Rem Koolhaas

Oportoko Musika Etxea (Portugal).

Remment Lucas Koolhaas (Rotterdam, 1944ko azaroaren 17a — ) herbehereetako arkitekto, hirigile, kazetari eta gidoilaria da.

Rem Koolhaas 2005ean.

Londresko Architectural Association arkitektura-eskolan burutu zituen ikasketak. OMAko (Office for Metropolitan Architecture) arkitekto nagusia da, eta Harvard unibertsitatean Hirigintzako eta Arkitekturako irakaslea da.

Oso ezaguna da bere lan teorikoengatik, besteak beste, Delirious New York, S,M,L,XL edo Content lanengatik, arkitekturaren bazterrak irauli zituztenak. Koolhaasen obrek arkitekturaren diziplinaren kontradikzioekin egiten dute lan, gero eta globalizatuago eta merkatalizatuagoa den munduan arkitekturaren berezko ideia humanista eta teknika eta materialen egiatasuna uztartzean halabeharrez sortzen diren kontradikzioekin, alegia. Koolhaasen estiloa zaila da definitzen. Zenbaitek dekonstrutibismoaren barnean kokatzen dute, baina Koolhaasen arkitektura, beharbada, ideien erradikalizazioaren ildotik ulertu beharko litzateke, ustekabeko ideia batek maiz proiektu osoa definitu eta materia hartzen duelako.

Musika Etxearen barrualdea

Bere lanetan denetarik aurki dezakegu, nahiz eta tamaina handiko proiektuak bereziki atsegin dituen.

2000 urtean Pritzker saria jaso zuen, arkitekto batek lor dezaken nazioarteko saririk garrantzitsuena.

Lan garrantzitsuak

• 1988 : Euralille. Lille, Frantzia (1988)
• 1988 : Herbeheretako dantza antzokia. Haga, Herbehereak
• 1993 : Rotterdam-go Kunsthal. Rotterdam, Herbehereak
• 1993-97 : Educatorium. Utrecht, Herbehereak
• 1997-2003 : IIT-ko McCormick Tribune kanpusa. Chicago, AEB
• 2002 : Guggenheim Museoa. Las Vegas, Nevada, AEB
• Nexus etxebizitzak. Fukuoka, Japonia
• 2003 : Herbeheretako enbaxada. Berlin, Alemania
• 2003-04 : Prada dendak New York eta Los Angeles, AEB
• 2004 : Liburutegia. Seattle, AEB
• 2005 : Casa da Música. Porto, Portugal

• CCTV bulegoak. Pekin, Txina

Kanpo loturak

• (Ingelesez) OMA arkitekturako bulegoaren web gune ofiziala