturburu kodea]

Isis Horusi bularra ematen

Mitologikoki garrantzitsuagoa zen Osirisen emazte eta arreba eta Horusen ama bezala, eta ereduzko ama eta emazte bezala gurtua izan zen. Plutarkok jainkosaren istoria kontatzen zuen honako istorio hau idatzi zuen:

Osirisek, Isisen senar eta nebak, Antzinako Egipton bakez, harmoniaz eta jakinduriaz gobernatzen zuen. Nilo ibaiak lurra emankortzen zuen, eta uztak ugariak ziren. Bere mendekoak zoriontsuak ziren. Behin batean, Osiris bidaian irten zen beste zibilizazio batzuk ezagutzeko, eta erresuma, bere arreba eta emazte Isisen agindupean utzi zuen. Seth, bere anaia bekaiztia, iraindua sentitu zen, erresuma berak gobernatu behar zuela uste baitzuen, eta ez Isisek.

Osiris jainkoa itzuli zenean, Sethek, ongietorri jaialdi handi bat egin nahi izan zuen, eta gonbidatuei erronka bat bota zien: Sethek ekarri zuen kutxan sartzen zenak, Sethen errespetu eta leialtasun froga gisa, kutxa bera jasoko zuen. Asko saiatu ziren, baina kutxa, handiegia edo txikiegia zen. Osirisek, jakinminak jota, froga egin nahi izan zuen, eta egoki sartu zen bertan. Sethek ondo ezagutzen zuen bere anaiaren tamaina, eta horregatik sartu zen hain egoki kutxa barnean. Berehala, Sethek, beste 72 gaizkiderekin batera, metalezko kutxa hermetikoki itxi eta Nilora jaurti zuten.

Isisek, maitasunarekin eta konfidantzarekin, bere senar eta nebaren gorpua berreskuratzeko bidaia hasi zuen. Egipton zehar eginiko ibilaldi luze eta neketsuen ondoren, jainkosak, Osirisen hondarrak dituen kutxa aurkitu zuen. Baina dramak, bere mugagabeko gaiztotasuna erakutsiz, bere anaiaren gorpua lapurtu eta 14 zatitan banatzen duenean jarraitzen du, hamalau zati hauek, berriz, erresuma osotik sakabanatuz. Isisek ez du amorerik ematen, eta, bere ahizpa Neftisekin batera, Sethen emaztea ere badena, erresumako toki bakoitza zeharkatzen du. Azkenik, bien artean, zati guztiak aurkitzea lortzen dute, zakila izan ezik. Hala ere, Isisek Osiris berregin zuen Anubis eta Neftisen laguntzarekin, eta, berataz "bustia", Horus umea edo Harpokrates izan zuen, nork, beranduago, bere aita mendekatuko zuen Sethen aurka borrokatuz.

Isisen epitetoak[aldatu | aldatu iturburu kodea]

Jainkosa honek jaso zituen epitetoetako batzuk "Azti handia", "Jainkosa ama handia", "Jainkoen erregina", "Naturaren indar ernaltzailea", "Amatasunaren eta jaiotzaren jainkosa", "Andere handia", "Jainkosa ama", "Zeruko, Lurreko eta Behe munduko Anderea" (Filen), "Isis bere agerpen guztietan", "Raaneferreko Anderea", "Mesengo erregina", "Hebeteko anderea", "Abatoneko Anderea", "Hegoaldeko herrialdeetako Anderea", "Piramideetako Anderea" Gizan, "jainkotiarra, bakarra, jainko eta jainkosen artean handiena, jainko guztien erregina", "Raren begia, Ra-Heruren koroa, Sept", "Urte Berriaren Anderea" etab... izan ziren.

Tutmosis III.aren hilobia: Isis, zuhaitz jainkosa formarekin, faraoiari bularra ematen.

Gurtza[aldatu | aldatu iturburu kodea]

Bere jatorria ez da ezagutzen, baina, uste denez, Niloren deltatik etorri zen. Isisi buruzko lehen aipamenak, Egiptoko V. dinastiaren garaikoak dira, non lehen idazkun literarioak aurkitzen diren, baina bere gurtza, garrantzitsu, Antzinako Egiptoren historian beranduago egin zen, beste jainkosa baten gurtzak xurgatzen eta sinkretatzen hasi zirenean. Denboraren igaroan, Egiptotik kanpo hedatu zen, Ekialde Hurbila eta Erromatar Inperiotik, berari eskainitako urruneko tenpluen eraikuntzarekin, Britainiar Uharteetan kasu. VI. menderarte, bere gurtzaren arrastoak aurkitu ahal izan ziren Europa kristauan.

Bere gurtzari eskainitako tenplurik garrantzitsuena, File uhartean zegoen. Denderan, urtero erakusten zen Hathor jainkosaren tenpluko kiosko batean eguzkiaren izpien aurrean, birsortzeko. Gizan, "Piramideetako Anderea" bezala gurtua izan zen.

Bere gurtza, Mediterraneo Itsasoko herri guztietatik hedatu zen, kristautasunaren zabaltzeari aurre eginez, eta Fileko tenpluan mantendu zen Erromatar Inperioaren garaian Justiniano I.a Bizantziar Enperadorearen garaian, 535. urtean debekatua izan zen arte.

Isisen gurtza Hispanian[aldatu | aldatu iturburu kodea]

Isisen gurtzaren zantzuak daude Hispanian, merkatariek, militarrek edo hiritar greziar edo erromatar soilek igorria. Hasieran, bere gurtza, jende herrikoiaren artean hedatzen da, ondoren, klase altuenetaraino iristeko. Gurtza antolatua Emerita Augustan (Merida, Igabrumen (Cabra, Valentia (Valentzia) eta Baelo Claudian (Bolonia, Cadiz), non Isis jainkosari eskainitako II. mendeko tenplu baten hondakinak geratzen diren, fededunak Legion (Leon), Asturica Augustan (Astorga), Accin (Guadix), Saguntum (Sagunt) eta Tarracon (Tarragona) egon ziren. Isisen Hispaniako gurtzari buruzko aurkitutako azken dokumentuak, III. mendearen lehen erdialdekoak dira.

Kristautasunak Isis "amatasunaren jainkosa"ren gurtza beretzat hartu zuen, Andre Maria Birjinarekin identifikatuz, zeinen amatasunezko eta babeseko irudiak, bere ikonografian inspiratuak dauden. Birjina Beltzak, Isisen antzinako iruditzat hartzen dira, beranduago, erritu katolikora egokituak.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Commons-logo.svg
Commonsen fitxategi gehiago dago honi buruz:
Isis