Tigris

Tigris دجلة Diğlä (ar), Dîjle (ku), Dicle (tr)
Ibaia Diyarbakır inguruan, Turkian
Kokapena	Mesopotamia
Luzera	1.900 km
Arroa	258.000 km²
Emaria	1.500 m³/s
Iturburua	Taurus mendiak, Turkia
Ibai ahoa	Shatt-al-Arab > Pertsiar Golkoa

Tigris Asiako mendebaldeko ibaia da, ia 1.900 km luze dena.

Anatoliako Taurus mendietan sortzen da eta Pertsiar Golkoan amaitu.

Eufratesekin batera Mesopotamia izeneko lurralde historikoa mugatzen zuen.

Ibilgua

Turkiako Taurus mendietan sortzen da, Elazig hiriaren hego-ekialdean (Kurdistan). Kurdistango lurrak zeharkatu ondoren (Siriako eta Turkiako estatuen arteko muga eratzen du 50 km-tan zehar), Iraken sartzen da eta antzinako Mesopotamiako lurren ekialdeko muga eratzen du, Eufrates ibaiarekin batu eta Shatt al-Arab ibaia osatu aurretik.

Ubide batzuek elkartzen dituzte Eufrates eta Tigris ibaiak Irakeko erdialdetik aurrera. Eufrates ibaian ontziak ezin daitezke ibili, baina bai Tigris ibaian. Ur lasterrei eta albotik hartzen dituen ibaien uren indar handiari (Zab Txikia eta Zab Handia, Diyala, Adhaim, al-Uzaym) eusteko ur-hesiak eraiki behar izan dira, eta ibaiadarrak lurrak ureztatzeko erabiltzen dira (laboreak, kotoia, fruituak eta arroza alubioietan, eta palmondoak-datilak behe arroan, munduko ekoizpenaren % 80).

Bazterretako hiriak

Ibaia Taurus mendietan sortzen da, Turkian. Hortik, Mosul (Kurdistan) eta Irakeko hurrengo hirien alboetatik isurtzen da, Eufratesekin bat egin baino lehen: Tikrit, Samarra, Bagdad, Kut eta Amarah.

Ibaiadarrak

• Turkia :
  • Batman
  • Bitlis
  • Hezil Çayı
• Irak :
  • Zab Handia
  • Zab Txikia
  • Diyala
  • Adhaim
  • Karkheh
• Iran (Xatt al-Araben) :
  • Karun

Irudi galeria

• 

  Tigris ibaia Mosulgo aldirietan

• 

  Mosul parean

• 

  Tigris ibaia Bagdaden

• 

  Diyarbakirren (Turkia)